DANIELI 9:26 - Bibilia Kui Mdedie fo Kimochi

²⁶ Numa ya mfungade iya makumi haṟandaṟu na iwi (62), ulya amshie mafuda nyi echidetso, ma echiwada kindopfo; na wandu wa ulya asonguo wechirumatsa mṟi, na halya haele; ifurumia ho kochiwada mfu, na shida; kipfa kiwi kiikiteṟie.

DANIELI 9:26 Iomraidhean Croise

2SAMWELI 21:5

“Nawo wakamhaluo wakambia, ‘Sauli naweteṟie iluwaha na ilumarisa wose kulatsuhae ho ma mndu umu odu orukenyi lo Israeli.

SHIIMBO SHA DAWIDI 22:15

Pfinya tsako tsauma cha kyoho, Olimi loko luwadanyi na mahundu hako; Nyi unjiwikye kilulinyi kya opfu.

YESAYA 28:2

Ambuya Mndumii nawode umu ai mkahari, menyi pfinya; cha masinanu ha mvuo ya maho, isinanu lyenyamaṟa na otanu lurie mṟinga fui mfu fung'anyi, nyi wudo echikumba wanda kui owoko.

YESAYA 28:22

Na wulalu, manya mulawe wandu waminyi, shipfungo shanu shilawoneke shechiumiṟo; kipfa njileicho ko Mndumii, Mndumii menyi Matoṟito, mbonyi ya mwanduye yechiinutsio, nayo injiṟeheṟe, yechihoya wuyana wose.

YESAYA 53:8

Kui iwonyio na ianduyo walembada, Nyiu echiidima ionguo kyake? Nalewuto kiidi kya wandu wa isanga; Kakapo kipfa kya madeko ha wandu wako.

YESAYA 8:7

Kyasia wulalu ambuya; Mndumii naende mṟinga huyawo, mṟinga fo meda fuwode pfinya; mṟinga fo nyi fufoi mnu, nafo nyi mangi o Ashuru na wuitoṟi woke wose; nao nechicha naide huya mfongo yake yose, nechisoka cha mfu fupuike ora lu na ilu;

YEREMIA 46:7

Nyiu icho aicha meda fo Nili fupuikie, cha meda idosa masinamu?

YEREMIA 51:42

Ipalipali lyapuika huya Babeli, ikashikio nyi masinanu hapuika.

DANIELI 11:10

“Wana wake wechiamtsa shida, na isanya wandu wa mbahanyi wanene; wechicha wafoi mnu na iida kiidi wawewuya na iamtsa shida mṟasa washike omombonyi loke.

DANIELI 11:17

Nao nechiwanza oshangu loke nache na pfinya tsa wumangi woke, na nechiwika mkundana nao; na nechiwuta chandu akukundia, nao nechimnengia mana o waka o wandu kundu nanyamaṟo. Kyaindi ikyo kechitewa nahoṟoke ma kimtaramepfo.

DANIELI 11:22

Walya wawode shisha sha ngapano shifoi wechidicha oshangu loke, na ifunjika; yee da na mnene o mkundana.

DANIELI 11:36

“Na mangi nyi echiwuta chandu akundi. Nao nyi echikung'anyisha, na ikuṟumisha huye ya maruwa hose, nao nyi echideda madedo ha mbaṟi heisalucha Ruwa o maruwa. Nao nyi echiengeṟa ihuyo mṟasa nyashi ya Ruwa iawukie; kipfa shilya shishiteṟie shiwaṟi shiwutike.

DANIELI 9:27

Nao nyi echiwikaho mkundana mhoṟotsu na wandu wafoi kiheri kya mfungade fumu; na kyenga kya mfungadefo nyi echiima shiano shedasa; na o kiidi kochihoṟokaho kiwi kya orumatso; nahong'u mtsitsionyi, na nyashi iya iwenjiteseheṟe ihende hoya ichu monyamaṟa.”

HOSEA 1:9

Kyasia, Mndumii-Ruwa kawia Hosea, “Dumbuya manacho rina nyi, ‘Chi Wandu wako-pfo, Kipfa wandu wa Israeli chi wandu wako-pfo, manya inyi njii Ruwa owo-pfo.’”

