DANIELI 7:13 - Bibilia Kui Mdedie fo Kimochi

¹³ Ngawewona se ipfo ndodonyi ya kio, umu ai ofano lo mndu kacha na mapuchi awuka ruwehu, kasembelia mmeku ulya o maka ifoi wakameende na afui.

DANIELI 7:13 Iomraidhean Croise

SHIIMBO SHA DAWIDI 110:2

Mndumii nechiloṟa kuwuka Sioni, ndichi ya pfinya tsapfo. Nowade iitoṟia wakituwa wapfo wose.

SHIIMBO SHA DAWIDI 2:8

Unjiterewe, na inyi njechikuinenga mbaṟi tsa wandu wawe kyoṟa kyapfo, Uweitoṟya mṟasa mtsitsionyi fo wuyana.

SHIIMBO SHA DAWIDI 47:5

Ruwa nado ruwehu kui ngululu tsa sia, Mndumii kui ṟu lya iranda.

YEREMIA 49:19

Chandu mwiso fokekusoromuo fuwuka ngeṟenyi ya meda fo Yordani na iida kiidi kya maṟa mecha, nyi wudo njechifuna Waedomu wawuke orukeni lowo faṟa. Na inyi njechiwikapfo msongoru icho njechimsambuṟa. Kipfa nyiu echiwa iṟinganyisho na inyi? Nyiu echiidima injianduya? Nyi mlisi uhya echiidima injiima.

EZEKIELI 1:26

Huye ya mwalonyi fulya huye ya mdo yawo kuwekeriho loṟika lulusungusie ko fana ncha. Huye ya loṟika lulya kuwedamieho umu awefananyi na mndu o wandu.

DANIELI 2:44

Maheri ho ha wamangi wo wose hakamsia Ruwa o ruwehu nechihoṟotsa wumangi wungi wulechimanda mlungana wochiwa isembelia pfo, na kuwode wandu wechiwudeeyo-pfo, kipfa wochifunja-funja mangi tsingi tsose nawo wuitoṟie mlungana.

DANIELI 7:12

Na mando halya hengi hakasoko wuitoṟi; indi o hendo loho lulelesheṟo shiheri na ngoseṟa.

DANIELI 7:2

Danieli kadeda kechihamba, “Njilewona njidi kiidi kya kio; njowira tsiina tsilewiwita tsa ruwehu; tsiapfinya mnu huya ipalyipalyi ling'anyi.

DANIELI 7:22

mṟasa kacha mmeku chu o maaka ifoi, na waele wa ichu o huye wadumbuyo mondu na maheri ha haafukia waele wakaitoṟia na iwada wumangi.

DANIELI 7:9

“Ngawona njoloṟika tsa wuitoṟi tsikawiko, na meku umu o oruka adamie; nguo tsake tsiwei njiili cha makuṟeṟa na njui tsa mdo foke fuwei miili panga kipfa kya mhasa; loṟika loke luweikumba olewo lo modo, shidenga shalyo shiwei cha modo fuiaka.

DANIELI 8:15

Kikashika o inyi Danieli, kiheri njilewona shiwonesio shi, njeshiha ishimanya, oweṟe ngawona msa ahoṟoki ofano lo mndu oshangunyi loko.

MATAYO 13:41

Manomndu nadume wasu wake ipfo wumanginyi woke wasanye mando haendye wusutsu hose na iwo wawutye sha mkika wawewasanya.

MATAYO 24:30

Mandi nalyo kiṟingishyo kya Mana o mndu kikuloṟe alya ruwehu. Na mbaṟi tsa wandu wa kunu orukenyi tsiwefihiṟa tsose. Nawo wawone Mana o mndu kecha akeri huya mapuchi ha ruwehu ai na pfinya ing'anyi na wusuṟi.

MATAYO 25:31

“Kyaindi ilindi Manomndu echicha ai na wusumuhanyi woke arianyi na wasu wake wa kulya ruwehu wo wose, nalyo echidamya ipfo loṟike-hu lo wusuṟi woke.

MATAYO 26:64

Yesu kambia, “Naakyo ohamba. Na inyi ngambia, wokia wulalu mochiwona Mana o mndu adamye ipfo ora lo kulyo lo pfinya-ii itoṟye akeri icha ai huyaa mapuchi ha ruwehu.”

MATAYO 28:18

Na Yesu kacha na alyando wai kadeda nawo kahamba, “Nyi njimnengye pfinya yose ya ipfo ruwehu na ya kunu wuyana.

