DANIELI 9:12 - Bibilia Kui Mdedie fo Kimochi

¹² Nao nainutsia madedo hake, halya awehambie kyadu, na walya waleluletsa wakaluendie mawicho hang'anyi; kipfa kunu shi ya ruwehu kuwode kindo kilemeutika cha iki kilewutika Yerusalemu pfo.

DANIELI 9:12 Iomraidhean Croise

1WAMANGI 3:9

Ko ikyo ngakuterewa unjinenge inyi kisinga kyapfo mrima fo wuidiki na wuṟango wo manya mecha na mawicho njiweidima ianduo na idumbuo chila kiidi kya wandu, kipfa nyiu echiidima isongoya na ianduo kiidi kya wandu, wafoi wadi?”

2WAMANGI 22:16

Mndumii-Ruwa nahamba adi, ‘Njechiende mawicho hache handu ha na huye ya wose wekekaa iya chandu kitapu kilya kilesomo nyi Mangi ya Yuda.

YOBU 12:17

Nekewuta wesoṟa mbonyi wahende kitaṟe, kawehaluo wachili wawe matondo.

SHIIMBO SHA DAWIDI 148:11

Wamangi wa wuyana, na wandu wose, wanene, na wachili wose wa wuyana.

SHIIMBO SHA DAWIDI 2:10

Na wulalu, nyo wamangi, wadenyi wurango, Nyo walaanyi wa wuyana, ṟanguonyi.

MFANANO 8:16

Kui ndarama yako wanene wakalisa wandu, Na walya wa kiṟumi, ee da, wachili wose wa wuyana

YESAYA 43:28

Ko ikyo ngaleha walya weṟundia halya haele, ngasehia Yakobo nakapo kishikie, ngaweleka Israeli narumo.’”

YESAYA 44:26

Njekewanza idedo lya mṟundi oko; ngaweshitsa chila ya wadume wako; njekewia mṟi fo Yerusalemu ke nochiwada wandu kiidi kyapfo na mṟi ya Yuda, yechiwiko na inyi njisungusie handu halya hawundukie;

YEREMIA 30:7

Lohi, mkonu fo nyi fung'anyi, kuwode fungi cha ifo pfo; nyi mkonu fo kiwi ko wandu wa Yakobo; ma kudo wechikiṟo pfo.

YEREMIA 32:23

Nawo waleshika wakaluwada na iluikolonyia. Indi walekuadanyia, manya iosha mawawaso hapfo-pfo. Walewuta chandu ulewawiapfo. Nyi kyo kyatewa wakoyane na mawicho ha.

YEREMIA 39:16

“Henda uwie kudi Ebedmeleki, mndu o Ethiopia: Mndumii-Ruwa menyi matorito, Ruwa o Israeli nahamba adi: Ambuya inyi njechiinutsia, mbonyi tsilya tsose njilehamba tsirianyi na mṟi fo ma chi mbonyi njicha pfo. Mbonyi tso tsechiinukia mfiri fo ochiwona kumonyi.

YEREMIA 44:23

Mawicho ha hamukoya mṟasa inu kipfa mulewuta mwaano yemaya modonyi ko maruwa hengi na idekio Mndumii-Ruwa, mukaleha iindia ṟu lyake na iosha wuwawaso woke, na chile tsake na shilya awawasie shose.”

SHILIO 1:12

“A ngesa nyo mukuidia na njia musaṟawo kindo? Keambuyenyi! Kuwode mndu alemewado nyi fowa mrimenyi cha inyipfo, Mndumii-Ruwa alenjiendie, keambuya chandu njilewa indo lipiṟe.

SHILIO 2:13

Njikuwieki iyo Yerusalemu? Njikufananyitse na kiki? Njikufananyitse na kindo kya mbaṟi ida kundu njiidime ikuwihiṟia moo, Iyo Sioni ui mcha? Ngapo tsapfo nyi tsing'anyi cha ipalyipalyi. Ngesa nyiu echiidima ikukiṟa?

SHILIO 2:17

Kyamba Mndumii-Ruwa nyi awuta kilya awekusirie, nyi aawutsia shilya awehambie, chando aweikusirie wokia mboko, cha kipfa nyaṟumatso kulawode osaṟio lose; nyi ainenga wakituwa wachihiyo kipfa kya ngapo yapfo, kyamba nyi aṟumisha ngohoda tsa wakituwa wapfo.

