DANIELI 6:8 - Bibilia Kui Mdedie fo Kimochi

⁸ Wulalu iyo mangi wika iwawaso lyo nowewikaho na mṟeho fo kichano kulawode miilacho chando kisumuhanyie so Wamedi na Waajemi kilailachike.”

DANIELI 6:8 Iomraidhean Croise

ESTA 1:19

Ko ikyo iyo mangi kokunda - wawasa nakamu ke Vashti nalashike se oshangunyi lopfo. Iwawaso li liṟehiyo kiidi kya mawawaso ha Persia na Media, kundu lilailacho. Kiidima nasoko kidembo kya mkamangi, kiinengio mndumka ungi awaṟi kota.

ESTA 3:12

Kyasia, mkonu fo ikumi na kaṟaṟu fo meri fo kuwoka Hamani kalaha waṟehi wose wa mangi, kawainenga mbonyi iwaṟi isungusio kui mdedie fo orio umu na kui mṟeho kiidi kya wumangi wo nduma kudiko ndumi tso tsiṟehie kose ko wachili wa isanga na isanga shose, na ko wanene wa shishari shose, tsiwode shishomo shose shekededo. Mbonyi tsi tsinjiwute kui rina lya Mangi Ahasuero na ikapo ofano loke lui nyi rachi yake.

ESTA 8:10

Kaṟehia kui rina lya mangi Ahasuero, na itsikapa ofano kui rachi ya mangi. Walya waletsiduo nyi waringi, waledoya frasi tsiwode pfinya na njiangu iwikia mteeṟa.

ESTA 8:3

Esta kadeda se na mangi, kakukumba wanda madendenyi ha mangi, kechifuha, katerewa mangi nakange makusaṟo halya mawicho ha Hamani Mwagagi aweṟeheṟie kya Wayuda.

ESTA 8:8

Wulalu mochiidima iṟehia Wayuda kyose mukundi. Kake, mochiidima iṟehia na kui rina lyako na ikapa ofano lo mangi kipfa kulawode mndu moilacha mṟeho fui kui rina lya mangi na ofano loke.”

SHIIMBO SHA DAWIDI 94:21

Kekeṟinjawia mrima fo mndu o wusumhanyi, na ianduya samu ilawode mti.

YESAYA 10:1

Ochia lowo wewika mawawaso halai lohi, na waṟehi weṟehia madedo ha wukahari;

DANIELI 5:28

PERESI, wumangi wopfo wohawukana, wukainengo, Wamedi na Waajemi.

DANIELI 6:12

Wakahenda ko Mangi na imdaaya mbonyi tsilya tsa kishingo wakambia: “Iyo mangi chi kulewika kishingo kiwode na kichano kyapfo ke kusie mkonu makumi haṟaṟu (30) kulawode momu mndu ose nalaterewe ruwa ma uhya ma uhya shile kopfo iyo mangi na mndu motehya nechikumbo ṟungunyi lya miiso?” Mangi kahaluo kahamba, “Ee da chandu wuwawaso wo Wamedi na Waajemi wulechiwa iilacha.”

DANIELI 6:15

Wandu walya wakawada chila lya kawi wechiwia mangi - mmanye nyi idedo lilechiwa iilacha kui wuwawaso wo Wamedi na Waajemi kishingo nyi kishingo na iwawaso lya mangi liindio.

MATAYO 24:35

Kulya ruwehu kukae kunyamaṟike na kunu orukenyi, kyaindi madedo hako hawode mandi hechinyamarṟikapfo.”