DANIELI 6:22 - Bibilia Kui Mdedie fo Kimochi

²² Ruwa oko naleduma wamalaika wake wakawada madumbu ha miiso ilanjiwutie ma kindo; kipfa kuwode kindo njilenyamaṟa ma kya mtambopfo mangi, ma oshangunyi lopfo pfo.”

DANIELI 6:22 Iomraidhean Croise

MAWOOKIONYI 40:15

Kipfa kya lohi njileiwo kuwuka orukenyi lo Waebri; manya iya daa njiwutie kindo kyose kiwicho tane wanjiwika kipfungonyipfo.”

2SAMWELI 22:7

Kyaindi wukiwenyi woko ngalaha Ruwa; Nao akeri hekalunyi lyake kaicho ṟu lyako, Kifihiṟo kyako kikashika madunyi hake.

1WAMANGI 13:28

Kahenda, kawona mnying'a fulya fukumbe omongonyi, na nzoi na muiso tsihoṟoki kufui na mnying'a. Muiso fulelya mnying'a ma ipaaya nzoi iya-pfo.

2MBONYI TSA MAHERI 32:21

Nao Mndumii-Ruwa kaduma msu, kahenda iarisia kuleshe malemali ha ngoru, wanene na wasongoru wawo kiidi kya kiṟaṟo kya mangi o Ashuru. Kyasia, mangi o Ashuru kawuya na kanyi koke awodo nyi sonu. Na kiheri aleida na mba ya ruwa oke, maata ha wana wake wakambaha oweṟe ko oshu.

SHIIMBO SHA DAWIDI 118:28

Nyi Iyo Ruwa oko, na inyi njechikuana, Nyi Iyo Ruwa oko, na inyi njechikuadapfuma.

SHIIMBO SHA DAWIDI 26:6

Njechisanja mawoko hako ndawade mti, Na itengeta rasio lyapfo, iyo Hoi Mndumii.

SHIIMBO SHA DAWIDI 31:14

Kyaindi inyi na kopfo Iyo njikusirie Mndumii; Ngahamba, “Iyo nyio Ruwa oko!”

SHIIMBO SHA DAWIDI 34:7

Malaika o mndumii nekewika kiacho, kechitengetia wamkundi na iwakiṟa.

SHIIMBO SHA DAWIDI 38:21

Iyo, Mndumii, ulanjide, Ruwa oko, ulakae haleshe, na inyi.

SHIIMBO SHA DAWIDI 84:11

Kyamba Mndumii, Ruwa, nyi mnengeṟi na ngawo, mndumii nechilekia osaṟio na Kiṟumi, echiwaima kindo kichapfo, iwo wekechumia kui wusumhanyi.

YESAYA 3:10

Wienyi wenyi wusumhanyi ke wechiwa nanga, kipfa wechilya ndunda tsa mawuto hawo.

YESAYA 63:9

Kiidi kya mawukiwa hawo hose aleduma ma malaika mowakiṟapfo; Nyio amonyi alewakiṟa; kawakiṟa kawaira kawaduo tete mafiri hose wokia kacha.

YEREMIA 37:18

Kiidima Yeremia kawesa mangi Sedekia, “Kiki njiledeko ang'u ngadekio waṟundi wapfo ang'u wandu wapfo, itane onjikumba kipfungonyi?”

DANIELI 3:28

Nebukadneza kahamba, “Naṟumisho Ruwa o Shadraki, Meshaki na Abednego; ichu aleduma Malaika oke kakiṟa waṟundi wake wakumsirie, iwo waleilacha idedo lya mangi, wakawuta mbihu yawo ilasingie maruwa hengi shile Ruwa owo wawenyi.

DANIELI 6:20

Ai kufui nashike; kafihiṟa na isokio mfowa kya Danieli Mangi kawia Danieli, “Oo Danieli mṟundi o Ruwa menyi moo, a ngesa Ruwa chu opfo okemṟundia mfiri yose akukiṟa na miiso yo?”

