DANIELI 7:10 - Bibilia Kui Mdedie fo Kimochi

¹⁰ Meda cha fo modo fukaida oshangunyi loke; shiku na shiku wukamṟundya, na shiku ikumi ka shiku ikumi wakahoṟoka oshangunyi loke, mwanduye fukawiko, shitapu shikatambaṟuyo.

DANIELI 7:10 Iomraidhean Croise

1WAMANGI 22:19

Mikaya kahamba, “Ichong'u idedo lya Mndumii, ndewona Mndumii adamie loṟikehu loke lo wuitoṟi na mamiingi fo ruwehu wahoṟoki ora loke lo kulyo na kumoso.

2MBONYI TSA MAHERI 18:18

Kyasia, Mikaya kambia: “Wulalu, adanyia idedo lya Mndumii-Ruwa: Njilewona Mndumii-Ruwa adamie kidinyi kyake kya wuitoṟi, na mbahanyi yake yose ya ruwehu ihoṟoki ora loke lo kulyo na lokumoso.

YOBU 25:3

Ngesa, wandu wa mbahanyi wechiwa iitalo? Nyiu elechicheo nyi sa yake?

SHIIMBO SHA DAWIDI 103:21

Ichimbiṟenyi Mndumii, nyo matorito hake hose, Nyo waṟundi wake mokewuta ikunda lyake.

SHIIMBO SHA DAWIDI 18:8

Mbuo tsake tsikawuta mtsu, Modo fukawuka dumbunyi lyake fukalya, Okaa lukaatso nyifo.

SHIIMBO SHA DAWIDI 50:3

Ruwa odu nyiakeri icha alatsia, modo fochilya oshangunyi loke, masinanu hang'anyi hadihina mnu, hechimṟingichia njora tsose.

SHIIMBO SHA DAWIDI 68:17

Magari ha Ruwa nyi shiku makumi hawi, shiku na shiku; Mndumii nyai kiidi kyako chando awei Sinai handu haele.

YESAYA 30:27

Ambuya rina lya Mndumii liicha liwuka kuleshe mnu; liaka kui nyashi yake, kui mtsu funga'nyi fuida huye; dumbu lyake liichuo nyashi, na olimi loke nyi modo fo orumatso;

YESAYA 30:33

Kipfa Tofethi injiṟeheṟe wokia kacha, ee, injiteseheṟe ko mangi-cho; naihaluye ing'anyi, ihenda wanda mnu; handu hake hekoṟia nyi modo na ngu tsifoi; mṟufu fo Mndumii, cha modo fo kibiriti, fokeatso.

DANIELI 12:1

“Kiheri kyo Mikaeli nechihoṟoka, mnene o ngapano nahoṟoke ora lo wana wa wandu wako; kochiwa kiheri kya wukiwa wulalemewono wokia mbooko itane kiheri kyo, na kiheri kyo wandu wapfo wechikiṟo orio umu echiwono amṟehiye kiidi kya kitapu kilya.

DANIELI 7:22

mṟasa kacha mmeku chu o maaka ifoi, na waele wa ichu o huye wadumbuyo mondu na maheri ha haafukia waele wakaitoṟia na iwada wumangi.

DANIELI 7:26

Kya indi mdumbuye fochiwiko, nasoko wuitoṟi woke, na iwudetsa na irumatsa mlungana.

ZEKARIA 14:5

Nyo nyi mochidicha muide pichinyi, kiidi kya mafumvu hawi ha Mndumii-Ruwa. Mochidicha cha waku wanu waledicha kiding'ashi kiheri kilya kya Mangi Usia o Yuda, kyasia Mndumii-Ruwa, Ruwa oko nechicha na waele wake wose piu.

MATAYO 25:31

“Kyaindi ilindi Manomndu echicha ai na wusumuhanyi woke arianyi na wasu wake wa kulya ruwehu wo wose, nalyo echidamya ipfo loṟike-hu lo wusuṟi woke.

NGUMBUO YA MAWAWASO 33:2

Mndumii-Ruwa nalecha awuka fumvuhu lya Sinai, naleluchea awuka fumvuhu lya Seiri; nalewaa awuka fumvuhu lya Parani. Nalecha kiidi kya shiku sha wamalaika, na modo fuweaka owokonyi loke lo kulyo.

WAEBRANIA 1:14

Chi wai mumuyo yaṟunda wose iii-mme yeekyana na walya wai wateṟie okiio kyoṟa kyawo?

WAEBRANIA 12:22

Kya indi nyo momshika itikiria fumvu lya Sioni na mṟi fo Ruwa menyi moo, nyifo Yerusalemu ya kiruwehu na matorito ha wasu waele halawa italo.

YUDA 1:14

Indi kyawo na Enoki mku chu o mfungade wokia Adamu alemaa ideda kui Mumuyo kehamba. “Ambuya Mndumii nechicha arianyi na malaika wake wai matorito ha shiku ikumi ikumi.

OTAMBAHALUO LO YOHANE 11:18

Mkambo ya wandu ikarihinyika kukacha nyashi yapfo na kiheri kyeanduya wapfu. Na yenengya masinga hapfo wuṟundi nyiwo waikimbi wapfo; na waele na weowuo rina lyapfo walya watutu na walya wang'anyi, nkyo kiheri kyerumatsa warumatsi walya wa wuyana wu.”

OTAMBAHALUO LO YOHANE 5:11

Naho ngaambuo, ngaicho ṟu lya wamalaika wafoi mnu, ipfo kundo kuṟingichie loṟika lulya lo wuitoṟi na maṟimu halya na wameku walya. Na matorito hawo haweshikye shiku ikumi ka shiku ikumi na shiku kashiku.