HOSEA 7:2 - Bibilia Kui Mdedie fo Kimochi

² Kii kidi wakusaṟie manya le pfo ke inyi njikumburie mawuto hawo mawicho hose, wulalu mawicho hawo nyi hawatengetia njora tsose, na isho wawutie shose nyi shikeri oshangunyi loko.

HOSEA 7:2 Iomraidhean Croise

YOBU 34:21

“Meso ha Ruwa hekeṟisa ohendo lo wandu, kawewona ndifo tsawo tsose.

SHIIMBO SHA DAWIDI 10:11

Kahamba mrimenyi foke Ruwa nyi anjihadimie, Nyaṟika kyamu kyake, awonyi manyalepfo.

SHIIMBO SHA DAWIDI 25:7

Ulawone ochikumbuo madeko ha wukoho woko, ma mawuto hako ha ngafu, Unjikumbuo kui isaṟia lyapfo ling'anyi, Ee Mndumii, kipfa kya wucha wopfo.

SHIIMBO SHA DAWIDI 50:22

“Manyenyi isho, nyo mokehadima Ruwa, njilashike imuranduo, kulechiwoneka momuchiṟa.

SHIIMBO SHA DAWIDI 9:16

Mndumii nyi akuloṟa kainutsya mwanduye; Nyi adeha mtahachi kui maṟunda ha mawoko hake.

SHIIMBO SHA DAWIDI 90:8

Noleṟie mawicho hadu oshangunyi lopfo, kiṟike kyadu osehu lo kyamu kyapfo.

YESAYA 1:3

Mmbe iichi menyi oyo, Na nzoi iichi tengo lya menyi yo, Kiṟihishie Israeli aichipfo, wandu wako wekekusaṟapfo.

YESAYA 26:16

Mndumii, kiidi kya wukiwa wowo walehenda kopfo; waleterewa shiterewo shifoi mnu kiheri kilya ulewahoṟwo.

YESAYA 44:19

Kuwode ma mndu awikie mrimenyi, ma kuwode wuṟango; ma imanya ihamba, “Njirumatsie kenga modonyi ngakoṟa mkate huya makaa; ngakoṟa nyama ngailya, a inyi ngoseṟa njihaluo kiwe kiwi kiwicho? Ale njiṟingishie na iindia itsuwa lya ikidi?

YESAYA 5:12

Kuwode-pfo, shinanda na shilya sha ndusu na mtoṟiṟo, na mtingo na mvinyo, isho shose shii kiidi kya mfuho yawo; kyaindi waiambuya iṟunda lya Ruwa pfo, ma ikusaṟa mawuto ha mawoko hake.

YEREMIA 14:10

Mndumii nawia adi wandu-wa, “Nyi udi walekunda iṟahaṟaha; walaidime ikukarisha, kyasia na Mndumii echiwaambia-pfo, na wulalu nechikumbuo wuwicho wowo, nechiwuwuya njonyamaṟo tsawo.”

YEREMIA 16:17

Kipfa inyi njiwonyi mawuto hawo hose kuwode kindo kiṟike kokopfo. Madeko hawo hose hai pata koko.

YEREMIA 17:1

“Wunyamaṟi wo Yuda wui wurehie kui kalamu ya menya; kui sumi ya almasi wui wutoṟongochie kiidi kya mrima yawo na ndumbenyi tsa rasio tsawo.

YEREMIA 2:19

Wuwicho wopfo wochikuwuuya, madedo hapfo hechikukapa; umanye, kyasia uwone ke nyi kindo kiwicho mnu na kiendie wusutsu ida Mndumii-Ruwa opfo, ma kiidi kya mrima fopfo kuwode injiowuopfo Mndumii ahamba; Mndumii menyi matorito.”

YEREMIA 32:19

Iyo nokesaya kwi wuṟango na nyi okewuta ṟiho; njia tsa wandu tsi kitaṟe oshangunyi lopfo, noketaa orio mndu kihianyi na mawuto hake.

YEREMIA 4:18

Mawuto hapfo na ohendo lopfo lokuendie ishi, iwu nyiwo wuwicho wopfo, kipfa wui wuwawo, nylohi wushikie kiidi kya mrima fopfo.

