DANIELI 6:26 - Bibilia Kui Mdedie fo Kimochi

²⁶ Inyi ngawika iwawaso kiidi kya wumangi woko ke: Wandu wose waowuo Ruwa chu o Danieli: ‘Kipfa o nyi Ruwa menyi moo mokaa mlungana, wumangi woke wulamanda wuitoṟi woke wo mlungana.

DANIELI 6:26 Iomraidhean Croise

EZRA 1:3

Mndumii-Ruwa nakae hamu nanyo mose nyo mui wandu wake. Nyi kimbaṟi nyo mutsuhee se wuhenunyi mui wandu wake muhende Yerusalemu, muhende iwika wuhya Hekalu lya Mndumii-Ruwa o Waisraeli, Ruwa nekeindiyo kulya Yerusalemu.

EZRA 7:21

“Na inyi mangi Artashasta ngawawasa ko weambuya fesa wose wa oruka lo ora lo kyukanyi lo meda fo Eufrate kindo kyose echikikunda Ezra mlosha o mawawaso ha Ruwa chu o ruwehu mumnenge kulawode itaṟi.

SHIIMBO SHA DAWIDI 119:120

Mbihu foko fuidedema kya ikuindia Iyo, na inyi njiowoye mdumbuye yapfo.

SHIIMBO SHA DAWIDI 146:10

Mndumii nechiikolonyia mlungana, Ruwa opfo, Iyo Sioni, marika na marika. Haleluya. Ichikyenyi Mndumii.

SHIIMBO SHA DAWIDI 2:11

Ṟundienyi Mndumii-Ruwa kui wuhoṟotsu Kyesenyi na idedema.

SHIIMBO SHA DAWIDI 29:10

Mndumii nyi aledamya huya mfu fung'anyi Ee, Mndumii nyi adamye cha mangi mlungana.

SHIIMBO SHA DAWIDI 42:2

Mrima foko nyi fui fuangari kipfa kya Ruwa, Ruwa ainamoo, nyi indi njechicha njiwono oshangunyi lo Ruwa?

YESAYA 66:2

Owoko loko nyilo lulewika ishi shose, shindo shi shikawutika Mndumii ahamba; kyaindi mnduchu nyio njechimwambuya, mndu ai mfafa, awode ngoo ikunyiiṟie, ichu ekeicho idedo lyako kaliowuo.

YESAYA 9:7

Kiheri kya wuitoṟi woke na ofoṟo, shechimanda manya le-pfo. Kiidi kya loṟika lo wuitoṟi wo Dawidi na wumangi woke. Iwuikara na iwuhoṟotsa Kui mwanduye na kui wulohi, Wokia wulalu itane mlungana. Wunyenyi wo Mndumii menyi Matorito wochiwuta wudo.

YEREMIA 10:10

Kyaindi Mndumii nyi Ruwa o lohi, nyi Ruwa menyi moo o mlungana, nyashi yake yededemisha wuyana, wandu wa mkambo, wechiidima ikarishia nyashi yake pfo.”

DANIELI 2:44

Maheri ho ha wamangi wo wose hakamsia Ruwa o ruwehu nechihoṟotsa wumangi wungi wulechimanda mlungana wochiwa isembelia pfo, na kuwode wandu wechiwudeeyo-pfo, kipfa wochifunja-funja mangi tsingi tsose nawo wuitoṟie mlungana.

DANIELI 3:29

Wulalu ngawika wuwawaso ke mndu oose o wumangi woko icho echideda idedo lilawaṟi lya Ruwa o Shadraki, Meshaki na Abednego, wechimanyo manyo o na mba yake iwe handu hekumba mambosha; kipfa kulawode Ruwa ungi echiidima ikiṟa adi.”

DANIELI 4:3

Shichano shake nyi shing'anyi na maṟiho hake nyi ha kilula, wumangi woke nyi wo mlungana; na wuitoṟi woke nyi wo marika hose.

DANIELI 4:34

“Lyefurumia maheriho, inyi Nebukadneza, ngairia meso hako ngaambuya ruwehu, mahio hako hakawa kufui na inyi; ngaidapfuma Ruwa chu ai Huye. Ngamwaana ngamṟumisha Ichu ai na moo mlungana: ‘Kipfa wuitoṟi woke nyi wuitoṟi wo mlungana, na wumangi woke nyi wuitoṟi wo mlungana, na wumangi woke wulamanda kishari na kishari;

DANIELI 6:20

Ai kufui nashike; kafihiṟa na isokio mfowa kya Danieli Mangi kawia Danieli, “Oo Danieli mṟundi o Ruwa menyi moo, a ngesa Ruwa chu opfo okemṟundia mfiri yose akukiṟa na miiso yo?”

