DANIELI 7:8 - Bibilia Kui Mdedie fo Kimochi

⁸ Ngatuluya meso membe tsilya, kukadosa ho membe kiidi kya itso indi iwei njitutu, kukaṟuka membe tsiṟaṟu tsisonguo na kiidi kya membe tso kuwewode meso cha meso ha mndu, na dumbu liweideda madedo ha kiṟiha.”

DANIELI 7:8 Iomraidhean Croise

SHIIMBO SHA DAWIDI 12:3

Mndumii nyi echitushiṟa moomu yose yekushela, Na orio olimu luwode madedo ha orikiki;

DANIELI 11:36

“Na mangi nyi echiwuta chandu akundi. Nao nyi echikung'anyisha, na ikuṟumisha huye ya maruwa hose, nao nyi echideda madedo ha mbaṟi heisalucha Ruwa o maruwa. Nao nyi echiengeṟa ihuyo mṟasa nyashi ya Ruwa iawukie; kipfa shilya shishiteṟie shiwaṟi shiwutike.

DANIELI 7:19

“Njiwekundi imanya kya indo lilya lya kana, liwei aleshe na wodoye wose, liṟihishie na iowesha, maheho ha menya, njaa tsa aṟeṟa, lilelya, likapoṟipotsa na ichuma chuma mtsuhaṟo na madende halyo;

2WATESALONYIKYE 2:4

Nao nechikaruo orio kyechiichiko nyi wandu ke nyi Ruwa ang'u wandu wekyekiindia. Katana akudamiṟa amonyi ipfo Hekalunyi lya Ruwa echikumanyisha o amonyi ke akeri Ruwa.

2TIMOTEO 3:2

Kyamba wandu wechikukunda wawenyii wai wa kiṟaṟi wakuwi wekuwa fesa, waṟahiṟahi, wai na tumbe, weruma Ruwa; wemiina wafee, wala fanyi, wai wambafu.

2PETRO 2:18

Kyamba wo wekyekushela na madedo ha maai; wechituusa na lango njiwicho tsa nyamenyi kui mamelukameluka wandu, walya wamelekana msanzie fo wechumia kipfuṟi.

YUDA 1:16

Wandu wa wekyenunuwa kiheri kyose, na ipiṟa wandu wengi. Wechichumia waidikyanyi na lango tsawo njiwicho. Na dumbu lyawo lyekededa sha mtengelele wechikulopa mnu na wandu wengi kui oshangu kipfa kya mbucha, tsawo.

OTAMBAHALUO LO YOHANE 13:1

Na ngawona indo lyimu lyawuka ipfo nduwenyi liwewode membe ikumi, na mdo yalyo iwei mfungade. Na ipfo membe-hu tsalyo liweṟee oṟo tsa wuitoṟi ikumi. Na marina heruma Ruwa haweimaṟehye ipfo mdonyi yalyo.

OTAMBAHALUO LO YOHANE 9:7

Na mfananyie ya nzihe tsi tsifananyi na frasi tsii-nteseheṟe tsehenda shidenyi. Na ipfo mdo-hu yatso nyi oṟo tsiwei-pfo tsifanyi cha sahabu. Na shamu shatso shiwei cha sha wandu.

1SAMWELI 2:3

Lekyenyi ikuichika lekyenyi ideda sha wutimbiri, Kyamba msa aichi nyi Mndumii-Ruwa, o nekyehesha mawuto hose.