DANIELI 5:23 - Bibilia Kui Mdedie fo Kimochi

²³ Kokuirinyisha oshangunyi lo Mndumii-Ruwa o ruwehu; mkaende shombo shilya shele shikaendo na mmbenyi yapfo mukanyo nasho iyo na wanene wa mkambo, na waka wapfo na shitonga shapfo, mokiidima mukaṟumisha maruwa hanu ha wongo ha sahabu na fesa na aṟeṟa, na ha mashidi na ha maho; halekewona manya iicho, na halaichi idedo lyose na Ruwa ulya mṟufu fopfo fui kuwokohu koke na njia tsapfo nyi tsake ulakunde imṟumisha.

DANIELI 5:23 Iomraidhean Croise

MAWOOKIONYI 14:19

Kammbikia mboṟa, kahamba, Abramu nakewikio ona nyi Ruwa ai huye mnu, mowumba ruwehu na oruka.

MAWOOKIONYI 2:7

Mndumii-Ruwa kawumba mndu kui kilulyi, kamwifilia mṟufu fo moo mbuonyi; mndu kawa kindo kii na moo.

2WAMANGI 14:10

Wulalu iyo Amazia nolewinza Waedomu na mrima fopfo fukakudosa na kiṟumi kyo kyapfo nokae kanyi kopfo, nkiki oshiha wukiwa wochikurumatsa iyo na wandu wapfo wa Yuda?”

YOBU 12:10

Moo fo orio kii na moo fui mawokonyi hake, na wudo na mṟufu fo mndu o wandu.

YOBU 31:4

Aka-le, o awonyi ohendo loko, na-iitala ndifo tsako tsose?

SHIIMBO SHA DAWIDI 104:29

Iyo nokeṟika kyamu kyapfo, nawo wakawuko nyi madima; nokewutaho mṟufu fowo, wakapfa, na iwuuya kilulyi kyawo.

SHIIMBO SHA DAWIDI 115:16

Ruwehu nyi ruwehu ya Mndumii, indi oruka naleinga wandu.

SHIIMBO SHA DAWIDI 139:3

Kuleela ichumia lyako na ilaa lyako, noichi njia tsako tsose.

SHIIMBO SHA DAWIDI 146:4

Mṟufu foke fokewuka, nekewuya teri yake, mfiri fo mahiyo hake hekedeka.

MFANANO 20:24

Ohendo lo mndu luwukie ko Mndumii; Wulalu nyi uda mndu echiidima imanya njia yake?

YESAYA 13:11

Na inyi njechisesa wuyana kipfa kya wuwicho wowo, na wunyamaṟi kipfa kya wukika wowo, Njechiwika mtsitsioni fo sia na wusuṟi wo wenyi orikiki; njechiombotsa wanda wose wekushela na walang'a.

YESAYA 14:13

Iyo kulehamba mrimenyi, njechido mṟasa ruwehu, Njechiira kidi kyako huye kota nyenyeri tsa Ruwa. Inyi njechidamia huya fumvu lya chila tsa maruwa, Njora tsa mtsitsioni tsa mtsudu.

YESAYA 2:12

Kipfa kechiwa mkonu fo Mndumii menyi Matorito, huye ya wandu wose wenyi orikiki na ikushela, na huya wose wakuirie; shose shechiolotso wanda.

YESAYA 33:10

“Kyasia wulalu njechihoṟoka; Mndumii ahamba; wulalu njechikure; wulalu njechikuṟumisha Inyi njimonyi.

YESAYA 37:19

na ikoṟa maruwa hawo modonyi; kipfa iwo wawei maruwapfo, indi nyi waiwawike kui mawoko ha wandu; wawei mashidi na maho nyikyo kitewe wakawanyamaṟa.

YESAYA 37:23

Nyiu ulemsutsa na imruma? Noiria ṟu lyapfo kou, na iiriya meso hapfo huye? Nko Mwele o Israeli.

YESAYA 42:5

Ruwa Mndumii nadeda, ichu aleumba ruwehu, na itsiala; ichu alela oruka na shilimu shake, ichu ainengie wandu mṟufu wai huyako; ichu moinengia Mumuyo iwo wai kiidi kyake.

YEREMIA 10:23

Njiweichi-daa Mndumii-Ruwa, mndu o wandu awode pfinya huya ohendo loke lo moo-pfo; ma kuwode mndu mosongoya ohendo loke-pfo.

YEREMIA 48:26

“Nanzenyi Moabu kipfa nalekudosa oshangunyi loko Inyi Mndumii-Ruwa. Moabu nechisemberere kiidi kya odaiko loke na wandu wechimseka.

YEREMIA 50:28

“Adanyia! Wadichi na walya walesheṟuka wawuka orukenyi lo Babeli wakeri icha ipfo Siyoni ionguo chandu Mndumii-Ruwa aletaa kiṟache kipfa kya hekalu lyake.