DANIELI 7:14

Nao kainengo wuitoṟi na kiṟumi na wumangi, kundu wandu wa mbaṟi tsose, na mkambo yose, na shishomo shose wamṟundie, wuitoṟi woke nyi wuitoṟi wo mlungana; wulechikaa wuide, na wumangi woke nyi wumangi wulechiwa irumatso.”

DANIELI 7:27

Na wumangi na wuitoṟi na wunene wo wumangi iya wuyana wechiinengo wandu waele wa ichu o huye, wumangi woke nyi wumangi wo mlungana na wose wengi waitoṟi wechimṟundia na imiindia.’

HOSEA 1:10

Kyaindi wandu wa Israeli wechifo cha msanga fo ipalyipalyi, sa fulechiidima ihesho ma iitalo. Wulalu Ruwa nakeri muwia, “Nyo chi wandu wako-pfo,” kyaindi kuwode mkonu fuicha sa echimuwia, “Nyo nyi wana wa Ruwa ai Huye!”

MALAKI 3:6

“Kipfa inyi Mndumii njekeweṟukaweṟukapfo; nkyo kitewe mularumatso, nyo wana wa Yakobo.

MATAYO 6:13

Ma ulaluduo kitewionyi indi ulukiṟe shindo shiwicho!

LUKA 1:33

Nao nyi echikaa ai mangi ya oshari lo Yakobo mlungana, ma wumangi woke woikaa wudumbukepfo!”

LUKA 12:5

Kyaindi njimloṟe sa mochimwowuo; owuonyii ulya echiidima iwaha, numa awewode-se pfinya yemkumba kulya modonyi, Ee, ichu nyiio ngamuwia; muowuonyii!

MAWUTO HA WASU 17:25

Ma echiwa ipfuṟukanyo nyi mawoko ha wandupfo cha ili awewuṟye kindo ma kimu. Cha kipfa nyio ainenga wose moo na yomuo mumuyo na shindo shose pyu.

WAROMA 9:26

Na mwikimbi ipfo kundo wawekewio, Nyo mukeri wandu wakopfo mpfondo wechikaa wasendo wana wa Ruwa menyi-moo.”

NGUMBUO YA MAWAWASO 5:26

Ngesa! Nyi mndu o mbaṟi njiki alemeicho Ruwa menyi moo kechideda kuwuka kiidi kya modo chando so loicho numa kawekaa na moo?

1WATESALONYIKYE 1:9

Kipfa wekehamba wa wenyi kyadu njia lulemwitso nayo ipfo konu nyi nki, na chando mulemhalukya Ruwa momlehana na mfano iya muwe mochipfuṟukanya Ruwa menyi-moo ai o lohi.

WAEBRANIA 12:29

Kyamba Ruwa odu ai modo fuilya fochimaa.

YAKOBO 1:17

Orio kisumbo kyose kii kicha, orio kinego kyose kii kya sungusihu kichee huye, kisokie kyechiwuka ko Wande mowika sa tsose. Na ipfo koke kuwode ma mhaluye mliwe manya mṟishe mangu fo masehyanopfo.

OTAMBAHALUO LO YOHANE 11:15

Na msu ulya mwele o mfungade kakapa ombe. Kukaamka maṟu hededa hang'anyi ipfo ruwehu hakahamba, Wumangi wo wuyana wu womba wo Mndumii odu na wo Kristo oke. Nao echiwa mowuikolonya maheri hose ha mlungana.

OTAMBAHALUO LO YOHANE 4:10

Mandi na halya wameku walya makumi hawi na waana waolokya wanda ichu adamye loṟike-hu lulya lo wuitoṟi wakahonerya ichu ai menyi moo fo mlungana wechileṟya oṟo tsawo wanda oshangunyi lo loṟika lulya, lo wuitoṟi na ihamba:

OTAMBAHALUO LO YOHANE 5:14

Na maṟimu halya haana hakahamba, Amenyi. Na wameku walya wakamwolokia wanda wakamhonerya, wakamwindia.

1SAMWELI 17:26

Dawidi kawesa walya wawei kufui nao, “Ngesa, mndu echiwaha Mfilistichu na iwuta Waisraeli wusutsu wo mbaṟi ii nechiinengo kiki? Nyiu Mfilistichu mndu alamdine, akaria iruma machekeṟo ha Ruwachu menyi moo?”

1SAMWELI 17:36

Inyi mṟundi opfo njilemewaaha mwiso ifoi na ngaṟe tsifoi. Wulalu ma Mfilisticho alamdine msa alemeruma machekeṟo ha Ruwa menyi moo, nechiwa chaho.