DANIELI 6:23

Mangi kekiicho ado kachihiyo mnu kawawasa Danieli nawuto kulya mrumenyi fo miiso. Kawutopfo nalawono ma kifaṟe mbihunyi foke, kyamba nawekusirie Ruwa oke.

DANIELI 6:4

Kyasia walya wawewawike wesongoya wengi wakashiha mnu chandu wechiwika kundu Danieli nawuto iṟundenyi lyo lya mbonyi tsa wusongoru; indi walaidime immbonyia mti; kyamba nawei mhendeli nalawade kindo awewutie kya mtambo.

DANIELI 6:7

Wasongoru wose wa mangi na watarami na wachili na wai wanda yawo walewika chila handu hamu kundu kochiwiko iwawaso lya wumangi; kulawode momu fo mndu ose echiterewa ko Ruwa ungi shile nyi kopfo iyo Mangi, handu ha mkonu makumi haṟaṟu (30). Ichu motehia nechikumbo ṟungunyi lya miiso.

MIKA 7:7

Kyaindi inyi njikusiria Mndumii-Ruwa, njiwedia Ruwa ai monjikiṟa; Ruwa oko nechinjiadanyia.

MAITALA 20:16

Lulefuhia Mndumii-Ruwa, nao kaicho kieṟeṟo kyadu, kaludikia malaika aleluwuta Misri. Wulalu aichu lukeri iya Kadeshi mṟi fui mṟasenyi na oruka lopfo.

MATAYO 27:46

Kukeri kufui na saa kenda Yesu kalaha na ṟu ling'anyi kehamba, “Eli Eli lama sabakitanyi?” Kii cha ili kehambo, “Ruwa oko, Ruwa oko, nkili onjidea?”

MAWUTO HA WASU 12:11

Nahong'u Petro kekikupang'kyaho necha kahamba, “Wulalu ngamekumanyang'u kya lohi ke Mndumii nyio amduma malaika oke kanjiletsa owokony lo Herode na owedo lo wandu Wayuda lose.”

MAWUTO HA WASU 24:16

Nakyo nyikyo kyannenga njikuitike inyi njimonyi njikae na ngo tsa mrimenyi tsii njihoṟotsu sumuhana na Ruwa na wandu kya orio shindo shose.”

MAWUTO HA WASU 27:23

Cha kipfa kio kya inu malaika o Ruwa chu inyi njii mndu oke nao nyio njekemṟundya alenjichea.

2 WAKORINTO 1:12

Kyamba kiṟumi kyadu kii-kiṟingishye nyi ngo tsa mrima tsadu tsihoṟoki nyi kikeri kii-le, ke nyi luwehendekye iya wuyana kui wutambachu na wuharami wuwukye ko Ruwa, chi luweṟanguo mbari nyi kiwandufo kya indi luwewodo nyi wutonga wo Ruwa, na wandu lulewakaya ludi kya wueṟa nyiwo nyo.

2TIMOTEO 4:17

Indi Mndumii alenjikaya-ho kanjikapya owanzo. Iki kileenenga ngaidima ionguo mwongoye fuhende imariso necha wamkambo wakafuicho wose, na inyi ngaashuka ianduyo lya opfu.

WAEBRANIA 1:14

Chi wai mumuyo yaṟunda wose iii-mme yeekyana na walya wai wateṟie okiio kyoṟa kyawo?

WAEBRANIA 11:33

Wonyiwo walelaṟa maumangi kui wuidiki wakaende wusumhanyi, wakashika ikoya shilya shileteṟyo wakapfunga madumbu ha miso.

1SAMWELI 17:37

Mndumii-Ruwachu alemenjiashuo kiidi kya manjaa ha miiso na shisii, nechinjiashuo kuwuka mawokonyi ha Mfilistichu.” Sauli kambia, “Kuhendie; nao Mndumii-Ruwa nakae na iyo.”

1SAMWELI 26:18

Kaengeṟa ihamba, “Kyaindi nki ilyi iyo mndumii oko uinjiṟinjawia inyi mṟundi opfo? Nki ki njilewuta? Nyi wuwicho wuki njilekuwutia?