YEREMIA 44:21

“Ikyo kya idasa nyo na waku wanu, wamangi wanu na wasongoru wanu, hamu na wandu wa oruka wose, mulewutia kiidi kya mṟi ya Yuda na kiidi kya njia tsa Yerusalemu; alae mukusaṟie Mndumii-Ruwa nahadimie ang'u akumburie?

EZEKIELI 21:29

Kiheri kyo mochikoya molodia ndodo tsanu tsekulemba na ikusiria wuikimbi wonu wo wongo, nyi lyondi oshu lo lochihenda idumbuo nzingo tsa wanyamaṟi, wose. Iyo nyi yo ngapo ya mawicho hanu hose.’

HOSEA 12:2

Mndumii-Ruwa nyi awode mondu na Yuda; ambuya nyi ahenda ikapa Yakobo sumuhana na madeko hawo, na iwataa sumhana na mawuto hawo.

HOSEA 4:9

Kyaindi isho shechiwakoya, nasho shechikoya wakohanyi; njechiwahoṟuo kipfa kya mchumie fowo, njechiwatana watae kipfa kya mawuto hawo wamonyi.

HOSEA 6:2

Mfiri iwi ikameida nyi echiluinenga se moo, iyee, na mfiri fo kaṟaṟu nyi echiluṟutsa, kundu luidimese ikaa handu hamu nao.

HOSEA 8:13

Ambuya wo nyi wakundi iwuta mwano na shidaso, nyi wekewuta shidaso wakawelya nyama tso, kyaindi inyi Mndumii-Ruwa shekenjichihiṟapfo, Inyi njihenda ikumbuo njonyamaṟo tsawo, njihenda iwakapa kipfa kya madeko hawo, ambuya nyi njihenda iwawihiṟa wusingenyi kulya Misri.

HOSEA 9:15

Ambuya wuwicho wowo nyi wulewokia kulya Gilgali; nyi wudo Mndumii-Ruwa ahamba. Ipfo nyipfo njiilewoka iwasuo. Kipfa kya mawuto hawo mawicho, ambuya nyi njihenda iwafuna kanyi koko, manya njechiwakunda sepfo; Wanene wawo wose nyi walelekana na inyi.

HOSEA 9:9

Nyo nyi musoṟowie kiidi ka wunyamaṟi chandu kiwekeri kulya Gibea; Mndumii-Ruwa nyi echikumbuo madeko hawo, nao nechiwakapa kipfa kya wunyamaṟi wowo.

AMOSI 8:7

Mndumii nyalya nyamu kui kiṟumi kya Yakobo, Nyi kya lohi njechihadima iṟunda lyawo ma limupfo.

YONA 1:2

Kure nohende Niniwe, mṟi fulya fung'anyi, nofupoṟohoṟie na pfinya, kochiwawasa; kipfa madeko hawo na wunyamaṟi wowo woshika oshangunyi loko.

MAITALA 32:23

Kyaindi ngamuikimba ke mulameawutsie kiasaki kyanu, kechiwa mowutia Mndumii-Ruwa wunyamaṟi; manyenyi kya lohi ke mochiwona ngapo.

LUKA 12:2

Ma kuipfo kindo kii kiwoshie kilechishikuo ma kiṟike kilechimanyika numapfo.

1 WAKORINTO 4:5

Nkyo kimaduma mulahende idumbuo kiheri kilandewiṟa itane Mndumii ache ichu echiendie senyi shindo shii-shiṟikishe meemenyi na itambaṟuya necha patehu chila tsikuwode ngoonyi Mandi na halya orio mndu ose kiṟumi kilya kimsumhanye nyi echiwikyo nyi Ruwa.

NGUMBUO YA MAWAWASO 32:29

Kokoya wawewode osaaṟe wawemanya kitewe wakawingo wawemanya mtsitsionyi fowo kechiwa kida.

WAEBRANIA 4:13

Ma kuipfo kindo kii kiwike kiwode kundo kulawono odatsinyi lokepfo; indi shii kitaṟe shii shialie na pata mesonyi hake shose. Nyio amonyi luimhamba.