HOSEA 2:3 - Bibilia Kui Mdedie fo Kimochi

³ Mulamewute kudo, njechimuatuo nguo nadeo kitaṟe, njechimtana nawe chandu alefeo. Njechimtana nawe cha nuka ya msanga, njechimtana naume cha oruka luhadutsu. Njechimbaha ko wuangari.

HOSEA 2:3 Iomraidhean Croise

IWUKA 17:3

Wandu wakaangaa; nawo wakanunuwia Mose, wakahamba, “Nki ili kuleludosa kuwuka Misri, iluwaha so na wana wadu na shuma shadu?”

YESAYA 33:9

Oruka luikapa kilio, na ilehela; Lebanoni yatandawuka na inaa; Sharoni yawa cha nuka ilawode mṟinga; Bashani na Karmeli tsaaṟawuka maṟa.

YESAYA 47:3

Kitaṟe kyapfo kechishukuyo, Ee, sonu yapfo yechiwono. Njechitaa kiṟache; njiidikie mndu ose pfo.

YESAYA 64:10

Mṟi yapfo njiele yawa cha nuka ya msanga; Sioni ya mrapu, na Yerusalemu yanyamaṟo.

YEREMIA 12:10

Walisi wafoi wanyamaṟa dema lyako lya msabibu, wakachuma chuma oruka lui masaa hako: mdemi foko fucha wafuhaluo nuka ya msanga.

YEREMIA 13:22

Na iyo nohamba mrimenyi fopfo, nkiki mbonyi tsi tsanjikoya, inyi kipfa kya mfoeṟa fo wuwicho wopfo, ngurutanyi tsapfo tsameoṟowoka, na shishindo sha madende hapfo sharida .

YEREMIA 13:26

Kui kipfa kya ikyo njechikuhutsia sonu, njechikushukuo na iatuo nguwo yapfo.

YEREMIA 14:3

Wanene wawo wakeduma waṟundi wawo mṟingenyi; Wekeshika nduwenyi walawone mṟinga; wekewuya na shihiya shilawode kindo, wasingidie na iawo nyi moo, na ishikia mdo yawo.

YEREMIA 17:6

Kipfa nechiwa mkiwa kiidi kya nuka, echiidima iwona mecha ma kokoya hachapfo, nechikaa nuka ya msanga ilawode mringa, oruka lo monyo lulakelao nyi wandu.

YEREMIA 2:31

Lanye kishari keambuyenyi idedo lya Mndumii. Ale, nyi ngawa nuka ya msanga ko Israeli Ang'u oruka kuwode meema riti Nkili wandu wako wahamba, so lulekusheṟuo lukundi icha na kopfo-pfo.

YEREMIA 2:6

Ma walehamba, “Nyiku ai Mndumii ulya aleluwuta Misri; kalusongoya kulya nuka ya msanga. Oruka luumu luichuo marina, oruka lo nyoda na ria lya opfu, lulekeido nyi mndu ma ilao nyi wandu?”

YEREMIA 22:6

“Kipfa Mndumii nahamba adi kiidi kya mba ya mangi ya Yuda. Iyo nyi ui Gileadi koko, na mdo fo Lebanoni, Kyaindi njechikuhaluo nuka ya msanga, na mṟi ilechilao nyi wandu.

YEREMIA 4:26

Ngaweambuya-se mdemi fuweṟee mnu fui mrapu, na mṟi iya yose iwundukie oshangunyi lo Mndumii, kipfa kya nyashi yake njiwawo.

YEREMIA 51:43

Mṟi yake yawa omino, oruka lumu na nuka ya msanga oruka lulekao nyi mndu ose, ma iido na mndu o wandu ose.

YEREMIA 51:5

Kyaindi Israeli na Yuda Mndumii-Ruwa o matorito alewadapfo, ma chandu oruka lowo luichuo wukiwa, oshangunyi loko nyi mwele o Israeli.

EZEKIELI 16:22

Ambuya kiherikyo uwekufanyitsa kiidi kya ngafu tsa waruhui ulekumbuo kiheri kya wututu wopfo kiheri uwei kiṟanguo na ikupolohocha kidi kya samu yapfo.”

EZEKIELI 19:13

Kyaindi wulalu fumdonge handu kuumu, handu kuumu kulawode mṟinga.

HOSEA 13:15

“Manya kokoya Efraimu awechioṟa se cha maṟa, inyi Mndumii-Ruwa njechiende otanu lo ora lo ngamenyi, otanu sa lochiidia ipfo nuka, na maṟungu ha mṟinga haumie, soka tsake natso tsiweumiṟia mṟinga, shioṟa shake shose sha wuhuru wung'anyi nyi shechidao.

HOSEA 2:10

Njechimuatuo nadeo kitaṟe osehu lo wakunde wake, ma kuwode mndu sa echiidima injitirimisha-pfo.

OTAMBAHALUO LO YOHANE 17:16

Na membe tsilya ikumi ometsiwona na indo lyo, wo wechisuo mka chu mṟuhui wamsaṟikye na imda-ho kitaṟe. Na nyama tsake tso wechilya na imkoṟa na modo.

WACHILI 15:18

Kyasia Samsoni kaangaa mnu. Katerewa Mndumii-Ruwa, kechihamba, “Hoi Ruwa, nyi iyo uleende okiṟo lu, kui owoko loko mṟundi opfo. Ngesa wulalu nochinjida na wuangari wu wunjiwahe na iwado nyi Wafilisti wa walawadine?”