LUKA 10:2 - Bibilia Kui Mdedie fo Kimochi

² Kawawia, “Shesambuo nyi shifoi, indi weṟunda-ho wakanyia. Keterewenyi Mndumii menyi shesambuo nadume waṟundi ipfo kisambuyonyi kyake.

LUKA 10:2 Iomraidhean Croise

1WAMANGI 18:22

Naalyo Elia kawawia, “Inyi njimonyi nyio njitsuhae, inyi njimonyi njii mwikimbi o Mndumii, kyaindi waikimbi wa Baali nyi wandu mahana hana na makumi hatanu 450.

SHIIMBO SHA DAWIDI 68:11

Mndumii nyawuta idedo lyake; waka wekeonguo mbonyi ni ichekeṟo ling'anyi;

YEREMIA 3:15

“Na inyi njechimuinenga walisi wanjichihiṟie mrima foko, wechimlisa na wuṟango na wulaanyi.

ZEKARIA 11:17

Ochia lo mlisi alawaṟi, kada po! Oshu lochikaa huye yake, owoko loke lochikachuka na riso lyake lyechiwa njeche.

ZEKARIA 11:5

lilya wenyi lyo wekeshinja, wakakuwona ke wawode mti pfo; na iwo wekumba wakahamba, Mndumii nainengo kiṟumi kipfa inyi njii msuṟi; na walisi wawenyi walawasaṟie.

MAITALA 11:17

Njechisoka napfo njidede na iyo; njechiwuta kienga kya mumuyo njilekuinenga, njiwainenge wanduwo. Nawo wechikudika mhanda foringa wanduwo handu hamu na iyo, kulache ikudika mhandafo iyo kumonyi.

MAITALA 11:29

Kyaindi Mose kamhaluo kambia, “Ngesa nowado nyi wunyenyi kipfa kyako? A kima Mndumii-Ruwa aweinenga wandu wake wose mumuyo foke nawo wakawa waikimbi!”

MATAYO 20:1

Wumangi wo ruwehu nyi wafananyi na mndu menyi kanyi elelawa ikure kanyi ngamenyi nahende kushihya waṟundi weṟundya pesa wa kulya demehu lyake likeri lya msabibu.

MARIKO 13:34

Nyi cha ili mndu ahenda kyaṟo kuleshe kada mba yake kadambikya shisinga shake ipfo kanyi orio mndu na iṟunda lyake, kawawasa ulya moikalya mongo ke nalae dembo.

MARIKO 16:15

Kawawia, “Kehendenyi wuyana kose, muongoye-pfo Mbonyi tso tsa Sia ko orio mndu.

MARIKO 16:20

Na walya wa kiloshionyi wakahenda wakaongoya-pfo kose, Mndumii kechiwatarama na idedo lilya wahamba kaliwanza na shiṟingishyo shilya awainengye shewaimya.]

LUKA 9:1

Kyasia kalaha walya ikumi na wawi na handu hamu, kawainenga pfinya na chila yeng'anyia waṟufu wawicho na ichiṟa ndaaṟe.

MAWUTO HA WASU 11:19

Kikasia walya werahanyika kitewo nyi mawukiwa halya hewoneka kiheri Stefano alewoho wakahenda wakatana washika kulya Foenike na kulya Kipro na Antiokia. Walaongwo idedo lilya ko mndu ungi shile nyi ko Wayuda wo wawenyi.

MAWUTO HA WASU 13:2

Nawo ili wawei wasanze wewikya Mndumii wuindi na ikuotoya Mumuyo Mwele kahamba, “Njiwiluyenyi Barnaba na Saulo wahende ipfo kiṟundyonyi ndewalahya.”

MAWUTO HA WASU 13:4

Kyasiang'u wandu wo wekimaa idumo nyi Mumuyo Mwele wakasokya kulya Seleukia, wawuka-pfo wakahenda kyaṟo kya ipalyipalyihu wakashika Kipro.

MAWUTO HA WASU 20:28

Kekuṟisenying'u nyo muwenyi, mbelisa na ipoo lyose ilyo Mumuyo Mwele ambikye kiidi kyalyo wakaṟa kundu mochilisa wuarya siṟi ii ya Ruwa alekuwonya kui samu ya Mana oke amonyi.

