LUKA 11:2 - Bibilia Kui Mdedie fo Kimochi

² Nao kawawia, “Ili mochiterewa Ruwa hambenyii mudi, ‘Nde-yadu ui ipfo ruwehu, rina lyapfo litano lyele; wumangi wopfo wuche. Isho ukundi chando shekewutika kulya ruwehu, na kunu orukenyi shiwewa shido.’

LUKA 11:2 Iomraidhean Croise

1WAMANGI 8:43

hoi na hoi umuadanyie ipfo kopfo ruwehu, umtarame shose mhenu cho akuterewa, kundu wandu wose wai kunu orukenyi wamanye rina lyapfo na ikuowuo, na wana wa Israeli naawo, wamanye ke mba ii njilewika injisende kui rina lyapfo.

2WAMANGI 19:19

Na wulalu, hoi Mndumii-Ruwa, Ruwa odu, ngakuterewa nolukiṟe ipfo njaenyi tsa Senakeribu, kundu mangi tsose tsa wuyana tsimanye ke iyo kumonyi tichi nyi iyo ui Mndumii-Ruwa, ui Ruwa.”

2MBONYI TSA MAHERI 20:6

katerewa ko ṟu kahamba, “Ee Mndumii-Ruwa, Ruwa o wasahuya wadu, iyo nyi Ruwa ukeri ipfo ruwehu! Iyo nokeitoṟia wumangi wose wuyanenyi; nuwode wuidimi na pfinya, ma kuwode pfo sa echiidima ihenda kihadi na iyo pfo.

SHIIMBO SHA DAWIDI 103:20

Ichimbiṟenyi Mndumii, nyo wamalaika wake, nyo mui ngohoda, mokewuta idedo lyake, mochiadanyia ṟu lya idedo lyake.

SHIIMBO SHA DAWIDI 108:5

Hoi Ruwa, uichiko huye ruwehu, na iya orukenyi kose kukae kiṟumi kyapfo.

SHIIMBO SHA DAWIDI 11:4

Mndumii nyakukerie hekalunyi lyake lyele. Mndumii-chu awode kitima kyake ruwehu, meso hake hakeri iambuya; Mbawa tsake tsihesha wandu.

SHIIMBO SHA DAWIDI 57:11

Hoi Ruwa, uṟumisho kulya huye ruwehu, na huye ya oruka kuwade wuitoṟi wopfo.

KOHELETI 5:2

Kuladede madedo ha wusembo kui dumbu lyapfo ma mrima fopfo fulawe mwangu ideda oshangunyi lo Ruwa: Kipfa Ruwa nyi ai ruwehu, na iyo nyi iya wanda ui, ko ikyo madedo hapfo hawe maangu.

YESAYA 63:16

na kipfa iyo nyi ndeadu, manya chando Abrahamu alaluichi, ma Israeli eidima ilusendapfo, Iyo Mndumii, nyi Iyo ndeadu, “Mkiṟa odu,” mlungana, na mlungana nlyo rina lyapfo

EZEKIELI 36:23

Ambuya nyi njikeri ihenda iwihiṟia wuindi woko wuele rina li lyako mlelisalucha kiidi kya mkambo ya wandu. Kipfa kya ikyo mkambo yo ya wandu wechihenda imanya ke inyi nyi Mndumii-Ruwa. Nyi Inyi Mndumii-Ruwa menyi matorito ngahamba. Kyamba kipfa njechihenda iwaloṟa kiṟumi kya rina lyako.

DANIELI 2:28

Kyaindi kuwode Ruwa o Ruwehu echiidima itambahaluo shindo sha shiṟika, nao nyi aloṟa Mangi Nebukadneza mbonyi tsechikaa tsihoye mkonu ya ifurumia. Ndodo yapfo na mahio ya mdo fopfo ulewona lilyandi uwelee nyi kikeri kiile;

DANIELI 2:44

Maheri ho ha wamangi wo wose hakamsia Ruwa o ruwehu nechihoṟotsa wumangi wungi wulechimanda mlungana wochiwa isembelia pfo, na kuwode wandu wechiwudeeyo-pfo, kipfa wochifunja-funja mangi tsingi tsose nawo wuitoṟie mlungana.

DANIELI 7:18

Indi waele wa ichu ai huya shose wechiambiya wumangi, na iitoṟia mlungana na mlungana.

DANIELI 7:27

Na wumangi na wuitoṟi na wunene wo wumangi iya wuyana wechiinengo wandu waele wa ichu o huye, wumangi woke nyi wumangi wo mlungana na wose wengi waitoṟi wechimṟundia na imiindia.’

HOSEA 14:2

“Lanye Waisraeli, wuyenyi na ko Mndumii-Ruwa, Ruwa onu;

WALEWI 10:3

Nahong'u Mose kawia Aroni, “Kindoki nyi kilya Mndumii adedie, kehamba, ‘Inyi njechiheṟemtso kiidi kya iwo waitikiria koko, na Inyi njechiichiko oshangunyi lo wanduwo wose.’” Aroni katsia sau.

WALEWI 22:23

Ipung'a ang'u huṟuwi liwode kiungo kimu kilesheleshe ang'u kifui kota nochiidima imlekia mwano fo nnga; indi kulamlekie mwano foawutsia kyasa.

HABAKUKI 2:14

Kipfa wuyana wochiichuṟo wulaanyi wo wuitoṟi wo Mndumii chando mṟinga foichuo ipalyipalyinyi.