AMOSI 8:8

Kipfa kya ikyo, ngesa oruka lochidedema, na waipfo wechikapa kilio? Ee lochikupaya cha Meda; lochilya wukiwa na ieka cha Meda fo Misiri.

AMOSI 9:5

Kipfa Mndumii-Ruwa menyi matorito nyio ekepaaya oruka, lukasalaa, iwo waipfo wakakapa kilio; nalo lochikure loose cha Meda lochiekase cha Meda fo Nili fo Misri.

NAHUMU 1:8

Kyaindi nechitoromisha wakituwa wake na mfu fung'anyi na iwafunyia meemenyi.

MATAYO 22:2

“Wumangi wo ruwehu nyi wufananyi na mndu mangi alealikya mana oke wali.

MATAYO 22:7

Kyasia mangi karihinyika nyashi. Kaduma siṟi tsake tsa shidenyi. Kaarisya wawahi walya wanda. Na mṟi fulya fowo kakoṟa na modo.

MATAYO 23:38

Aii mba yanu momeideyo ilawode kindo.

MATAYO 24:2

Nao kahaluo kawawia, “Nyi mulawonyi iho hose? Nyi kya lohi ngambia, ‘Iya handu hakeri nyi koekaa kuleedeoho ma iho likuhekye huye ya iho lingi lide lilawunduo-hopfo.’”

MARIKO 13:2

Nao Yesu kambia, “Kuwonyi mba tso tsing'anyi? Manya kokaa kudeo-ho iho likuhekye huya iho lingi lide lilawundwohopfo.”

MARIKO 13:7

Mkaicho shida na mbonyi tsa shida, mlakangaṟike. Mbonyi-tso kiwaṟi tsiche, kyaindi masiyonyi hamecha-pfo.

MARIKO 9:12

Nao kawahaluo, “Ee-da, Elia na echisonguo icha, naachikie shindo shose. Na kya Manomndu nyi wuda ki kiṟehye kyake ipfo Shitapunyi Shiele ke Mana o Mndu nechiliso wukiwa wufoi na iilo?

LUKA 21:24

Wengi nyi wechiwooho kui njoshu, wengi wadao wafungo njosharinyi tsose. Na Yerusalemu ideo yechichumo-chumo nyi wandu wa mbaṟi njihenu, itane shiheri sha mbaṟi-tso njihenu shainutsio.”

LUKA 21:6

“Kya ishi muyambuya wulalu, nyi kochikaa kuche shiheri, kulechideo ma iho huya iho lingi lilaiwunduye wanda.”

LUKA 24:26

Alae Kristo chi kiwemsumhanyie iliso wukiwa kundu naidime ikuidia wusuṟinyi woke?”

LUKA 24:46

Kawawia ke, “Nyi wudo kikiṟehie ke Kristo nyi awechikaa naliso ado wukiwa, na ili lya kaṟaṟu naṟuke wapfunyi.

YOHANE 14:30

Njikideda-se nanyo shindo shifoipfo kyamba mangi ii ya wuyana wu naicha. Koko inyi echiiidima kindopfo.

2 WAKORINTO 5:21

Ichu alaweichi wunyamaṟi nyio alemtana wunyamaṟi kimaduma kyadu so, kundu so luwe wenyi-wuhoṟotsu wo Ruwa lui mbihu-hu foke.

WAGALATIA 3:13

Nahong'u Kristo amelutalaa so oseso loluwukya mawikonyi halya kachekuwika shi ya oseso lo kelukaya-ho so kikawehendeka na wuitiki wo kilya kii kiṟehye, ke momasyo kidi-hu o ai msese.

1PETRO 2:21

Isho nsho muiwalahie; kipfa nao Kristo alewawiṟo kipfa kyanu kamdea mtaato mpfunge kundu muoshe njayo tsake.

1PETRO 2:24

O amonyi kasanzya mbihu-hu foke manyamaṟo hadu kahadosya msalabehu hamu nafo, kundu so lukae lui waletsane na manyamaṟo lukapye moo foṟundya wuhoṟotsu. Nyi ichenje lyake lilemchiṟa.

1PETRO 3:18

Kipfa nao Kristo alepfa limu kipfa kya manyamaṟo hadu. Ichu asumhanyi alekaya walasumhanyi kundu naluduo ko Ruwa alewoho kui nyama indi kawewanzio moo kui mumuyo.