YEREMIA 50:29

“Lahenyi walya welasa na mfi wasaṟikie Babeli; Duonyi orio aichi ikuruo uda. Tengetienyi mṟi kulakae pfo echidicha wokusheṟuo. Taenyi kiṟache kirianyi na mawuto hake hose; muwute chandu mulewutia wengi, kipfa kya orikiki lopfo nyi kulenjimina inyi Mndumii-Ruwa mwele o Israeli.

EZEKIELI 28:17

Ambuya nuwekekushelia wucha wopfo Kowenyamaṟa wulaanyi wopfo Kipfa kya mng'ano fopfo. Ngakuhutsa wanda terinyi ngakutana kowa kindo kesetsa wamangi.

EZEKIELI 28:2

“Iyo mndu! Henda wia mangi chu o Tiro ke inyi Mndumii-Ruwa ngahamba njidi: Iyo nuwode ikudosa mrimenyi Kyamba nyi ulehamba ke iyo nyi ruwa, Ke nyiudamie loṟikehu lo maruwa, Ke nyi ukeri kuleshe ipfo ipalyipalyinyi Kyaindi iyo nyi ukeri mndu o wandu manya iyo ukeri Ruwa pfo, manya chandu ukuwonyi ke nyi uwode wuṟango cha Ruwa.

EZEKIELI 28:5

Kipfa kya wuṟango wopfo kiidi kya mbucha koengeṟa wusuṟi wopfo, Kipfa kya ikyo kokudosa kipfa kya masaa hapfo.

EZEKIELI 31:10

Kipfa kya ikyo, “Inyi Mndumii-Ruwa ngahamba njidi, kyamba iyo nyi ulelesheṟo wuleshi wopfo kiidi kya maṟamba hang'anyi na iyo kokushelia wuleshe wopfo,

DANIELI 11:12

Kameduo wandu walya, mrima foke fochikurinyisha mnu; naweidima iombotsa wandu shiku ikumi (10,000) kyaindi echiengeṟio pfinya pfo.

DANIELI 4:37

Na hong'u inyi Nebukadneza njiadapfuma Mangi ya ruwehu, njimṟumisha, njimuindia; kipfa mawuto hake hose nyi ha lohi, na njia tsake nyi tsa sumuhana; walya wekushela wose nekewasotsa.

DANIELI 8:11

Ikakuichika ikakunda ielewetsa menyi matorito, ikawewutaho shiano na shidaso shemaya modonyi na handu halya haele hakaolotso wanda.

HABAKUKI 2:4

Ambuya ngoo yekudosa yechisaramaya; indi mndu mhoṟotsu nyi echikaa awode moo foidikia Mndumii.”

MAWUTO HA WASU 17:25

Ma echiwa ipfuṟukanyo nyi mawoko ha wandupfo cha ili awewuṟye kindo ma kimu. Cha kipfa nyio ainenga wose moo na yomuo mumuyo na shindo shose pyu.

1 WAKORINTO 8:4

Kyasia kya mlie folya nyama tsilya tsiinjidasye maruwa ha wongo na luichi ke maruwa ha wongo hakeri wuyana lohipfo, na ke kulaipfo Ruwa shile ichu umu.

1TIMOTEO 3:6

Nalawe mwetsi kundu nalawone echikulandaṟisha nashike ihoya wudehelinyi wo Satana.

WAEBRANIA 4:13

Ma kuipfo kindo kii kiwike kiwode kundo kulawono odatsinyi lokepfo; indi shii kitaṟe shii shialie na pata mesonyi hake shose. Nyio amonyi luimhamba.

OTAMBAHALUO LO YOHANE 9:20

Na wandu walya waletsuhaa walalewoho n ngapo tsilya, ma waledumbuya na ilekana na shindo watsanyie na mawoko hawopfo, indi waleshindia, na mṟufu iya mbicho na mfano ya maruwa ha wongo ii-mtsane ya sahabu na fesa na menya ya aṟeṟa na ya maho na ya shidi ilaidima ma yambuo ma iicho ma ichumia.

WACHILI 16:23

Wanene wa Wafilisti wakakusanza kundu wachihio na iwuta mwano ko ruwa owo elaho Dagoni. Kyasia wakaimba, “Ruwa odu naluwikia mkituwa Samsoni mawokonyi hadu.”

1SAMWELI 17:26

Dawidi kawesa walya wawei kufui nao, “Ngesa, mndu echiwaha Mfilistichu na iwuta Waisraeli wusutsu wo mbaṟi ii nechiinengo kiki? Nyiu Mfilistichu mndu alamdine, akaria iruma machekeṟo ha Ruwachu menyi moo?”

1SAMWELI 17:36

Inyi mṟundi opfo njilemewaaha mwiso ifoi na ngaṟe tsifoi. Wulalu ma Mfilisticho alamdine msa alemeruma machekeṟo ha Ruwa menyi moo, nechiwa chaho.