HOSEA 6:4 - Bibilia Kui Mdedie fo Kimochi

⁴ “Kyaindi Mndumii-Ruwa nyi ahamba adi, ‘Njikuwutie ki iyo Efraimu? Njikuwutie ki iyo Yuda? Ikunda lyanu koko nyi likeri cha mtiima fo ngamenyi, likawefanana na ṟauṟa ya ngamenyi yekehaduka owinyi.

HOSEA 6:4 Iomraidhean Croise

YEREMIA 3:10

Kyaindi hamu na isho shose mshiki oke, Yuda ichu awode mtambo alemeche na koko na mrima foke fose-pfo, nalecha na makulembetseṟe.” Mndumii ahamba.

YEREMIA 3:19

Kyaindi na inyi njilewehamba, Israeli, njechiidima njida imuwika kimu na wana, na imuinenga oruka lui lucha, kyora kicha kya wandu wa mkambo na inyi ngahamba mochinjilaha, “Ndeako,” Mochida mulanjioshapfo.

YEREMIA 34:15

Indi mafiri ha kufui nyo nyi mulehaluka, mukawuta chando kiwaṟi oshangunyi loko, mukainenga mkuachie Waisraeli. Wodoyanu na iwika mkundana oshangunyi lomba yako.

YEREMIA 5:23

Kyaidi wandu wa wawode mrima fowuta na orikiki wamina wakahenda chando wakundi.

YEREMIA 5:7

“Njechiidima njida ikuhoṟia iyo Yerusalemu? Wana wapfo wanjida inyi, na ilya nyamu ko walya walai ruwa lilya waleihuda, waleṟuhuya wakakumbuhana kiidi kya mba ya wameluki wai wafoi.

YEREMIA 5:9

Ngesa njilatae kiṟache kipfa kya mbonyi-tso tsesutsa, Mndumii ahamba; na mrima foko nawo fulatae kiṟache kiidi kya mkambofu fo mbaṟi ii?

YEREMIA 9:7

Kyasia Mndumii menyi matorito nahamba, “Njechisalaṟa wandu wa iwahesha! Kipfa njilamewuta njidi njechiwika kuda na wandu wa wawode wuwicho?

HOSEA 11:8

A nyi wuda njechiidima ikuda iyo Efraimu? A ngesa nyi wuda njechiidima ikukumba iyo Israeli? Ngesa njechiidima ikuhaluo cha mṟi fo Adma? Njechiidima ikuwutia cha mṟi fo Seboimu ? Mrima foko fokenjiima; isaṟia lyako likaengeṟa iwada mrike kiidi kyako.

HOSEA 13:3

Kyasia, iwa nyi wechihenda ideka cha mtiima fo ngamenyi, chandu mlewi fokedeka owinyi, na chandu mawala hekedao nyi owira, alya hando waweelia, na cha mtsu fukeri iwuka bombenyi.

HOSEA 7:1

Ambuya kiheri njikundi ichiṟa wandu wako Israeli, wuwicho wo Efraimu nyi wokekuloṟa, handu hamu na mawuto mawicho ha Samaria. Kyamba wo nyi wawuta sha wongo, miwi nyi aifunja mba tsa wandu, na wasoki nyi wasaṟikia, wandu ipfo paṟepaṟenyi.

MATAYO 13:21

Kya indi alawode mri asotsye ipfo kiidi kyake, nyi akeri nyi mokaa-ho oweṟe. Indi kambona kuiho wukiwa na iterengyo kipfa kya idedo-lyo nahonu kakambiṟa isukyo owinyi.

WACHILI 3:12

Waisraeli wakawuta-se wunyamaṟi oshangunyi lo Mndumii-Ruwa. Mndumii-Ruwa kainenga pfinya Mangi Egloni o Moabu nakape Waisraeli, kipfa walewuta wunyamaṟi oshangunyi lo Mndumii-Ruwa.