DANIELI 9:27 - Bibilia Kui Mdedie fo Kimochi

²⁷ Nao nyi echiwikaho mkundana mhoṟotsu na wandu wafoi kiheri kya mfungade fumu; na kyenga kya mfungadefo nyi echiima shiano shedasa; na o kiidi kochihoṟokaho kiwi kya orumatso; nahong'u mtsitsionyi, na nyashi iya iwenjiteseheṟe ihende hoya ichu monyamaṟa.”

DANIELI 9:27 Iomraidhean Croise

YESAYA 28:15

Kipfa mohamba, lolya mma na opfu, loidikiana na ko waṟumu; ngapo ing'anyi cha mfu yechiida yechilukooyapfo; kipfa madedo hadu ha wongo hawa opanga loowa na kidichionyi kyadu madedonyi halai lohi;

YESAYA 28:22

Na wulalu, manya mulawe wandu waminyi, shipfungo shanu shilawoneke shechiumiṟo; kipfa njileicho ko Mndumii, Mndumii menyi Matoṟito, mbonyi ya mwanduye yechiinutsio, nayo injiṟeheṟe, yechihoya wuyana wose.

YESAYA 42:6

Inyi Mndumii ngakulaha kiidi kya wulohi, na inyi njechikuwada na kuwoko, na ikuringa, na ikuwuta uwe njoko na saa ya wandu wa mkambo;

YESAYA 53:11

Nechiwona kilimu kya wukiwa woke nachihiyo. Kui wuṟango wo mṟundi oko ai na wusumhanyi. Nawehaluo wafoi wenyi wusumhanyi, Nao naweduo mawicho hawo.

YESAYA 55:3

Dehenyi madu hanu, na injichea; Njiadanyienyi nanyo mochiwada moo; Inyi njechiwika mkundana fo mlungana, ee, osaṟiyo lo Dawidi luwanzi.

YEREMIA 7:30

“Kipfa wana wa Yuda wawuta mawicho oshangunyi loko,” Mndumii ahamba, “Wakaṟunda shindo sha ngafu kiidi kya mba yako wakaweifanyitsa.

DANIELI 11:31

Walya wawode shisha wechihoṟoka ora loke, nawo wechifanyitsa nyi orio mfiri, hando naapfo kochiwoneka kiwi kya orumatso.

DANIELI 11:36

“Na mangi nyi echiwuta chandu akundi. Nao nyi echikung'anyisha, na ikuṟumisha huye ya maruwa hose, nao nyi echideda madedo ha mbaṟi heisalucha Ruwa o maruwa. Nao nyi echiengeṟa ihuyo mṟasa nyashi ya Ruwa iawukie; kipfa shilya shishiteṟie shiwaṟi shiwutike.

DANIELI 12:11

Na wokia kiheri kilya shidaso shemaya modonyi ilyi shechiwutoho shilya sha kitsitsi, na kiwi kya orumatso ilyi kechihoṟotso, kechishika mfiri kiku na mahana haṟaṟu na makumi haṟaṟu na itanu (1,335).

DANIELI 7:25

Nao nyi echideda madedo halasumhanyi ichu o huye, nao nyi echilisa wukiwa waele wa ichu o huye, nawekusaṟa na idumbuo iilacha wuwawaso na maheri; nawo wawiko mawokonyi hake ko kiheri, na shiheri shiwi na kiteeno kya kiheri.

DANIELI 8:13

Ngaicho umu o waele echideda na mwele ungi kechimmbesa, “Mṟasa indi shindo shi shawono kunu mawonesionyi shechitsitsa? Mṟasa indi wunyamaṟi wung'anyi wochiwa shidaso? Mṟasa indi mbahanyi ya ruwehu na ihekalu shechichumochumo?

HOSEA 3:4

Na nyi wudo, Waisraeli wechiwa: Wechikaa ko kiheri kileshe walawode mangi ang'u msongoru; ma shidaso, ang'u shimnaṟa shiele, ma shisibau sha kipeeta, ma sanamu ang'u mfanano yeindia.

MAITALA 7:62

kisahanyi kimu kya sahapu kiwode wulemeri wo gramu ihana na ikumi (110) kiichwo ubani,

MATAYO 24:15

“Kyasia-ng'u kiwi kilya kya orumatso kii kihambe nyi mwikimbi ulya Danyieli ili mandi mochiwona-ng'u kiche ihoṟoka kundu kui kwele ichu mosoma namanye.

MATAYO 26:28

Iki nyi samu yako ya mkundano mhya ikeri yolo kipfa kya wandu wafoi kya ihoṟyo nyonjamaṟo.

MATAYO 27:51

Nalyo ambuya, isulia lilya lyeshingya ipfo hekalunyi likaranduka ipfo makiidi hawi liwuka tsindenyi likapahukya mdonyi. Na wanda ikadedema na maho-ho manene hakapaṟika.

MARIKO 13:14

“Mochiwona ‘Kiwi kya Orumatso’ kii alyando kilakundikie iwono.” (Ichu Mosoma namanye mdambuye!) “Nalyo iwo wai kunu Yudaya wahende dichya kulya mafumvuhu.

LUKA 21:20

“Kyaindi ili mochiwona mṟi fo Yerusalemu fochitengetio nyi masiṟi, wutenyi-ho imanya, kiheri kyafo kenyamaṟo kyamshika.

LUKA 21:24

Wengi nyi wechiwooho kui njoshu, wengi wadao wafungo njosharinyi tsose. Na Yerusalemu ideo yechichumo-chumo nyi wandu wa mbaṟi njihenu, itane shiheri sha mbaṟi-tso njihenu shainutsio.”

WAROMA 11:26

Kikamewa kido na Israeli yose yechihenda ikiṟo, chando kuu-kuṟehye, “Nyi kulya Sioni kochiwuka-ho mkiṟa. Nyio sa echiletsa Yakobo wulemeshi wulya.

WAROMA 5:15

Kya indi kiiho na kiira chi shihianyipfo, kyamba kokoya yumbuya lya ichu umu litewye washike ihenda ipfa wadi wafoi nyi wuda kya ngoseṟa wutonga wo Ruwa na ohawi lo wutonga wurio nyi mndu-chu umu Yesu Kristo wusuṟie wafoi walya.

WAROMA 5:19

Cha kipfa chando walya wafoi wamhenda itano wanyamaṟi kitewe nyi wulemi wulya wo mndu-cho umu, na wudo na walya wafoi wechitano wahoṟotsu kimaduma nyi wutechi wo ichu umu-ho.

WAEBRANIA 9:28

Na wudo na Kristo nyi aledambiko-ho limu lyewuta-ho manyamaṟo ha wandu wafoi; Ili lingi echikuloṟa na walya waimbedya kya okiio alawinye wunyamaṟi.