DANIELI 6:10 - Bibilia Kui Mdedie fo Kimochi

¹⁰ Danieli kekimanya ke mṟeho fometeseheṟo na kichano kyamemaa iwiko, kakuidya na ipfo kanyi koke matiṟisha ha mba yake ha kiṟihenyi haweambuyanyi na Yerusalemu. Kapfira ndi kaṟaṟu orio mkonu kechiterewa na iana Ruwa oke, chandu awekewuta wokia mbooko.

DANIELI 6:10 Iomraidhean Croise

1WAMANGI 8:30

Adanyia shiterewo shako inyi mṟundi opfo na sha wandu wapfo Israeli ili mandi wechiterewa, wahalukie handu ha uicho shiterewo kui kulya ruwehu, komeicho noluhoṟie.

1WAMANGI 8:38

hoi uicho shiterewo sho shose shechiterewo na wandu wapfo, Israeli, ang'u shechiterewo na mndu ose ulya ang'u wandu wose wa Israeli, orio mndu kamanya mhanda fui kiidi kya mrima foke, kakuterewa kechileshia mba i mawoko hake.

1WAMANGI 8:44

“Wandu wakahenda shidenyi ikapana na wakituwa wawo, kui ora lose ochiwaduma, nawo wakaterewa Mndumii kiidi kya mṟi fu kulefusambuṟa na mba ii njilewika kui rina lyapfo.

1WAMANGI 8:54

Kyasia, Solomoni kekimaa iterewa na ieṟeṟia Mndumii-Ruwa, kakure alya rasionyi lya Mndumii-Ruwa handu awepfirie ndi airie mawoko hake huye.

2MBONYI TSA MAHERI 6:13

Solomoni nawesungusie kitaṟa kya aṟeṟa njiiwu kehoṟokia kya rasio, wuleshe na wulandari wokyo nyi mita (2:2), na wuleshe wokyo ko ido huye nyi mita (1:3). Kawika kitaṟa kilya makidi hawi ha kiṟiha kilya kya mbele ya mba kekoyanyia. Kadoya huye yakyo, kaipfira ndi tsake, oshangunyi lo kisanzio kilya kyose kya Waisraeli, katambaṟuya mawoko hake kya ruwehu.

2MBONYI TSA MAHERI 6:38

nawo wakadumbuya ko mrima yawo yose na ngoo tsawo tsose, kiheri wakeri ipfo orukenyi lo wusinga wowo, wakaterewa wachilesha mawoko wechiambuya oruka lulya kuleinenga wasahuye wawo, na mṟi fulya ulefusambuṟa, na hekalu li njilesungusia kipfa kya rina lyapfo,

EZRA 9:5

Lilya mandi saa ya kyukanyi ileshika yehenda iwika kidaso, ngakure alya wanda kundu njiwekuwihitsie, ngaweṟaa nguwo tsako tsirandukie, naiiria mawoko hako ko Mndumii-Ruwa oko njipfirie ndi ngamterewa njechihamba,

NEHEMIA 6:11

Na inyi ngakuwesa mrimenyi foko, “Ngesa mndu cha inyi na kinjiwaṟi idicha? Ngesa mndu cha inyi na kiwaṟi idichia mba ya Ruwa kundu njikae na moo? Ambuya njechiida na hekalunyi manya le pfo.”

SHIIMBO SHA DAWIDI 34:1

Njechikuṟumisha orio kiheri iyo Mndumii, kiṟumi kyapfo kii dumbunyi lyako mlungana.

SHIIMBO SHA DAWIDI 5:7

Indi inyi kui isaṟia lyapfo ling'anyi, Njechiida na mba yapfo; Na ikuadapfuma kui mrima. Sumhana na hekalu lyapfo liele.

SHIIMBO SHA DAWIDI 55:17

Kiukanyi, ngamenyi, na mfiri njechifihiṟa na isumkia, nao nechiicho ṟu lyako.

SHIIMBO SHA DAWIDI 86:3

Iyo, Mndumii, kyenjiṟihika, kyamba njikueṟeṟia Lyo mfiri puti.

SHIIMBO SHA DAWIDI 95:6

Kenchonyi luichike luichimbiṟe, lupfire ndi oshangunyi lo Mndumii aleluwumba.

DANIELI 6:13

Nawo wakahaluo wakawia Mangi, “Ambuya Danieli ulya ai umu o wana walya walesamiṟo o Yuda ekekuindia pfo mangi ma akuwonyi iyo nyi kindopfo mangi kishingo kilya nalekimina kuchu. Ambuya neketerewa kaṟaṟu mkonu fumu ikyo shila nyi imina Mangi nyi kiki?”

DANIELI 9:4

Ngaterewa Mndumii-Ruwa oko, ngatocha wunyamaṟi, ngahamba: “Iyo Mndumii-Ruwa, Ruwa ung'anyi, nooweshie, okewada mkundana na osaṟio ko walya wakukundi na iringa mawawaso hapfo.

YONA 2:4

Na inyi ngahamba, ‘Njimkumbe haleshe na meso hapfo,’ Indi njechiambuya njii sumhana na mba yapfo njele.

MARIKO 3:3

Nao Yesu kawia mndu ulya akachukye owoko, “Kure nokucheie na a makidi hawi.”