SHILIO 4:6

Wandu wako nyi walekapo ngapo ing'anyi kota wandu wa Sodoma, walya waleoloka mawokonyi ha Mndumii-Ruwa walakusirie.

EZEKIELI 13:6

Waikimbi wa wekeonguo na iikimba mbonyi tsa wongo welembetseṟa nyi madedo ha Mndumii, kyaindi njilemewadumepfo. Wakaweinenga wandu mkusirie ke madedo ho nyi hahenda iawutsyo.

EZEKIELI 5:9

Ambuya, kipfa kya mawicho hose ulenjiwutia iyo Yerusalemu, njechikuwutia kindo kiwicho sa njilalemekuwutie manya njilechikaa njikuwutiese.

DANIELI 12:1

“Kiheri kyo Mikaeli nechihoṟoka, mnene o ngapano nahoṟoke ora lo wana wa wandu wako; kochiwa kiheri kya wukiwa wulalemewono wokia mbooko itane kiheri kyo, na kiheri kyo wandu wapfo wechikiṟo orio umu echiwono amṟehiye kiidi kya kitapu kilya.

YOELI 2:2

Mkonu fo nyi fo mema na isumkia; nyi mkonu fo mapuchi na mtima. Mbahanyi ing'anyi ya nzihe ikeri kufui, ikeri cha isulia lya mema liliale mafumvunyi. Kindo cha iki kilemeutike male-pfo, ma kechikaa kiutike se marika hose haicha-pfo.

AMOSI 3:2

Nyi nyo tupu njilemumanya kiidi kya wandu wa mkambo ya wuyanenyi kose; kwi kipfa ikyo, njechimuwuwuya manyamaṟo hanu hose.

ZEKARIA 1:6

Indi madedo hako na mawawaso hako njilewawasia waikimbi, waṟundi wako, ngesa, wandeanu walehawona? Wakawuya ihaluka wehamba, chando Mndumii menyi matorito aweteseheṟie iluwutya, chando kiwewaṟi mawuto hadu, na wudo alewewuta kirianyi na mawuto hadu.

ZEKARIA 1:8

Njilewona ilyi kio, ambuya, mndu adooye frasi ya kimaande, kahoṟoka kiidi kya mashidi (hepfaama helaho “mhadasi”) handu hawode kiṟiinje; numa yake kuweiho frasi tsingi tsa kimaande, na tsa ifuifu na njiili.

ZEKARIA 7:12

Wakahaluo mrima yawo ikafanana na iho liumu; kundu walaicho wuwawaso na madedo ha Mndumii menyi Matorito alehaduma kui mumuyo mawokonyi ha waikimbi wa kuwooka; kui kipfa kya ikyo nyashi ya Mndumii menyi Matorito yechiwaakiya.

MATAYO 24:21

Cha kipfa kukamshika mandi nalyo kuche shiwira sa shiingi sa shilalemewoneke kiwokia lilya mawokioonyi ha wuyana itane mandi ha ha wulalu. Ma ili numa shechiwonekase shidopfo.

MATAYO 5:18

Kipfa nyi kya lohi ngambia, na kuwede kulya ruwehu kunyamaṟo na sanga, indi ipfo wuwawasonyi kochinyamaṟika-fo ma kichano kimu ma kimcharie kimupfo na shiwede shiinutsio shose.

MARIKO 13:19

Nyi kipfa mfiri yo kochikaapfo wukiwa wung'anyi sa wulalemewoneke kiwokia mawokenyi ha shindo sho shi shiwumbe nyi Ruwa shika mandi ha wulalu. Ma ili numa wochikiwoneka-se wudopfo.

LUKA 21:22

Kipfa shiherisho, nyisho shewuwuya kisecha, kundu shilya shii shiṟehie shishike shose.

WAROMA 15:8

Kyamba ngamuwia Kristo nyi alewa mopfuṟukanya Wayuda kemanyisha-ho kiwulohi kya Ruwa nainutsye-ho shaasa Ruwa shilya waku walya walewikyo,