LUKA 2:41 - Bibilia Kui Mdedie fo Kimochi

⁴¹ Kyasia ndee na mae nyi wawekehenda-henda kulya Yerusalemu orio maka yose ili mkonu menene fo Pasaka.

LUKA 2:41 Iomraidhean Croise

IWUKA 12:11

“Na nyi wudi mochilya; mochikoya mukupfungie kiṟota shitsinyi shanu, muṟee shadu shanu madendenyi, na ndichi tsanu mawokonyi hanu; nanyo mochilya mochihukia; nyi pasaka ya Mndumii-Ruwa.

IWUKA 12:14

Na mkonu fu fochiwa ngumbuo konu, nanyo mochifuhaluo fuwe mnene ko Mndumii-Ruwa; mochifuhaluo fuwe mnene ipfo shisharinyi shanu shose, kui iwawaso lya mlungana.”

IWUKA 34:23

Makamba haṟaṟu orio maka wasoṟo wapfo wose wechicha oshangunyi lo Mndumii-Ruwa, Ruwa o Waisraeli.

WALEWI 23:5

“Kyukanyi kya mfiri fo ikumi na kaana fo meri fo kuwoka mochifuindia kui wuindi woko Inyi Mndumii-Ruwa, mfiri mnene fo Pasaka.

MAITALA 28:16

“Mfiri fo ikumi na kaana fo meri fo kuwoka nyi Pasaka ya Mndumii-Ruwa.

LUKA 2:42

Nao kekishitsa mndu o maka ikumi na iwi, wakado nao, chando kiweikido kya mkonu fulya mnene.

YOHANE 11:55

Nahong'u Pasaka ya Wayuda iwei kufui, wandu wafoi wakahenda ido na kulya Yerusalemu wawuka ipfo sangenyi lilya, Pasaka ilamshika ihoya, wahende ikuilisha.

YOHANE 13:1

Mkonu fulya mnene fo Pasaka fulameshika ihoya Yesu amemanya ke kiheri kyake kyamshika nawuke kunu wuyana iwuya ko Wande. Nao msa alewa mokunda iwa wake mandi ai kunu wuyana nyiwudo-ng'u alewaloṟa mkudye foke tane mainukyonyi.

YOHANE 2:13

Kyasia mkonu mnene fo Wayuda fulya fo Pasaka fuwekeri fo afui; Yesu kahenda ikudoya na kulya Yerusalemu.

YOHANE 6:4

Na mkonu fulya mnene fo Wayuda fulya fo Pasaka nyi kufui fuhoye.

NGUMBUO YA MAWAWASO 12:11

kyasiang'u handu Mndumii-Ruwa, Ruwa onu echisambuṟa helahia rina lyake, nyi hondu mochiduo isho shose njilemuwawasa: shidaso shanu shekoṟa, na mwano yanu, mwano yanu na shiinengo shanu mochishiende, mwano yanu, na shiasa shanu mochiwika sheinenga Mndumii-Ruwa.

NGUMBUO YA MAWAWASO 12:18

Indi mochishiliia oshangunyi lo Mndumii-Ruwa, Ruwa onu, handu Mndumii-Ruwa, Ruwa onu echisambuṟa. Mochishilya nyo na wana wanu wa kika na wa kisoṟo waṟundi wanu na shisinga shanu, na Walewi wekekaa mṟinyi yanu.

NGUMBUO YA MAWAWASO 16:16

“Wasoṟo wose wa mkambo fonu wechicha oshangunyi lo Mndumii-Ruwa, Ruwa onu, makamba haṟaṟu orio maka, handu Mndumii-Ruwa, Ruwa onu echisambuṟa: kiheri kya mkonu mnene fo Pasaka, mkonu mnene fo sambuo na kiheri kya mkonu mnene fo matengo. Walache oshangunyi lo Mndumii-Ruwa na mawoko ha wulya.

1SAMWELI 1:21

Elikana na wa mba yake wose wakahenda se Shilo na iinenga Mndumii-Ruwa kidaso kya orio maaka na iawutsia kiasa.

1SAMWELI 1:3

Orio maka Elikana nawekewuka Rama kahenda iindia na idasia Mndumii-Ruwa menyi matorito kulya Shilo. Mpfo kundu wana walya wa kisoṟo wa Eli, Hofni na Finehasi wawei wakohanyi wa Mndumii-Ruwa.