DANIELI 7:6 - Bibilia Kui Mdedie fo Kimochi

⁶ Numa ngaambuya ate kuwode se lingi lifananyi na rumu, liwode makungo hana o mhongo cha ndehe; nalyo liwewode mdo iina; likainengo wuitoṟi.

DANIELI 7:6 Iomraidhean Croise

EZEKIELI 17:3

Uwawie, nyi wudi Mndumii-Ruwa ahamba, Nyi kuweipfo mbeṟo sa ing'anyi makungo hayo haweng'anyi mnu, mamberi hayo nyi hawemaleshe, hakawechopo kui fana tsa mbaṟi tsifoi. Mbeṟo yo ikarunduka mṟasa mafuvuhu ha Lebanoni, ikakaa machenjehu ha ikidi lya meresi;

DANIELI 10:20

Nalyo kanjiwesa, “Nomanya kitewe ngakuchea? Na wulalu kinjiwaṟi njiwuye na ikapana na msu mringi o Persia. Nduma ngamembinga, msu mringi o Ugiriki nechicha.

DANIELI 2:39

Numa yapfo kochiwada wumangi wungi, wumangi wo wochiwa wufafa. Numa wochicha wumangi wungi, wo kaṟaṟu wui ofano lo aṟeṟa, nyiwo wochiitoṟia wuyana wose.

DANIELI 7:4

Lya kuwoka liwefananyi na mwiso liwewode makungo cha owishi; ngaambuya, makungo halya hakairiya mberi, likairo huye, likahoṟotso na madende hawi cha mndu; likainengo mrima fo mndu.

DANIELI 7:5

“Ambuya indo lilya lya kawi liwefananyi na rumu lya ngaṟe, likairio ora lumu, na mafuo haṟaṟu ha mbaṟi hawei dumbunyi lyalyo mahehonyi, wakawia wadi ngaṟe, ‘Kure nolye nyama, tsiichuo pacha.’

HOSEA 13:7

Wulalu njihenda iwa cha miiso konu nyo mose, nyi njechiwaowelia njienyi cha rumu.

OTAMBAHALUO LO YOHANE 13:2

Na indo li njileliwona liwefananyi na rumu, na madende halyo hawei cha ha isihee lya mbaṟi iya ing'anyi na dumbu lyalyo cha lya miiso. Nalyo nyilyo molyimo fulya fukalienenga pfinya yafo na loṟika lofo na wuidimi wung'anyi.