FILEMONYI 1:14 - Bibilia Kui Mdedie fo Kimochi

¹⁴ Indi njilekunda iwuta kindopfo chila onnenga momu, kundu iki kicha kyapfo kilawe cha kya mkoṟomu kya indi kiwe kui mweke fo ikunda. Njilakundi ikuitikya untarame.

FILEMONYI 1:14 Iomraidhean Croise

1MBONYI TSA MAHERI 29:17

Njiichi Ruwa oko ke iyo nokeṟisa mrima ya wandu, na nokechihiṟo nyi mrima mheṟemtsu; Ko wuhendeli wo mrima foko ngakuwutia shindoshi shose; na wulalu ngamewona ke wandu wa wose wakuwutia walaiwaitike na ko sia ing'anyi.

SHIIMBO SHA DAWIDI 110:3

Wandu wapfo wekekuwuta kui mrima, mkonu ochihenda ikapa watuuri wapfo; wanake wapfo wechikuchea huye ya mafumvu hapfo maele; cha mlewi fuioloka ngamenyi kilawo.

1 WAKORINTO 9:17

Cha kipfa ngatana iki kui ikunda lyako njiwode woṟunda woko. Kokoya kilai nyi ikunda lyako, kya indi wukaṟa wu na njimdambikye.

1 WAKORINTO 9:7

Nyi asikari mki ekehenda shidenyi ma indi echikutaya wueri woke amonyi? Nyi o ku ekedonga msabibu alechilya mandunda hayo? Ang'u nyi o ku echilisa poo alechinyo maruwa ha poo lilya?

2 WAKORINTO 1:24

Chi kii ke luapfinye mwidikye fonupfo, kya indi so lui wakyando wa msiha fonu; kyamba mukuwode mwidikye-hu chumu.

2 WAKORINTO 8:12

Kyamba mteseheṟye fo chila kokoya fuiho nyi fuchihiṟye ipfo kundo kuwode kindo chi ipfo kundo kulawode.

2 WAKORINTO 9:5

Nkyo kilenjinenga ihamba ke na kikaki na njitutume wanawawama iwa wasonguo ishike konu walawe ilaṟa necha mwaano fulya fonu mwoone fuwei mteṟye nyo kui kyasa wuka kacha, kundu fukae-ho fochiwedya ihenda dambiko fuwe mwaano mwoone fulawone fochiwa cha ishido lya wuikeremi.

2 WAKORINTO 9:7

Orio mndu nalekie chando akudumbuya ipfo mdonyi kilawe nyi lya mnung'u ng'u kya mkoṟomu, kyamba Ruwa akundi mleki molekya na kyamu kilyi.