DANIELI 5:11 - Bibilia Kui Mdedie fo Kimochi

¹¹ Kuwode mndu kiidi kya wumangi wopfo amiichuṟe mumuyo fo maruwa hose hai maele fui kiidi kyake; mandi halya ndeo awode wumangi; ngeela na wulaanyi na wuṟango shilewoneka koke; na Mangi Nebukadneza ndeo kamng'anyisha kambikaho mnene o wahanga, na walaanyi na Wakalidayo na Shisuku.

DANIELI 5:11 Iomraidhean Croise

MAWOOKIONYI 41:38

Farao kawia masinga hake, “Luendeku mndu cha ichu, awode Mumuyo fo Ruwa kiidi kyake?”

2SAMWELI 14:17

Ngahamba, ke lochiwona ofoṟo se, kipfa njiichi iyo Mangi nokeri cha malaika o Ruwa, nochiidima itambahaluo mecha na mawicho. Mndumii-Ruwa nakae na iyo.”

EZEKIELI 28:3

Ambuya! Nukuwonyi ke nuwode wuṟango kota Danieli, Nukusaṟie ke kuwode kindo kya kiṟika ulakiichi pfo.

EZEKIELI 28:4

Kyamba wulaanyi na wuṟango wopfo nyi shilekuinenga wusuṟi, Koweorana fesa na sahabu, Koshiichuṟa kisenyi kyapfo.

DANIELI 1:4

Wanake wa kisoṟo walawode paṟi manya ngoru, wecha piu, wawode shaamu shicha, waṟango, wenyi wulaanyi, wawode wuhidi, waloshe, wenyi sonu njicha, wechiidima ihoṟoka kiidi kya mba ya mangi; kiidima walosho mbuka tsa Wakalidayo na kishomo kyawo.

DANIELI 2:11

Nyi idedo lyiṟihishie mnu ili mangi akundi imanya. Kuwode mndu sa echiidima ikutambahaluya pfo sile na maruwa hamenyi halawode mbihu ya kiwandu.”

DANIELI 2:22

Nekedambuo shiṟike; kawemanya shii meemenyi, kipfa koke kuwode ngeela.

DANIELI 4:18

“Inyi Nebukadneza njilelodia ndodo ii na iyo Belteshaza njiwia mdambuye foyo, kipfa wose wenyi wuṟango wai kiidi kya oruka loko wechiidima injiwia lyahambaki pfo indi iyo nochiidima, kipfa mumuyo fo Ruwa mwele fui kiidi kyapfo.”

DANIELI 4:5

Ngalodia ndodo ilenjiowesha mahio na makusaṟo hako mbei naho hakanjitewa ngaeṟewe mnu.

DANIELI 4:6

Ngawuta iwawaso ke walaho wandu wose wa Babeli wenyi wuṟango kundu wanjidambuye ndodo iya.

DANIELI 5:14

Njileicho mbonyi tsapfo ke mumuyo ya maruwa ii kiidi kyapfo, ngoseṟa ngeela na wuṟango shikawewono kopfo.

DANIELI 5:7

Mangi kafuha na ṟu ling'anyi, kaduma walaho wahanga na wasawi na Wakalidayo na walya welasha. Mangi kadeda na wenyi wuṟango wa Babeli, kahamba, mndu echiidima injisomia mṟehoyo na injidambuya necha nechiṟiko maṟao ha king'aring'ari na mshe fo sahabu nzingonyi nao nyi echiwa o kaṟaṟu kiidi kya wumangi woko.

MAWUTO HA WASU 12:22

Nawo wandu wakairya ṟu lyehamba, “Ru li nyi lya Ruwa chi lya mndu o wandupfo.”

MAWUTO HA WASU 14:11

Mamwingi fulya fo wandu wekiwona kilya Paulo atana wakairya maṟu hawo wehamba kui Kilikaonyia, “Ate Maruwa hamefanana na wandu wai, naho hamelusokya kunu kodu wai.”

MAWUTO HA WASU 16:16

Kikashika mandi lochihenda handu halya ha shiterewyo kisinga kika kikalukumbuhana kiwodo nyi mumuyo fo wulasha msa awembonya wenyi wake mbucha sa ing'anyi kui wulashi woke.

OTAMBAHALUO LO YOHANE 3:9

Ambuya, njechiende wa siṟi ya Satana, nyi iwa wakuhamba wawenyi ke Wayuda nawo walai Wayuda indi wakutana wadi wongo. Ee daa, keweambuya-wo njechiwaende wache wapfire ndi wanda ipfo madendenyi hapfo wakuwutye-ho imanya ke nkya lohi njikukundi iyo.