HOSEA 10:1 - Bibilia Kui Mdedie fo Kimochi

¹ Waisraeli nyi wawei cha msabibu mcha, msabibu fokeṟaa ndunda. Chandu ndunda tsikeengeṟeka, na wudo waleengeṟa iwika marasio, chandu oruka lowo luleengeṟa ikumbia, nyi wudo waleengeṟa ngo tsawo tseindia.

HOSEA 10:1 Iomraidhean Croise

1WAMANGI 14:23

Kipfa iwa walewewika handu ha huye, na ngo, na handu heindia maruwa ha wongo, huye ya orio kifumvu kileshe, na wanda ya ikidi liwode maṟa mawishi.

YEREMIA 11:13

Kipfa itala lya maruwa hapfo iyo Yuda haṟinganyi na itala lya mṟi yapfo; chandu itala lya njia tsa Yerusalemu nyi wudo mulehoṟotsa rasio tsa kindo kilya kya wusutsu, shitaṟa shepfaamiṟa Baali uvumba.

YEREMIA 11:17

Kipfa Mndumii menyi Matorito alekudonga, nadeda mawicho huyapfo kipfa kya mba ya Israeli na mba ya Yuda walewuta kipfa kyawo wawenyi wakanjipfulutsa nyashi, wechipfamiṟia Baali uvumba.”

YEREMIA 2:28

“Kyaindi heku maruwa halya hapfo ulehawika? Hahoṟoke luhawone kokoya hechiidima ikukiṟa kiheri kya kiwi kyapfo; kipfa itala lya maruwa hapfo nyi kimu na itala lya mṟi yapfo iyo Yuda.

HOSEA 12:11

Kulya Gileadi nyi handu ha wunyamaṟi, kulya Gilgali walewuta mapung'a ha shidaso, koikyo rasio tsawo nyi tsechiwa cha mbumbi tsa maho, kiidi kya mfongo ii mademenyi?

HOSEA 12:8

Efraimu kahamba, “Inyi nyi njii msuṟi! Inyi njilekusuṟisha!” Kuwode wuwicho wo iwona kiira pfo, manya kudo ilyo chi idekopfo.

HOSEA 13:15

“Manya kokoya Efraimu awechioṟa se cha maṟa, inyi Mndumii-Ruwa njechiende otanu lo ora lo ngamenyi, otanu sa lochiidia ipfo nuka, na maṟungu ha mṟinga haumie, soka tsake natso tsiweumiṟia mṟinga, shioṟa shake shose sha wuhuru wung'anyi nyi shechidao.

HOSEA 13:2

Waefraimu wakaengeṟa ideko, wakasungusia sanamu tsa aṟeṟa, sanamu tsilesungusio ko mawoko hawo, tsilesungusio nyi Waaria wakahamba: “Aitsi, tsiindiyenyi.” Wasoṟo wakahekia momu ihache!

HOSEA 13:6

Kyaindi kiheri mulelya mukaihuda, mukawoka ikudosa mukatana monjihadima.

HOSEA 2:10

Njechimuatuo nadeo kitaṟe osehu lo wakunde wake, ma kuwode mndu sa echiidima injitirimisha-pfo.

HOSEA 2:8

Aweichi ke nyi inyi, njiwekemnenga Ngano, mvinyo na mafuda-pfo, na fesa na sahabu ifoi, sa awekedaya Baali.

HOSEA 3:4

Na nyi wudo, Waisraeli wechiwa: Wechikaa ko kiheri kileshe walawode mangi ang'u msongoru; ma shidaso, ang'u shimnaṟa shiele, ma shisibau sha kipeeta, ma sanamu ang'u mfanano yeindia.

HOSEA 4:7

Chandu wakohanyi waleongeṟeka, na wudo wose waleengeṟa injitwaṟa. Koikyo, njechihaluo kiṟumi kyawo kiwe sonu.

HOSEA 8:11

“Ambuya wandu wa Efraimu nyi walewika marasio hafoi, naho hakawaengeṟia njonyamaṟo.

HOSEA 8:4

“Ambuya nyi walekusambuṟia, wamangi sa njilalewasambuṟa. Wakawewika wanene sa njilawewaichi, wakawesungusia maruwa ha fesa na sahabu, ikyo nyi kyo kechiwainenga wasaramaye.

WALEWI 26:1

“Mulakusungusie mfanano ya maruwa ha wongo, mulawade masanamu hawo hepacha manya ngo, manya masanamu ha maho matsane orukenyi lonu na ishiindia; kipfa Inyi nyio Mndumii-Ruwa, Ruwa onu.

NAHUMU 2:2

Kipfa Mndumii aiwihiṟa kiṟumi kya Yakobo, cha kiṟumi kya Israeli; kipfa wapfungo wa shida wawodo na imanya msabibu yawo.

2 WAKORINTO 5:16

Nkyo kyanenga wokia wulalu lukiichi mndu kui nyama tsake ma kawa upfo. Ma kikawa so luweichi Kristo kui nyama tsake, kya indi wulalu lulakimwichise ludi.

WAFILIPI 2:21

Kyamba waiwinya wose shilya shii shawo chi shilya shii sha Kristo Yesu.