DANIELI 7:25 - Bibilia Kui Mdedie fo Kimochi

²⁵ Nao nyi echideda madedo halasumhanyi ichu o huye, nao nyi echilisa wukiwa waele wa ichu o huye, nawekusaṟa na idumbuo iilacha wuwawaso na maheri; nawo wawiko mawokonyi hake ko kiheri, na shiheri shiwi na kiteeno kya kiheri.

DANIELI 7:25 Iomraidhean Croise

YESAYA 37:23

Nyiu ulemsutsa na imruma? Noiria ṟu lyapfo kou, na iiriya meso hapfo huye? Nko Mwele o Israeli.

DANIELI 11:28

Nlyong'u echiwuya na orukenyi loke arie wusuṟi wung'anyi; mrima foke fochiwa kiwungi na mkundana fulya mwele; nao nechiwuta chandu akundi, na iwuya mṟasa orukenyi loke.

DANIELI 12:7

Inyi ngaicho mndu ulya amṟike nguo tsa katanyi, awei huya mṟinga fo meda, kairia owoko loke lo kulyo na owoko loke lo kumoso huye ruwehu; kalya nyamu ya ichu ai na moo mlungana na mlungana, ke kochiwa kiheri na shiheri shiwi, na kyenga kya kiheri; kake wakamemaa ifunja pfinya tsa wandu wo waele, nlyong'u mbonyi tso tsose tsechiinukia.

DANIELI 2:21

O nyi ekeilacha maheri na chila yake; nekewuta wamangi, kawewika-ho, Wamangi na iwainenga wuṟango na wulaanyi, kainenga waṟango wusalari.

DANIELI 3:26

Kyasia Nebukadneza katikiria alya afui na nungu iya ya modo. Kalaha, “Lanye Shadraki, Meshaki na Abednego, waṟundi wa Ruwa o Huye; wukenyi ipfo mche na kunu.” Naalyo Shadraki Meshaki na Abednego wakawuka kulya modonyi.

DANIELI 4:17

Mwanduye fu focha kipfa kya waringi, na iwawaso lyi kui idedo lya waele; kundu iwa wai na moo wamanye ke ichu ai huye nyi aitoṟie wamangi wa wandu, nao nyi ekekuinengia ichu amkundi na ishimbuo ichu ai mfafa.”

DANIELI 4:2

Inyi njiwonyi ke kinjiwaṟi njihambe mbonyi tsa ṟiho tsilya Ruwa alenjiwutia.

DANIELI 4:25

ke nochifunyio kuleshe na wandu, na iyo nochikaa hamu na mando ha ngeṟenyi na iyo nochitikiriyo ilya maṟa cha mbe, nochiwikio mṟinga fo ṟauṟa ya ruwehu na maheri mfungade hechiida huye yapfo, itane omanya ke kuwode ai huye aitoṟie wumangi wo mndu o wandu, nao nechiidima iinenga ichu amkundi oose.

DANIELI 4:32

Na iyo nyi ochifunyio kuleshe na wandu na iyo nochikaa hamu na mando ha ngeṟenyi, nochilya maṟa cha mbe; na shiheri mfungade shechiida huye yapfo mtano omanya ichu ai huye nyio aitoṟie wumangi wo wandu, nao nekeinenga ichu akukundia ose.”

DANIELI 7:18

Indi waele wa ichu ai huya shose wechiambiya wumangi, na iitoṟia mlungana na mlungana.

DANIELI 7:20

na kya membe tsilya ikumi tsiwei mdohu kolyo, na ombe lulya luledo, na tsilya tsiṟaṟu tsileoloka, tsilya tsiwewode meso na dumbu lilededa madedo ha kiṟiha, likawona ho wa pfinya kota wodoyalyo.

DANIELI 7:8

Ngatuluya meso membe tsilya, kukadosa ho membe kiidi kya itso indi iwei njitutu, kukaṟuka membe tsiṟaṟu tsisonguo na kiidi kya membe tso kuwewode meso cha meso ha mndu, na dumbu liweideda madedo ha kiṟiha.”

