DANIELI 6:20 - Bibilia Kui Mdedie fo Kimochi

²⁰ Ai kufui nashike; kafihiṟa na isokio mfowa kya Danieli Mangi kawia Danieli, “Oo Danieli mṟundi o Ruwa menyi moo, a ngesa Ruwa chu opfo okemṟundia mfiri yose akukiṟa na miiso yo?”

DANIELI 6:20 Iomraidhean Croise

MAWOOKIONYI 18:14

Nyi idedo lihya lii liumu lyelema Mndumii-Ruwa? Kiheri kyo njechiwuya na konu, kiheri ki iki maaka fochicha, na Sara nechiwona mana o womi.

1MBONYI TSA MAHERI 16:11

Walienyi Ruwa na pfinya tsake, Walienyi kyamu kyake maheri hose.

SHIIMBO SHA DAWIDI 119:112

Njileṟungamisha mrima foko, njiawutsie mawawaso hapfo, mlungana, ee da, tane mlungana.

SHIIMBO SHA DAWIDI 146:2

Njechiṟumisha Mndumii kiheri njii na moo, njechimbia Ruwa oko ili njii na moo.

SHIIMBO SHA DAWIDI 73:23

Indi inyi njii na iyo kiheri kyose, nonjiwode na kuwoko kopfo ko kulyo.

YEREMIA 32:17

Hoi Mndumii-Ruwa, nyi iyo kumonyi kwi pfinya tsapfo tsing'anyi na wuidimi wopfo, kulewumba ruwehu na oruka.

DANIELI 3:15

Wulalu munjiwie kokoya mukusungusie wokia wulalu muteṟie ke mukaicho iranda na mtoṟiṟo na shinada na njonyi tsikapo mochiho wanda na kyaamu na iindia ruwa oko na sanamu yako ya sahabu ndeihoṟotsa. Kokoya mulateṟia ikyo na iwuta mudo, mukaengeṟa iumiṟa ngoo tsanu, nyi kya lohi mochikumbo kulya ṟungunyi lya modo foaka a nyi Ruwa uhya icho echimukiṟa na owoko loko na modo fo?”

DANIELI 3:17

Kokoya nyi wudo, Ruwa odu ichu lokemṟundia nyi echiidima ilukiṟa na modo fu focha;

DANIELI 6:16

Mangi kawawasa Danieli kaendo kakumbo ṟungunyi lya miiso. Mangi kadeda kambia, “Danieli Ruwa chu opfo okemṟundia mfiri yose nechikuringa.”

DANIELI 6:19

Ngamenyi kilawo mangi kakure kahenda kulya mrumenyi fo miiso.

DANIELI 6:26

Inyi ngawika iwawaso kiidi kya wumangi woko ke: Wandu wose waowuo Ruwa chu o Danieli: ‘Kipfa o nyi Ruwa menyi moo mokaa mlungana, wumangi woke wulamanda wuitoṟi woke wo mlungana.

DANIELI 6:27

O nekekiṟa na ichiṟa nekewuta ngata tsing'anyi ruwehu na orukenyi, nyi alekiṟa Danieli na pfinya tsa miiso.’”

HOSEA 12:6

Wuyenyi ko Mndumii-Ruwa onu, kuwadenyi na ikunda na wukiilohi, muwekaa mkusirienyi ko Mndumii-Ruwa kiheri kyose.

MAITALA 11:23

Mndumii-Ruwa kawia Mose, “Ngesa! Wuidimi woko womefafaa? Kyasia nochiwonang'u kokoya idedo lyako lyechiwa lya lohi kopfo ang'u ote.”

LUKA 1:37

Kipfa ko Ruwa kuipfo kindo kilemie iwutapfo.”

LUKA 18:1

Kawawia ifano lyehamba, n'kimuwaṟi iterewa kitsitsi mlechilemo.

MAWUTO HA WASU 6:4

Natso lukae-ho lochiringa shiterewo na ipfuṟukanya idedo lilya.”

WAROMA 2:7

Iwo watsinda wewuta kilya kii kicha wepfula moo fo mlungana echiwaenenga wuitoṟi na kiṟumi na moo fulechisia.

2 WAKORINTO 1:10

Nyio aleluletsa ndenga ya opfu luwicho ludi na iletsa echiletsa. Nyio luwekumsirie ke echiengeṟa ilutetsa.

WAKOLOSE 4:2

Mutsinde kiterewyonyi; mulae nakyo chowe mochiaana Ruwa.

2TIMOTEO 1:12

Nakyo kyatewa ngaliso wukiwa wo isho. Indi ngapfia kyasho sonupfo, kipfa njichi ichu njimkusirye njii mbanzie imanya ke o awode pfinya yeringa kilya njimsumumbe itane Mkonu fulya fulya.

WAEBRANIA 7:25

Ikyo kyaenenga aidima iwonya iwa waichea Ruwa wakuwawie nao okiio lo mlungana, kipfa ekaa na moo maheri hose mowaterewya-ho.

YAKOBO 1:25

Indi ichu alekulemya wuwawaso-hu wu wusumhanye njora tsose iwu wo ikuachia, o awa mokaika kechiwuambuya, alai moadanya kya ihadima indi ai mtanyi motana kindo lohi-nyio echiwa mosumbo sia ipfo mbutienyi yake.

YUDA 1:24

Indi ichu aidima mringa mulakape mtulia, mulaoloke kaweidima imohoṟotsa ipfo kundo kuwode wuitoṟi woke mukae-pfo mulai na paṟi kochikapyo-ho ngululu.