MAWUTO HA WASU 22:21

Nao kanjiwia, “Kuhendye kyamba inyi njechikuduma kuleshe ko wandu wa mbaṟi njiehenu.”

MAWUTO HA WASU 8:4

Na walya walerahanyikya ipfo na ipfo wakahenda wechiongwo idedo lilya.

1 WAKORINTO 12:28

Na kwipfo Ruwa awawikye ipfo siṟinyi, lyesonguo nyi wasu, lya kawi nyi waikimbi, lya kaṟaṟu nyi wedambuo, lingi nyi wewuta ngata tsa pfinya, lingi nyi warie pfinya tsechiṟa waluo, lingi nyi waeki, lingi nyi waiṟichi, lingi nyi wededa mdedye ya shiṟuma.

1 WAKORINTO 15:10

Kya indi kui wutonga wo Ruwa nji chasa nji, na wutonga wu woke wunjikerye chi wulewa wo wulyapfo kya indi ngamewinya kya wueṟa kota wo wose, ma chi inyipfo shile nyi wutonga wu wo Ruwa wukeri na inyi.

2 WAKORINTO 6:1

Indi ili lukeri wa kyando-ki nyi lomututuma, ma mulawone mochiambya wutonga wo Ruwa kya wulya.

WAFILIPI 2:21

Kyamba waiwinya wose shilya shii shawo chi shilya shii sha Kristo Yesu.

WAFILIPI 2:25

Kya indi ngamhamba nyi kinjiwari kyemdumya manowama chu Epafrodito ai mokyando na mongao oko kawewa msu onu monjiendie shilya sheluya moo.

WAFILIPI 2:30

Cha kipfa nyi alekoyana na opfu echipfuṟukanya Kristo kakumba moo kundu naengeṟye-ho kilya kilewuṟika-se ipfo maikanyenyi mulenjiikanya naho.

WAKOLOSE 1:29

Nakyo nyi ngakiwinya njekapana kui wuitiki wu wo Kristo wuiṟunda kiidi kyako na pfinya ing'anyi.

WAKOLOSE 4:12

Odoyanu Epafra amwiṟikiṟa ai o konu, na isinga lya Kristo Yesu echimkapanya nyo kiheri kyose ipfo shiterewonyi shake kundu muhoṟoke-ho mutimie mui wawanzie orio kindo Ruwa akundi kyose.

1WATESALONYIKYE 2:9

Kekumbuonyi-ng'u-wo ngatara tsadu na wawina, wanawawama. Luweiṟunda kio na mfiri, kundu lulawewona lochirohya ma umu onu iliindi luwemwongoya ndumi ya sia ya okiio iya ya Ruwa.

1WATESALONYIKYE 5:12

Indi lomterewa, wanawawama, ke manyenyi iwa waimuwinya nyo na iwukaya kui Mndumii na imtutuma.

2WATESALONYIKYE 3:1

Luterewienyi ko Ruwa Lyefurumia, wanawawama, keluterewyenyi kundu dedo lya Mndumii lidungane na iambio liweindyo cha ipfo konu.

1TIMOTEO 4:10

Nalyo lyaluenenga lokuwinyisha loira-ho ngapano kipfa lokusirya na Ruwa chu menyi moo ai mkiṟi o wandu wose, kya ngoseṟa o walya wamwidikye.

2TIMOTEO 4:5

Kakye iyo ukae na osaaṟe kya orio kindo, kukarishie mawinenyi, ṟunda iṟunda icha lya mwongoyi o Ndumi ya Sia ya okiio, ochiawutsia necha wupfuṟukanyi wopfo.

FILEMONYI 1:1

Inyi Paulo njii-mpfunge kya Kristo Yesu, so na Timoteo manowama lokuiṟikiṟa iyo Filemonyi mkunde ui mṟundi kimu naso.

WAEBRANIA 3:6

Indi Kristo nyi Mana sumuhana na mba ii yake. Mba ii yake nyiso, kokoya lokaa luṟamkie luikuwada tsee na iṟumisha owedo lulya itane lochiawutsio.

OTAMBAHALUO LO YOHANE 2:1

“Msu chu o siṟi ya Efeso ochimṟehya,” Aiha madedo ha ichu ahambye arie nyenyeri tsilya mfungade owokonyi loke lo kulyo, ekyechumia kiidi kya shimnaṟa shilya mfungade sha taa sha sahabu.