MATAYO 8:20

Na Yesu kambia, “Mapaara nyi hawode mruma na shilehe sha ruwehu shikawewada sungu tsasho, kya indi Manomndu awode ma handu heonyonyia-pfo.”

MARIKO 13:26

Mandi nalyo wawone Manomndu kechicha ipfo mapuchinyi ai na pfinya ing'anyi na wuitoṟi.

LUKA 21:27

Kiheri-kyo, nlyondo wechiwona Mana o mndu kechicha ario nyi ipuchi, awode pfinya na kiṟumi king'anyi.

LUKA 21:36

Nanyo, laenyi dembo mfiri yose mochiterewa, kundu muidime ikuashuo isho shose shikundi iwa, na ihoṟoka alya sumuhana na Mana o mndu.”

LUKA 24:27

Nao kawoka alya ko Mose na waikimbi wose kawatambahaluya shilya shi-shidede sha mbonyi tsake kadung'atsa mṟeho yose.

YOHANE 12:34

Nahong'u wandu walya wakuwumbye-ho wakamhalwo, “So nyi lokeicho kya Kristo kii-kihambe ipfo wuwawasonyi wodu ke nyi echikaa-pfo mlungana. A kyawa kida-ng'u ili iyo ohamba ke nyi kiwari Mana chu o mndu nahende iiryo huye? A Mana cho o mndu nyi o ku ngesa?”

YOHANE 3:13

Ma kulelemedoe mndu kulya ruwehupfo, na ichu alewesoka ruwehu nyio Mana o Mndu ai ipfo ruwehu.

YOHANE 5:27

Kawemnenga na wuchili wo idumbwo mondu kipfa akeri Mana chu o Mndu.

MAWUTO HA WASU 7:56

Kahamba, “Ambuya, njiwonyi kulya ruwehu kuṟuhukye na Mana ulya o mndu ahoṟoki ipfo ora lo kulyo lo Ruwa.”

1WATESALONYIKYE 4:17

Ikyo kilemba naso ili lui-se na moo luitsuhaa lochidao handu hamu na walya lui mapuchinyi lushike kumbuhanana na Mndumii ipfo mumuyohu. Na wudo lochikaa lui hamu na Mndumii maheri hose.

1TIMOTEO 6:16

Nao amonyi akaa elechipfa aitsinda ipfo senyi ilechiwa ida. Kwipfo mndu o wandu alembonapfo ma kwipfo echiidima imbonapfo. Kiṟumi kicha na wuitoṟi wo mlungana shii shake. Amenyi.

WAEBRANIA 2:14

Cha kipfa ili wana wakuwode na samu na nyama, na wudo alekuwada natso kimu nawo kundu nawute wuitoṟinyi kui opfu ichu aitoṟie opfu, nyio mkumbi ulya.

WAEBRANIA 9:24

Kyamba Kristo alawehenda hando haele hai-hawike na mawoko hahambie halya ha lohi kui mfano, kya indi kahenda ruwehu kwenyi nakuloṟe oshangunyi lo Ruwa wulalu echiluhoṟokya-ho so.

OTAMBAHALUO LO YOHANE 1:13

Na ipfo makiidi hawi ha mapapang'ae halya ngawonapfo kindo kifanyi cha mndu o wandu aa-mshikye na mṟaye fushikye ndifo akupfungye na okowa lo sahabu mṟasa kipete-hu.

OTAMBAHALUO LO YOHANE 1:18

Njii menyi-moo. Na njiwei mpfu indi ambuya njii menyi-moo fochikaa mlungana. Na njopfunguo tsa mongo fo opfu na fo ipfo ko shi nyi inyi njitsiwode.

OTAMBAHALUO LO YOHANE 1:7

Ambuya, nyi icha akeri ipfo mapuchi-hu na orio riso lyechimbona, na iwona wechimbona walya walemtocha. Na mbaṟi tsa wandu tsose tsechimlilia. Ee da, nakyo. Amenyi.

OTAMBAHALUO LO YOHANE 14:14

Njileambuo, ke-ambuyenyi-ng'u-wo ipuchi lyiili pang'a. Na ipfo ipuchi-hu kuwedamye-pfo afananyi na mndu o wandu. Nyi aweṟee oṟo ya sahabu ipfo mdo-hu foke. Na ipfo owokonyi loke lo kulyo awerie mndo sa mwohi.