MATAYO 10:32

“Nahonu orio mndu ose ichu echinjihamba oshangunyi lo wandu, na inyi mbemhamba oshangunyi lo Wande o ipfo ruvehu.

MATAYO 3:2

Kehamba, “Dumbuyenyi, kyamba wumangi wo Ruwa womeafukia kufui!”

MATAYO 5:16

Nyi wudo na sa yanu iwewaa oshangunyi lo wandu wose, wawuteho ikulosha mawuto hanu mecha, kundu wang'anyi she naho Nde-anu o ipfo ruwehu.”

LUKA 11:1

Kukashika ili limu awei handu kechiterewa Ruwa, amhutsia, umu o walya wa kiloshionyi kyake kambia, “Hoi Mndumii, luloshe-wo iterewa Ruwa, chando na Yohane alewelosha walya wa kiloshionyi kyake.”

WAROMA 1:7

Ngamwiṟikiṟa nyo mukeri ipfo Roma mose mui wakunde wa Ruwa, wasambuṟe waele. Wutonga wukae nanyo na ofoṟo luwukie ipfo ko Ruwa Nde yadu na ko Mndumii Yesu Kristo.

WAROMA 8:15

Kyamba nyi mulaleambya Mumuyo fo wusinga foamtsa-se lingi wuowu chi wudopfo, kya indi nyi muleambya Mumuyo o wuwana moluenenga ilaha; hoi Aba, hoi Wande.

1 WAKORINTO 1:3

Wutonga wukae nanyo na ofoṟo shiwukye ko Ruwa Wande odu na ko Mndumii Yesu Kristo.

2 WAKORINTO 1:2

Wutonga wukae nanyo na ofoṟo shiwukye ko Ruwa Nde yadu na Mndumii odu Yesu Kristo.

WAGALATIA 1:4

Nyio ichu alekudambika opfunyi amonyi kya manyamaṟo hadu kundu naluturuchwo iya iwuyana ili liwicho lidi lya kiwulalu ilyo likeri ihenda. Ekiwutye adi kyeidikyana na kiteṟyo kya Ruwa odu Wande.

WAEFESO 1:2

Wutonga wukae nanyo na ofoṟo ilu shiwukye ko Ruwa Ndeyadu na ko Mndumii Yesu Kristo.

WAFILIPI 1:2

Wutonga wukae nanyo na ofoṟo lu luwukye ko Ruwa Ndeyadu na Mndumii Yesu Kristo.

WAFILIPI 4:20

E-wo Ruwa chu ai na Ndeyadu nyio akaa-pfo echiwikyo wuitoṟi maheri hose halunganyi mlungana Amenyi.

WAKOLOSE 1:2

Lomuiṟikiṟa wanawawama mui Kristo-hu wa ipfo Kolosai wandu wa Ruwa waidiki; wutonga wukae nanyo na ofoṟo-lu luwikie ko Ruwa Ndeyadu.

1WATESALONYIKYE 1:1

So Paulo na Silwano na Timoteo loiṟikiṟa siṟi ya ko Watesalonyikye iinjiwike kui Ruwa wande na Mndumii Yesu Kristo wutonga na ofoṟo shikae nanyo.

1WATESALONYIKYE 1:3

Lulatsia itamuo oshangunyi lo Ruwa odu Wande kyando kya wuidiki wonu na mawina ha kikunda na ikukarishia lya owedo lyewedya Mndumii odu Yesu Kristo.

2WATESALONYIKYE 2:16

Nao Mndumii odu Yesu Kristo amonyi na Ruwa Ndeyadu ichu alelukunda na iluenenga kiwihiṟia moo kitsinde mulangana na owedo sa ucha kui wutonga.

OTAMBAHALUO LO YOHANE 11:15

Na msu ulya mwele o mfungade kakapa ombe. Kukaamka maṟu hededa hang'anyi ipfo ruwehu hakahamba, Wumangi wo wuyana wu womba wo Mndumii odu na wo Kristo oke. Nao echiwa mowuikolonya maheri hose ha mlungana.

OTAMBAHALUO LO YOHANE 15:4

Nyi o ku, hoi Mndumii, alechiowuo alawechiindya rina lyapfo iyo ngesa? Kipfa iyo kumonyi ui Mwele. Kipfa mkambo ya wandu yose yechicha yechikukumba wanda oshangunyi lopfo na ikuhonerya kyamba mawuto hapfo hamanyikie ko wose ipfo ruwehu nyilyo hema liwode kiṟingishyo kilya kehamba Ruwa.”

OTAMBAHALUO LO YOHANE 19:6

Ngaicho ṟu cha lya mamwingi fo wandu fung'anyi na ṟu liwei cha lya mdihino ya ochi lung'anyi ṟu liwei cha lya maṟuṟuma hang'anyi hehamba, “Haleluya, kyamba Mndumii-Ruwa odu aitoṟye shose nyi ai Mangi.

OTAMBAHALUO LO YOHANE 20:4

Na ngawewona loṟika tsa wuitoṟi na wandu wadamie hoi wakainengo momu fodumbuo mondu. Ngawewonase na mrima ya walya waledumbuo mdo kimaduma kya kiṟingishyo kyeṟingishia Yesu na kimaduma kya idedo lya Ruwa na ya walya walaleindia indo lilya manya mfano folyo ma walaweambye ofano lulya lolyo ipfo oshangunyi lowo ma ipfo owoko-hu. Wo wakawada moo wakawa wakachilia hamu na Kristo maka kiku kimu. (