HOSEA 6:3 - Bibilia Kui Mdedie fo Kimochi

³ Ko ikyo lumanye, luweengeṟa imanya Mndumii-Ruwa, icha lyake nyi lii lya lohi, cha icha lya mkonu, ambuya nyi echilucheya, cha mataṟataṟa ha mvuo, chandu mvuo ya kisie yekenosa oruka.

HOSEA 6:3 Iomraidhean Croise

2SAMWELI 23:4

Nechiwaa cha mbaṟi fosomoka ngamenyi kulawode mapuchi, nechiwa cha mbaṟi fokeoṟisha, mara mvuo ikameida.

YOBU 29:23

Wawenjiwedie cha wai iweda mvuo, wakasamiṟa madumbu hawo cha mvuo ya kisie.

SHIIMBO SHA DAWIDI 19:4

Ṟu lyawo limanyikie wuyanenyi kose, Na madedo hawo itane mtsitsionyi fo masanga. Kiidi kya isho kawikia mnengeri ihema,

SHIIMBO SHA DAWIDI 19:6

Fokewuka mtsitsionyi folyo fo ruwehu, Na itengeta lyafo itane mtsitsionyi, Manya mrike fofo Kuwode kiṟikye pfo.

SHIIMBO SHA DAWIDI 63:8

Mrima foko fukuosha mnu; owoko lopfo lulyo lonjiwanza.

SHIIMBO SHA DAWIDI 65:9

Nolechea oruka koluoṟisha, noleisuṟisha mnu; meda fo Ruwa fuichuo mṟinga; noinengye wandu kando, kipfa nyi iyo usungusiye teri.

SHIIMBO SHA DAWIDI 72:6

Nechisoka cha mvuo huya maṟa matupure, cha ṟauṟa ya kio yenosa oruka.

MFANANO 4:18

Indi njia ya wenyi wusumhanyi ii cha sa iwaa, Ikaweengeṟa iwaa mfiri puti.

YESAYA 2:3

Na wandu wa masanga wechihendaho na ihamba, “Nchonyi luhende fumvuhu ko Mndumii, kanyi ko Ruwa o Yakobo, nao nechilulosha njia tsake, naso lochiosha mawawaso hake; kipfa kiidi kya Sioni, kochiwuka iwawaso na idedo lya Mndumii liwuke Yerusalemu.”

YESAYA 32:15

Mṟasa mumuyo fuche huye yadu fuwuka huye; mṟasa kundu ko nuka kuhoye olele kochiwa mdemi fuiṟaa mnu; na mdemifo fokeṟaa mnu fusendo nyi ngeṟa.

YESAYA 44:3

Kipfa njechiletsia mṟinga foko mdohu ko ichu amwangari na shimeda handu hahadutsu; njechipusuya Mumuyo foko huye ya oshari lopfo, na ona loko ko iwo ochiwafee,

YESAYA 5:6

na inyi njechilinyamaṟa; kuwode modema ma isisapfo, lyechialutsa mbeche na msha; nyi njechiima mapuchi halalekie mvuo inose ho.

YESAYA 54:13

Wana wapfo wose wechilosho nyi Mndumii; na ofoṟo lo wana wapfo lochifo.

YEREMIA 24:7

Njechiwainenga mrima fomanya ke inyi nyi Mndumii-Ruwa. Wechiwa wandu wako na inyi njechiwa Ruwa owo kipfa wechinjichea na mrima yawo yose.

EZEKIELI 36:25

Ambuyenyi njikeri ihenda iwaletsia mṟinga sa mharami, fuhende imusanja oko lonu lose hamu na sanamu tsanu tsose.

HOSEA 10:12

Wayenyi wucha ko kiira kyanu, ambuya nyi mochisambuo ikunda; demenyi madema ho hake hasiie moo, kyamba kiheri kyenjipfula inyi Mndumii-Ruwa kyameshika. Na inyi njechiwaletsia mboṟa.

HOSEA 14:5

Mndumii-Ruwa nyi ahamba, “Inyi njechisanja madeko hawo, njihende iwakundase ko ikunda lyako, kyamba njechiwasuo se pfo.