LUKA 14:26

“Mndu kacha na koko, alasuo ndee na mae na mka na wana wake na wanawamae wa kyumi na wa kika na mrima foke amonyi, echiidima iwa mloshe okopfo.

LUKA 22:41

O kahenda kyaada, handu ha mkumbie fo songoṟo, kapfira ndi, katerewa kahamba,

MAWUTO HA WASU 10:9

Kyasia ili lya ngama ili walya warie njia yehenda napfo washikye kufui na mṟi fulya Petro kado na ipfo kitaangehu kya mba ihenda iterewa-pfo Ruwa ili saa ya kaṟandaṟu ya mfiri.

MAWUTO HA WASU 2:15

Chi wudo chando mokusaṟapfo; wandu wa chi wanangopfo, kyamba wulalu nyi saa tsiṟaṟu tsa ngamenyi.

MAWUTO HA WASU 20:24

Kya indi njiiringa moo foko fuwembiia mlodopfo. Kilya njiiringa nyi kingi, nyi kundu njekaa njikumarisye ohendo loko lo kipfuṟukanyo kilya njii mdambikye nyi Mndumii Yesu kyeṟingishya ndumi njicha ya wutonga wo Ruwa.”

MAWUTO HA WASU 20:36

Kekiidima ihamba ado kapfira ndi katerewa nawo wose hando hamu.

MAWUTO HA WASU 21:5

Loikimaa iinutsya mafiri halya lukakure lukahenda. Na wandu wose handu hamu na waka na wana wawo wakaluimya lukatana loshika mbele ya mṟi lukapfiria ndi alya mbai ya ipalyipalyi lochiterewa.

MAWUTO HA WASU 3:1

Mkonu fumu Petro wakadosana na kulya hekalunyi na Yohane saa kenda mandi kochihenda iterewo.

MAWUTO HA WASU 4:29

Kyasiang'u hoi Mndumii, keambuya wo wulalu shiowesha shawo, notarame masinga hapfo, wadede idedo lyapfo wai na wukesi.

MAWUTO HA WASU 5:20

“Hendenyi muhoṟoke hekalunyi muwie wandu madedo ha hose ha moo fu.”

MAWUTO HA WASU 5:29

Petro kimu na wasu wakahalwo wakahamba, “Nyi kiwaṟi iindya Ruwa kota wandu.

MAWUTO HA WASU 7:60

Kapfiria ndi kalaha na ṟu ling'anyi kahamba “Hoi Mndumii! Ma kulawapfungiṟye-wo wunyamaṟi wu!” Kekihamba ado donyi kadonyikya madonyi kapfa.

MAWUTO HA WASU 9:40

Kyasia Petro kawafuna-ho wose kapfiria ndi katerewa aindukye mnying'a fulya kahamba, “Tabita kure!” Nao katambaṟuo meso hake kekiwona Petro kakuira kadamya.

WAEFESO 3:14

Nkyo kimaduma mkundie fo Kristo ngapfira ndi tsako oshangunyi lo Wande.

WAFILIPI 1:14

Na wanawawama wafoi-ho wakuwanzie na Mndumii wakaitika ikarya wechionguo dedo lya Ruwa kipfa kya ipfungo lyako walai na wuowu.

WAFILIPI 1:20

Kilya njikilangye ipfo ngoonyi kekusihya kyakyo kikeri kii-le ke, njilawone njechisuka manya-le, kya indi njikae na wukahari chando njiwei shiheri shose njiwe njido na wulalu, kundu Kristo nakuwutie-ho ihenda ṟumisho ipfo mbihu koko likawa ma kui moo fofo ma kui opfu lofo.

WAFILIPI 4:6

Mulakuinadye kya kindo ma kida, indi shilya mushiwuṟye muwe moshisendya Ruwa kui wuindi na kui kifuhyo na kui mwaano.

WAKOLOSE 3:17

Na orio kindo muiwuta kui ideda ma kui iṟunda mukiwute mochisenda-ho rina lya Yesu Mndumii mowikya Ruwa Wande mwaano na mweke foke.

WAEBRANIA 13:15

Lutsinde lochidambikya Ruwa odambiko lo mwano fochiwa lui nao fui momu-hu yechiichika rina lyake.

WAEBRANIA 4:16

Ikyo kiluenenge luitikirie kidembo kilya kya wutonga lui na wutumbe, kundu luambye-ho osaṟio luweshika ikoya-pfo wutonga woluendie ngaya yetambachuo liwe lya heri.

OTAMBAHALUO LO YOHANE 2:10

Ma kulaowuo manyale ishi shekuendie iwawyo. Ambuya! Mbicho ulya nakundi ikumba wanu-ho maata kipfungonyi kundu muhende ihesho. Nanyo mochihenda iliso wukiwa mfiri ikumi. Wenyi wahendeli mtaane mopfa na inyi njechimuinenga aambo lya moo.

OTAMBAHALUO LO YOHANE 2:13

Njiichi handu okekaa, nyi alya kidembonyi kya Satana. Kya indi iyo ukuwodie na rina lyako kowekaa kulawekana wuidiki wonjiidikya ma ilindi Antipa, mringishi oko sa mhendeli aleshika iwoho ipfo kidembonyi kya Satana.