HOSEA 2:8 - Bibilia Kui Mdedie fo Kimochi

⁸ Aweichi ke nyi inyi, njiwekemnenga Ngano, mvinyo na mafuda-pfo, na fesa na sahabu ifoi, sa awekedaya Baali.

HOSEA 2:8 Iomraidhean Croise

1MBONYI TSA MAHERI 29:16

Mndumii-Ruwa odu, lokuendie shindo shi shesungusia hekalu, ikuadapfuma. Shindo shi shose nyi shapfo. Nyi iyo kuleluinenga.

YOBU 19:8

O nashingie njia yako ndaidime iida, kawewika meema kiidi kya njia yako.

YESAYA 1:3

Mmbe iichi menyi oyo, Na nzoi iichi tengo lya menyi yo, Kiṟihishie Israeli aichipfo, wandu wako wekekusaṟapfo.

YESAYA 46:6

Wandu wepusuo sahabu iwuka mfukonyi yawo na iwika fesa huye ya kihia kehesha wuhuru, wakaduo wanganya wa sahabu na iwawika iṟundenyi lya wunganya wakatsana ruwa; wakahoneria na iho wanda na kyamu.

YEREMIA 7:18

Wana wesana ngu na wandeawo waatsa modo, indi waka weriha-riha mso fo koṟia Mangi mka o nginehu mkate waletsie maruwa ha kihenu mshimbika wechinjiwichuṟa.

EZEKIELI 23:41

Mukawedamia shidihu sha wusuṟi na oshangunyi losho mukawikaho mesa injiachikie necha, na huya mesayo mukahekiako uvumba na mafuda hako hepfaama.

DANIELI 3:1

Kyasia Mangi Nebukadneza kasungusia sanamu ing'anyi mnu ya sahabu, wuleshe wo henda huye nyi mawoko makumi haṟandaṟu (60) wulandari mawoko haṟandaṟu (6) kaihoṟotsa patehu lya Dura, kidembonyi kya Babeli.

DANIELI 5:23

Kokuirinyisha oshangunyi lo Mndumii-Ruwa o ruwehu; mkaende shombo shilya shele shikaendo na mmbenyi yapfo mukanyo nasho iyo na wanene wa mkambo, na waka wapfo na shitonga shapfo, mokiidima mukaṟumisha maruwa hanu ha wongo ha sahabu na fesa na aṟeṟa, na ha mashidi na ha maho; halekewona manya iicho, na halaichi idedo lyose na Ruwa ulya mṟufu fopfo fui kuwokohu koke na njia tsapfo nyi tsake ulakunde imṟumisha.

HOSEA 10:1

Waisraeli nyi wawei cha msabibu mcha, msabibu fokeṟaa ndunda. Chandu ndunda tsikeengeṟeka, na wudo waleengeṟa iwika marasio, chandu oruka lowo luleengeṟa ikumbia, nyi wudo waleengeṟa ngo tsawo tseindia.

HOSEA 13:1

Kiheri Waefraimu walededa, wandu nyi walededema; Waefraimu nyi wawewode pfinya ing'anyi mnu kiidi kya Israeli; kyaindi kiheri walewooka iindia Baali; wakakuendie opfu.

HOSEA 13:2

Waefraimu wakaengeṟa ideko, wakasungusia sanamu tsa aṟeṟa, sanamu tsilesungusio ko mawoko hawo, tsilesungusio nyi Waaria wakahamba: “Aitsi, tsiindiyenyi.” Wasoṟo wakahekia momu ihache!

HOSEA 2:5

Mayawo nawuta wumeluki, nalekapika kechiwuta shindo sha sonu. Nalehamba; njechihendesana na wakunde wako, sa wekenjinenga kelya na mṟinga, sufu na kitanyi, mafuda na mvinyo.

HOSEA 4:11

Mvinyo mhya na fo kacha, fokesoka wandu wulaanyi.

HOSEA 8:4

“Ambuya nyi walekusambuṟia, wamangi sa njilalewasambuṟa. Wakawewika wanene sa njilawewaichi, wakawesungusia maruwa ha fesa na sahabu, ikyo nyi kyo kechiwainenga wasaramaye.

HABAKUKI 1:16

Ko ikyo kawuta kyaano kainenga mdeho fo ndusu na opfaamo lo rasionyi kapfaamiṟa mkunja kipfa kya shindo shake shafo na kelya kikaichuo.

LUKA 15:13

Kukaida mfiri sa mwangu, mana ulya lyamkeku kakungura shindo shilya shose kahenda-samia oruka lo kuleshe. Kundu kulya kaola-ola masaa halya hake kui shindo sha seṟeṟia, kawa mseṟeṟi.

WAROMA 1:28

Nawo chando wawepiṟye ikaa na Ruwa ipfo kundo akuwatambaṟuye na wudo o Ruwa nyi alewalekia wahende furunjikya mhie yawo wechiwuta shilya ishiwuta.

NGUMBUO YA MAWAWASO 8:18

Kumbuonyi ke Mndumii-Ruwa, Ruwa onu, nyio alemuinenga wuidimi wowona wusuṟi. Nekewuta ado kundu nawanze mma fulya alewika na wandeanu mṟasa inu.

WACHILI 9:27

Wakakure wakahenda mademenyi hawo ha msabibu, wakahaa ndunda tsa msabibu wakatsifindika kiidima wakatsikama wakasungusia mvinyo wakawika mfuho. Wakaanga mbenyi ya ruwa owo wakalya na inyo; kiidima wakaruma Abimeleki.