HOSEA 14:6

Nyi njihenda iwa cha ṟauṟa ko Waisraeli, nawo nyi wechihenda ioṟa cha yungiyungi, wawedosa mri cha meresi fo Lebanoni.

HOSEA 2:20

Ee, njechikutaya ngosa ko wuhendeli, na iyo nochimanya ke inyi nyi Mndumii-Ruwa.

MIKA 4:2

wandu wa mkambo ifoi wechishika pfo wechihamba; “Nndenyi ludo na fumvuhu lya Mndumii-Ruwa, luhende mbenyi ya Ruwa o Yakobo, kundu naluloshe njia tsake, luweosha njayo tsake.” Kipfa uwawaso wochiwuka ipfo Sioni; idedo lya Mndumii-Ruwa ipfo Yerusalemu.

MIKA 5:2

Ko ikyo Ruwa nechida wandu wake ko wakituwa, mṟasa mndu mka ulya ai mlemo nafee. Numa wanawamae iwo wechitsuhaa wawuye na isanza na Waisraeli wodoyawo.

MIKA 5:7

Wa oshari lo Yakobo wedeo na moo, wadung'anyie kiidi kya mkambo fo wandu wafoi, wechiwada pfinya ing'anyi cha mwiso kiidi kya mando hai na moo ngeṟenyi, cha ilea lya mwiso kiidi kya po lya machondi, orio handu lyaida, lyikaharundikia na ihahaluo choonga yawo, kulawoneke mohakiṟa.

ZEKARIA 10:1

Terewenyi Mndumii namwinenge mvuo ya kisie, nyio ekeende mapuchi ha mvuo, nyio ekeende mvuo ya kisilesile kang'anyisha shilimu mdeminyi kipfa kya wose.

MALAKI 4:2

Kyaindi nyo mukeri india rina lyako, mnengeṟi fo ona fochimuchea, fochiidima imuchiṟa; nyo mochicha na nja na itoola-toola cha shidahina sha mfiṟihenyi.

MATAYO 13:11

Nao kawavia, “Wandu wa wainengye imanya mbonyi tsa wumangi wo ruvehu tsii njiṟike nyiwo nyo, kya indi walya wa wanengyepfo.

LUKA 1:78

Kipfa kya isaṟia lya mrima fo Ruwa odu; nalyo nyi lyechiluinenga isahio nyi madoenyi ha huye.

YOHANE 17:3

Na moo fu fo mlungana fui-le, nyi wakumanye iyo ke nyi ukeri Ruwa lohi iyo kumonyi wawemanya na ichu ulemduma nyio Yesu Kristo.

YOHANE 7:17

Mndu akundi iṟunda shilya Ruwa akundi nyio echimanya kya mloshye yo yako kokoya nyi ipfo ko Ruwa iwukye ang'u kokoya nyi ngadeda kiwukye koko inyi njimonyi.

MAWUTO HA WASU 17:11

Nawo wandu wa nyi wawei na sonu kota walya wa Tesalonyikye, nyi waleambya idedo na wulalutsu wose wakawa wesumasuma ipfo mṟehonyi mfiri yose kundu wawone koka shindo sho nyi wudo shii lohi.

NGUMBUO YA MAWAWASO 32:2

Kiloshio kyako kitonyike cha mvuo, madedo hako hatonyike cha mlewi, cha kipuṟashi huya kilimu king'ana, cha kimvuo kisise huya maṟa mawiriwiri,

WAEBRANIA 3:14

Kyamba so lomba wenyi-kita na Kristo lukakaa lochikuwada tsee na kiwanja kilya handu luwoke itane maawutsyonyi.

2PETRO 1:19

Na lukuwode tapu na idedo lya wuikimbi. Mowuta kicha mochiliwada likeri kimui kyewaa ipfo kundo kukiwa itane kukye na nyenyeṟi ya hera idoe ipfo ngoonyi tsanu.

OTAMBAHALUO LO YOHANE 22:16

“Inyi nyio Yesu ngamduma malaika oko namuṟingishye nyo ishi kya siṟi tsilya. Inyi nyio njana ya Dawidi njii oshari loke. Inyi njikeri Nyenyeri iya ya Ahera iya iwaa ngamenyi.”