DANIELI 9:3 - Bibilia Kui Mdedie fo Kimochi

³ Ngaindutsia Mndumii-Ruwa kyamu kyako, kundu njiidime iterewa, na ikuotoya na iṟaa nguo tsa masaṟa na ikaa ifunyi.

DANIELI 9:3 Iomraidhean Croise

2SAMWELI 12:16

Dawidi katerewa Ruwa mana ulya nawone nanga. Kahenda kiṟihenyi kyake kalaa wanda taṟaṟaa mṟasa kukakya alalye kelya, kechiterewa Ruwa.

EZRA 10:6

Nalyo Ezra kakure kulya mba ya Ruwa kahenda kanyi ko Yehohanani awei mana o Eliashibu kalaapfo. Aipfo ma alakunde ilya kindo manya inyo mṟinga cha kipfa nyi alesokio mnu nyi fowa ya Waisraeli walya walewuya wawuka wusingenyi chando walewuṟa muidikie.

EZRA 8:21

Ngawawasa lukuotoye alya medenyi fo Ahara, lochikunyiiṟa oshangunyi lo Ruwa lochimterewa naluringe na ilusongoya kiidi kya kyaṟo kyadu hamu na wana wadu na masaa hadu.

EZRA 9:5

Lilya mandi saa ya kyukanyi ileshika yehenda iwika kidaso, ngakure alya wanda kundu njiwekuwihitsie, ngaweṟaa nguwo tsako tsirandukie, naiiria mawoko hako ko Mndumii-Ruwa oko njipfirie ndi ngamterewa njechihamba,

NEHEMIA 9:1

Nalyo mkonu fo makumi hawi na kaana (24) fo meri fo mfungade, Waisraeli wakakoyana, wakakuotoya wechiṟaa makunyia na ikushia mafu mdonyi yawo wechiloṟa mtochie.

ESTA 4:16

“Henda usanyie Wayuda wose wai kunu mṟinyi fo Susa handu hamu. Kuotoenyi, mulalye ma inyo komfiri iṟaṟu, kio na mfiri, kipfa kyako. Inyi na shisinga shako nlochiwuta cha nyo. Kiidima njihende ko mangi ma chandu kulawode momu, kokoya nyi iwoho njiwoho.”

YOBU 42:6

Ko ikyo matumatu hamu na ikushia kiluli na ifu, ngakuwona inyi njimonyi chi kindo-pfo."

SHIIMBO SHA DAWIDI 35:13

Kyaindi inyi, kiheri wo waleluo, nguo yako iwekeri ikunyia njechiloṟa fowa; Njilekutuura mrimenyi na ikuotoya. Shiterewo shako shikanjiwuuya. Kipetenyi koko.

YESAYA 22:12

Mkonu fo Mndumii, Mndumii menyi Matorito, kalaha wandu wache wafihiṟe na ikapa kilio, na ioda njui tsawo, na iṟaa nguwo tsa masaṟa.

YEREMIA 33:3

“Njilaha na inyi njechiidikia na ikuwia mbonyi tsing'anyi tsa kiṟikenyi ulalemetsiwone.

EZEKIELI 36:37

“Inyi Mndumii-Ruwa ngahamba njidi: Waisraeli wakeri ihenda injiterewa wapfumbuke cha ipo lya machondi, kipfa kya ikyo nyi njechiwafoeṟa kudo.

DANIELI 6:10

Danieli kekimanya ke mṟeho fometeseheṟo na kichano kyamemaa iwiko, kakuidya na ipfo kanyi koke matiṟisha ha mba yake ha kiṟihenyi haweambuyanyi na Yerusalemu. Kapfira ndi kaṟaṟu orio mkonu kechiterewa na iana Ruwa oke, chandu awekewuta wokia mbooko.

DANIELI 9:2

maka fulya foke fo kuwoka fo wuchili woke inyi Danieli, kui isoma shitapu, njilemanya itala lya maka kiheri idedo lya Mndumii-Ruwa lilechea Yeremia muikimbi, lyeinutsia kiwi kya Yerusalemu, nyi yo maka makumi mfungade (70).

DANIELI 9:20

Kyasia ilyi njiwekeri ideda na iterewa, na itocha njonyamaṟo tsako na tsa wandu wako wa Israeli, na iterewa mnu Mndumii-Ruwa, Ruwa oko kipfa kya fumvu lyele lya Ruwa oko;

DANIELI 9:4

Ngaterewa Mndumii-Ruwa oko, ngatocha wunyamaṟi, ngahamba: “Iyo Mndumii-Ruwa, Ruwa ung'anyi, nooweshie, okewada mkundana na osaṟio ko walya wakukundi na iringa mawawaso hapfo.

YOELI 1:13

Yoeli awia wandu ṟaenyi makunyia na isumukia nyo makohanyi, fihiṟenyi nyo waṟundi wa kitaṟa kedasia. Hendenyi hekalunyi muṟee makunyia mufuhiye Ruwa kio kyose! Nyo waṟundi wa Ruwa oko. Kipfa shidaso sha shilimu ma sha mfinyo shiendose hekalunyi lya Ruwa pfo.

YOELI 2:12

“Kyaindi Ma ulalu, Inyi Mndumii-Ruwa ngahamba, ‘Njihalukienyi na mrima yanu yose, ko ikuotoya na ifihiṟa na iwado nyi fowa.

YONA 3:5

Nahong'u wandu wa Niniwe wakaidikia Ruwa, wakakapa ombe, ke orio mndu nakuotoe, naṟae nguo tsa makunyia tsii masaṟa wokia ang'anyi itane mtutu.

MATAYO 17:21

Kyamba mbaṟi ii ya mṟufu mbicho yewukayo chila nyi kui pfinya ya iterewa na ikwotoya.]”

LUKA 2:37

Kawekaa-se ai mkusu itane ashitsa maka makumi nyanya na iina, nao alawekelekana ipfo hekalunyi; kahenda kewuta shindo sha Ruwa tupu kekuotoya na iterewa kio na mfiri.

MAWUTO HA WASU 10:30

Kornelio kahamba, “Inu nyi mkonu fo kaana ngambooka ikuotoya itane saa ii, na saa ya kenda njechiterewa kunu mba koko, cha ili ngawona mndu ahoṟoki oshangunyi loko aṟee nguo njikengemari,