DANIELI 8:11

Ikakuichika ikakunda ielewetsa menyi matorito, ikawewutaho shiano na shidaso shemaya modonyi na handu halya haele hakaolotso wanda.

DANIELI 8:14

Nao kamhaluo, mṟasa shiheri sha kiukanyi na ngamenyi shiku shiwi na mahana haṟaṟu (2,300) nyilyo handu ha haele hechihaluyo haele.”

DANIELI 8:9

“Kiidi kya membe tso kukadoho ombe lututu lukang'ana mnu, ora lo nuka, na ora lo kiukanyi, na ora lo oruka lucha.

DANIELI 9:27

Nao nyi echiwikaho mkundana mhoṟotsu na wandu wafoi kiheri kya mfungade fumu; na kyenga kya mfungadefo nyi echiima shiano shedasa; na o kiidi kochihoṟokaho kiwi kya orumatso; nahong'u mtsitsionyi, na nyashi iya iwenjiteseheṟe ihende hoya ichu monyamaṟa.”

HOSEA 7:16

Ambuya, nyi walehalukia maruwa hengi, wakawa cha uda wulekeidima iṟunda, Wanene wawo nyi wechipfa ko oshu, kipfa kya madedo hawo hekudosa dosa, Kipfa kya ikyo nyi wechisalucho orukenyi lo Misri.

2WATESALONYIKYE 2:3

Kulakaeho echimlemba ma kui njia ii ang'u, ii. Kipfa kwipfo kisonguo nalyo nyi iwuka siṟinyi lilya ling'anyi na ulya mbicho menyi wunyamaṟi nawekuloṟa, nyio mana o orumatso.

2WATESALONYIKYE 2:4

Nao nechikaruo orio kyechiichiko nyi wandu ke nyi Ruwa ang'u wandu wekyekiindia. Katana akudamiṟa amonyi ipfo Hekalunyi lya Ruwa echikumanyisha o amonyi ke akeri Ruwa.

2WATESALONYIKYE 2:8

Maindi naho Mbicho-chu echikuloṟa. Indi nao Mndumii Yesu echimrumatsa kui mrufu fo dumbu lyake na imkombetsa kombi kui ngesa ya ikuloṟa lyake.

OTAMBAHALUO LO YOHANE 12:14

Na mka chu kainengo makungo ha hawi ha mtonyi fulya fung'anyi kundu narunduke naho nashike olelenyi ipfo kundo hando echikaa kipuo ko maka iṟaṟu na meri iṟandaṟu itika limu na ekaa kuleshe na njoka iya.

OTAMBAHALUO LO YOHANE 12:6

Na mka chu kadichya nuka kundo kuwode olele ipfoondo awode hando haa-hasungusie nyi Ruwa kundu wamlelie-ho mkonu kiku kimu na mahana hawi na makumi haṟandaṟu.

OTAMBAHALUO LO YOHANE 14:12

Kipfa kya ikyo nyi kiwaṟi wandu wa Ruwa, iwo waidikye, wakuwode na mawawaso ha Ruwa na waidikye Yesu wawe watirisi.

OTAMBAHALUO LO YOHANE 16:6

Kipfa nyi walepusuo samu ya waele na ya waikimbi. Na iyo kowewainengya samu wakunyoe. Nyi kiwawaṟi!”

OTAMBAHALUO LO YOHANE 17:6

Na inyi ngawona mka cho amnanzi samu ya wandu wa Ruwa, na ya waṟingishi wa Yesu. Ngamembona njido ngaṟihiyo mnu na kamu.

OTAMBAHALUO LO YOHANE 18:24

Mṟi fo fulerumatso kipfa kulewono-pfo samu ya waikimbi na ya wandu wa Ruwa na ya wose walemewoho iya wuyana.