FILEMONYI 1:17 - Bibilia Kui Mdedie fo Kimochi

¹⁷ Kyasia kokoya unjiwode njii mokyando opfo kye-mwambye-wo cha ili nyio inyi.

FILEMONYI 1:17 Iomraidhean Croise

MATAYO 10:40

“Mndu echimuambya ipfo kanyi koke nyi inyi anjiambya. Na monjijambya inyi nyi aambya ichu anjidumye.

MATAYO 18:5

Na kimana kidi cha iki mndu kakyambya ipfo kanyi koke kikawa nyi kipfa kya rina lyako nyio inyi anjiumbya.”

MATAYO 25:40

Na mangi nahaluo nawawie, nyi kya lohi ngambia, ‘Orio kindo kyose chando mulewutya wanawawama wako iwo watutu ya wose ma ichu umu-ho nyio inyi mulenjiwutya.’”

MAWUTO HA WASU 16:15

Kekiidima ipatiso o na wa kany koke kaluterewa kahamba, “Kokoya momenjikooya ke nawo njii mwidiki o Mndumii kekuidyenyi na kunu kanyi koko mukae-pfo.” Kaluitikaitika.

2 WAKORINTO 8:23

Kyasia kiwe kya Tito, nyio mokyaṟo oko na mokyando onu; kiwe kya wanawawama wadu wo nyi wadume wa siṟi tso wariyo nyi mng'ano fo Kristo.

WAEFESO 3:6

Kyehamba ke wa mkambo ingi waengeṟyo kyoṟenyi na mbihu-hu kimu na Wayuda osengenyi lo kiteṟyo kilya kikuwode na Kristo Yesu kui Ndumi ya Sia ya okiio.

WAFILIPI 1:7

Nakyo nyi kinsumhanye njiwe mokumbuo njido kyanu mose kyamba njikuwode nanyo ngoonyi momba wakyando wako wa wutonga nyo mose ipfo mshenyi njiimpfunge nayo ma ipfo kundo njekapanya ndumi ya sia na iiwanza-ho.

1TIMOTEO 6:2

Indi iwa wawode wenyi wai waidiki manya walawamine ili wai wanawawama, kya indi waengeṟe iwapfuṟukanya ili wai waidiki na wakunde wechitaa kui isumba. Losha ishi na itutuma.

FILEMONYI 1:10

Ili njii njido ngakuterewa kya Onesmo (Mchihiri) mana chu oko njilemfee njii kipfungonyi.

FILEMONYI 1:12

Nyio amonyi ngamkuwihiṟya wulalu, nao kimu cha ngoo yako iinjenyi.

FILEMONYI 1:18

Indi kokoya alekudetsya kindo ang'u nyi sile alelya kopfo, ikyo unjiitalie inyi.

WAEBRANIA 3:1

Nkyo kimaduma nyo wanawawama waele mui waodoya wa ndaho ya kiruwehu, ringenyi mdume ulya na mkohanyi ang'anyi luimhamba nyio Yesu.

WAEBRANIA 3:14

Kyamba so lomba wenyi-kita na Kristo lukakaa lochikuwada tsee na kiwanja kilya handu luwoke itane maawutsyonyi.

YAKOBO 2:5

Wanawawama wako wakunde, kundenyi yadanya. Ruwa chi alesambuṟa iwa wai wakiwa na wa iya wuyana kawatana wasuṟi wenyi-wuidiki na waoṟi wa wumangi wu alewuteṟya walya wamkundi?

1PETRO 5:1

Wulalu wameku walya wakeri ipfo konu wo ngawatutuma njii meku chawo na moriso o mawawyo ha Kristo na mokita o wuitoṟi wulya wurie ihenda itambaṟukyo.

1YOHANE 1:3

Iki lulekiwona na ikiicho nyi kyo luimwongoya nanyo kundu muwade kita kimu naso. Indi kita-ki kyadu lukiwode na Wande na Manoke Yesu Kristo.