DANIELI 9:25 - Bibilia Kui Mdedie fo Kimochi

²⁵ Kyasia wulalu umanye, wokia wuwawaso wo isungusia na iṟeheṟa wuhya Yerusalemu mtano kiheri kya icha lya ichu amshie mafuda ang'anyi; kochiwa mfungade mfungade. Ko mfungade makumi haṟandaṟu na iwi (62), mṟi fo Yerusalemu fochiwiko se ko wuhya na fochiwada mtandaṟa mnene na mṟeshi kyaindi kiheri kyo kochiwada wukiwa.

DANIELI 9:25 Iomraidhean Croise

2SAMWELI 15:25

Kyasia, Mangi Dawidi kawia Zadoki, “Wihiṟenyi isanduku lyo lya Ruwa kulya mṟini. Ruwa kakunda nechinjiwonyia osaṟio, nanjiwihiṟe njiidime iwona se mṟifu na isanduku lyo.

EZRA 4:24

Koikyo iṟunda lyewika mba iya ya Ruwa liletirima handu ha maka iwi ya wumangi wo Dario, mangi o Uajemi.

EZRA 7:1

Numa ya ishi kiheri kya mangi Artashasta mangi o Uajemi, kuwewode mndu umu elaho rina lyake nyi Ezra, mana o Seraya, mana o Hilkia,

EZRA 7:8

Waleshika kulya Yerusalemu mfiri fo kuwoka fo meri fo katanu fo maka fo mfungade fo wumangi wo Artashasta.

NEHEMIA 3:1

Kyasia mongo Fulya fo Machondi fukowiko ko wuhya nyi Eliashibu, mkohanyi ang'anyi hamu na wana wa mae wawei wakohanyi. Wakafushimbuo na iwihiṟiapfo mongo iya yalo, wakawewika se mnaṟa Fulya fo Ihana limu (100) itane mnaṟa fo Hananeli.

NEHEMIA 4:2

oshangunyi lo mbuya tsake na mbahanyi tsa Wasamaria kahamba, “Nyi kiki Wayuda wa wafafa wakeriwuta? A ngesa nyi wechiidima iwika se mṟi fu ko wuhya? A wecheidima iwuta shidaso ngesa? Ngesa nyi wechiidima imarisa iṟunda lyi ko mfiri fumu? A ngesa wechiidima isanyiase maho ho hakuumbiṟie ipfo mawiwenyi kundu halekoṟio haweidimase iwika mba.”

NEHEMIA 4:8

Wakawika kyama handu hamu kyecha ikapa Yerusalemu kundu luṟahanyike.

NEHEMIA 6:15

Kyasia omombo lulya lukamarisika iwiko mkonu fo makumi hawi na katanu (25) meri fo Eluli, na iṟundali lyose nyi lilemarisikia ko mfiri makumi hatanu na iwi (52).

SHIIMBO SHA DAWIDI 71:10

Kipfa wakituwa wako wakeri injiwia, na iwa waaliye moo foko wawesana.

KOHELETI 3:3

Kiheri kewaaha, na kiheri kechiṟa; Kiheri kewunduo, na kiheri kewika mba;

YESAYA 55:4

Ambuya, ngambika nawe mṟingishi ko mkambo fo wandu; msongoru na mosongoya shida mkambonyi fo wandu.

YESAYA 9:6

Kipfa kyadu lomefeeyo kimana, Lomeinengo mana o womi; Na pfinya ya wumangi ikeri makosohu hake Namdumbuye rina lyake, “Menyi chile” “Ruwa menyi pfinya,” “Wande o mlungana,” “Mangi ya Ofoṟo.”

DANIELI 8:11

Ikakuichika ikakunda ielewetsa menyi matorito, ikawewutaho shiano na shidaso shemaya modonyi na handu halya haele hakaolotso wanda.

DANIELI 8:25

Na kui chila yake nechiṟunda kui mtambo na ikuichika amonyi ipfo mrimenyi foke nawerumatsa walya wakukerie na wuhoo; nao nechihoṟoka wahodane nao ichu ai mnene o wanene; kyaindi nechifunja kulawode mawoko heṟunda.

DANIELI 9:23

Mawokioonyi ha shiterewo shapfo kulewuto iwawaso, na inyi ngacha njikuinenge mbonyi; kipfa iyo nyi ui mkunde mnu, wulalu kusaṟe mbonyii na imanya kiwonesio ki.

MIKA 5:1

Mndumi Ruwa nahamba adi, “Na iyo Bethlehemu Ephrata ukeri o oruka lo Yuda, ukeri mtutu konyiia wumangi wo Yuda pfo, kipfa kopfo iyo nyi kochikaa kuwuke mwitoṟi molisiṟa wanduwako Israeli.”

MIKA 5:2

Ko ikyo Ruwa nechida wandu wake ko wakituwa, mṟasa mndu mka ulya ai mlemo nafee. Numa wanawamae iwo wechitsuhaa wawuye na isanza na Waisraeli wodoyawo.

MATAYO 13:23

Kya indi ichu a-mbaaye ipfo terinyi njicha nyio ichu echiadanya idedo-lyo na ilimanya naho kahenda ikumbya kilimu. Ichu umu kawika ihana, na ichu ungi makumi haṟandaṟu, na ichu ungi makumi haṟaṟu.”

MATAYO 24:15

“Kyasia-ng'u kiwi kilya kya orumatso kii kihambe nyi mwikimbi ulya Danyieli ili mandi mochiwona-ng'u kiche ihoṟoka kundu kui kwele ichu mosoma namanye.

MARIKO 13:14

“Mochiwona ‘Kiwi kya Orumatso’ kii alyando kilakundikie iwono.” (Ichu Mosoma namanye mdambuye!) “Nalyo iwo wai kunu Yudaya wahende dichya kulya mafumvuhu.

YOHANE 1:41

Andrea kawoka iwona manomae o Simon kambia, “Lombona Mesia.” (Nakyo kokihalwo kigriki nyi kimu na Kristo.)

YOHANE 4:25

Nahong'u mka ulya kambia, “Njiichi ke nyi kochicha Mesia elaho nyi Kristo. Nao mandi echicha o echilutambahaluya orio kindo.”

MAWUTO HA WASU 3:15

Kyasia nyo mlewaaha mangi iya ya moo na Ruwa nyi alemṟutsa opfunyi, naso nyi waringishi wa mbonyi tso.

MAWUTO HA WASU 5:31

Nao nyio ichu Ruwa alemira na owoko loke lo kulyo kamtana mwitoṟi mokiṟa wandu nainenge Waisraeli mdumbuye na mhoṟye fo njonyamaṟo.

MAWUTO HA WASU 8:30

Filipo kechisembelya naho kaicho kesoma kitapu kya mwikimbi Yesaya kambia, “Alae kyawekutambalahalukya ikyo uisoma?”

WAEFESO 5:16

Muwe mochihinja na mwaanya fo oweṟe muwode kipfa mkonu ii injiwicho.

OTAMBAHALUO LO YOHANE 1:5

Shiwukye ko Yesu Kristo ai mṟingishi ulya mhendeli o kuwoka iwada moo aṟukie wapfunyi, ai mnene o mangi tsa wanda ii. Nyio alukundi kaluletsa manyamaṟo hadu kui samu yake.

OTAMBAHALUO LO YOHANE 19:16

Arie rina lii-iṟehye nguwo-hu ipfo owaenyi loke ke nyi, “Mangi ya wamangi na Mndumii o wandumii.”