HOSEA 1:4 - Bibilia Kui Mdedie fo Kimochi

⁴ Mndumii-Ruwa kawia Hosea, “Inenga mana cho rina, ‘Yezreeli,’ kipfa kutsuhee-pfo kiheri kitutu tupu, na inyi njechikapa wandu wa mba ya Yehu kipfa kya wuwahi sa alewuta kulya pichinyi lya Yezreeli. Njechiarisia kuleshe wumangi wo Yehu kiidi kya isanga lya Israeli.

HOSEA 1:4 Iomraidhean Croise

2WAMANGI 10:1

Mṟinyi fo Samaria kuwewode makumi mfungade wa oshari lo Ahabu, Yehu kaṟehia paruo katsidika ko wachili wa mṟi na ko wasongoru na ko waringi wa wandu wa luwa lya Ahabu. Baruo yo iwehambie idi:

2WAMANGI 10:17

Wekishika Samaria, Yehu karumatsa wandu wa kishari kya Shamu kyose kuladeo ma umu owo chandu Mndumii-Ruwa alewia Elia chandu kechiwa.

2WAMANGI 15:29

Kiheri kya wuitoṟi wo Peka mangi o Israeli, Tiglath-pileseri, mangi o Ashuru, naleduo wapfungo mṟi ya Iyoni, Abel-beth-maka ya Kadeshi na Hazoi na njoruka tsa Gileadi, Galilaya na Naftali na iwaduo wupfungo wandu wawo wose.

2WAMANGI 15:8

Maka fo makumi haṟaṟu na nyanya (38) fo wuitoṟi wo Azariya mangi o Yuda, Zekaria mana o Yeroboamu kawada wumangi Israeli. Naleitoṟia ko meri iṟandaṟu.

YESAYA 7:14

Ko ikyo Mndumii amonyi nyi echimuinenga kichano. Ambuya mana mkeha nechikapika, nechifee mana o womi, nao nechimlaha Imanueli.

YESAYA 8:3

Na inyi ngahendia mwikimbi-cho mka nao kakapika, kafee mana o womi, kiidima Mndumii kanjiwia, ‘Mlahe rina lyake Maher-shalal-hashbazi.’

YESAYA 9:6

Kipfa kyadu lomefeeyo kimana, Lomeinengo mana o womi; Na pfinya ya wumangi ikeri makosohu hake Namdumbuye rina lyake, “Menyi chile” “Ruwa menyi pfinya,” “Wande o mlungana,” “Mangi ya Ofoṟo.”

YEREMIA 20:3

Ngamenyi, Pashuri cho kapfunguo Yeremia kiidi kya itimba lilya, naalyo Yeremia kambia, “Mndumii akulahase Pashuri pfo, indi,” Ṟiho njora tsose.

YEREMIA 23:2

Kui kipfa ikyo Mndumii o Israeli nahamba adi, “Kya walisi wa wandu wako, mulerahanyitsa po lyako na iwawingia ma mulehenda iwaambuyapfo; na wulalu njechiwuwuya wuwicho wonu. Mndumii ahamba.

YEREMIA 3:8

Na inyi ngawona, kiheri kilya njileda Israeli menyi wunyamaṟi ngamnenga paruo yemsama kipfa kya iṟuhuya lyake, mshiki oke, Yuda awode mtambo, nalasaṟe ma nta;

EZEKIELI 23:10

Kyasia wakamwatuo nguo tsake wakamda kitaṟe, wakawewada wana wake, nao wakambaha na oshu. Ngapo i yake ikawa wulosha ko waka wengi.

EZEKIELI 23:31

Kyamba nuleosha njia ya manomayo, njechikurutsa kikombe kilya kilya alenyoya.

HOSEA 1:6

Kyasia, Gomeri kakapikase, kafeya Hosea mana o kika. Mndumii-Ruwa, kawia Hosea, “Dumbuya manacho rina nyi, “Alechisaṟio ,” kipfa njechiwonase ikunda ko wandu wa Israeli-pfo, ma njechiwahoṟiase-pfo.

HOSEA 1:9

Kyasia, Mndumii-Ruwa kawia Hosea, “Dumbuya manacho rina nyi, ‘Chi Wandu wako-pfo, Kipfa wandu wa Israeli chi wandu wako-pfo, manya inyi njii Ruwa owo-pfo.’”

HOSEA 2:13

Njechimtaa kiṟache kya mkonu iya ya Baali aleiṟumisha, na maheri aledo ikoṟa ubani, na ikuchopa na rachi tsake na shishelo sha maho sha wuhuru wung'anyi, na ihendia wakunde wake, na injihadima inyi. Nyi inyi Mndumii-Ruwa ngadeda.

HOSEA 2:22

Oruka lochiicho kiterewo kya Ngano, na mvinyo na mafuda, nasho shose shechifoeṟa shose shikundikie kulya Yezreeli.

HOSEA 9:17

Kyamba waleha imwadanyia, Mndumii-Ruwa oko nyi echiwakumba, nawo nyi wechihenda iṟahaṟaha kiidi kya mkambo ya wandu.

AMOSI 9:8

Ambuyenyi meso ha Mndumii-Ruwa haiambuya wumangi wuwode wunyamaṟi, na inyi njechiwurumatsa wuuke oshangunyi lo wuyana, kya indi njechirumatsa piu mba ya Yakobopfo.” Mndumii ahamba.

MATAYO 1:21

Nao nyekaa nafee mana, na rina lyake nomlahe nyi Yesu; kipfa nyio ekaa nakiṟe wandu madeko hawo!”

LUKA 1:13

Malaika ulya kambia, “Ma kulawowuo Sakaria, kyamba kiterewo kilya kyapfo nyiki kiidikie; na mkoopfo Elisabeti nyi echikaa nakufeeye mana o womi, na rina lyake nyi ochimlaha nyi Yohane.

LUKA 1:31

Ambuya, nyiochikapika, nofee mana o womi, na rina lyake nyi ochimlaha nyi Yesu.

LUKA 1:63

Nao kakuwesia kiṟaṟo kyeṟehia; kaṟehia-ho, rina lyake nyi Yohane. Wakaṟihio wose.

YOHANE 1:42

Kaduo Simon na alya ko Yesu. Yesu kaambuya Simon faa kahamba, “Nyi iyo Simon ui mana o Yona nolahong'u rina lyapfo nyi Kefa.” (Nakyo kohalwo nyi kimu na Petro iho lya “ngina.”)

YOSHUA 19:18

Oruka lowo nyi luwewode mṟi ya Yezreeli, Kesalothi, Shunemu,