DANIELI 4:34 - Bibilia Kui Mdedie fo Kimochi

³⁴ “Lyefurumia maheriho, inyi Nebukadneza, ngairia meso hako ngaambuya ruwehu, mahio hako hakawa kufui na inyi; ngaidapfuma Ruwa chu ai Huye. Ngamwaana ngamṟumisha Ichu ai na moo mlungana: ‘Kipfa wuitoṟi woke nyi wuitoṟi wo mlungana, na wumangi woke nyi wuitoṟi wo mlungana, na wumangi woke wulamanda kishari na kishari;

DANIELI 4:34 Iomraidhean Croise

2SAMWELI 22:31

Shose Ruwa ekewuta shisumuhanyi; madedo ha Ruwa nyi halohi. Ruwa nyi ekeringa walya wose wekemdichilia.

1MBONYI TSA MAHERI 29:10

Kyasia Dawidi kaana Mndumii-Ruwa oshangunyi lo kisanzio kyose kahamba, “Noichiko Mndumii-Ruwa o Israeli, ndeyadu, mlungana na mlungana.

1MBONYI TSA MAHERI 29:13

Nyi lokuana na ikuichika iyo Mndumii-Ruwa odu.

YOBU 1:21

Kahamba, “Njilewuka wusunyi wo wama njii kitaṟe, na wudo njechiwuka wuyana njii kitaṟe, na Mndumii-Ruwa nalenjiinenga na Mndumii-Ruwa naweduo, rina lya Mndumii-Ruwa liṟumisho.”

SHIIMBO SHA DAWIDI 10:16

Mndumii nyi mangi ya mlungana; Wandu wa mkambo warahanyikie isangenyi lyake.

SHIIMBO SHA DAWIDI 102:24

Njechihamba, hoi Ruwa oko, kulanjiwute makidi hawi ha mfiri yako; maka yapfo nyi wokia marika tane marika.

SHIIMBO SHA DAWIDI 107:15

Wakeana Mndumii kipfa kya osaṟio loke, na ṟiho tsake ko Wandu.

SHIIMBO SHA DAWIDI 107:22

Wamnenge shiano shemṟumisha, na ionguo mawuto hake wechiimba.

SHIIMBO SHA DAWIDI 107:31

Wakeana Mndumii kipfa kya osaṟio loke, na ṟiho tsake ko wandu.

SHIIMBO SHA DAWIDI 107:8

Na waane Mndumii kipfa kya wuoloru woke, na ṟiho tsake ko wandu.

SHIIMBO SHA DAWIDI 111:7

Mawuto ha mawoko hake nyi lohi na mdumbuye, mawawaso hake nyi lohi.

SHIIMBO SHA DAWIDI 121:1

Njechiiria meso hako njiambuye mafumvu; kitarama kyako kyechiwuka ku?

SHIIMBO SHA DAWIDI 123:1

Njilekuiria meso hako, Iyo udamie ruwehu.

SHIIMBO SHA DAWIDI 145:13

Wumangi wopfo nyi wumangi wo kacha mṟamna, Mndumii-Ruwa nai mhendeli kiidi kya shasa shake shose, na mcha kiidi kya mawuto hake hose. Na wuikolonyi wopfo nyi wo marika hose.

SHIIMBO SHA DAWIDI 146:10

Mndumii nechiikolonyia mlungana, Ruwa opfo, Iyo Sioni, marika na marika. Haleluya. Ichikyenyi Mndumii.

SHIIMBO SHA DAWIDI 50:14

Inenga Ruwa shidaso sheana; Inutsia kyaasa kyapfo ko icho Ai huye.

SHIIMBO SHA DAWIDI 66:7

Naikolonyie kose kui pfinya tsake; meso hake haambuya wandu wose wewuta mawicho walakuirinyishe mrimenyi yawo.

SHIIMBO SHA DAWIDI 7:17

Njechiana Ruwa chando kisumhanyi Njechiimbya rina lya Mndumii-chu ai huye.

SHIIMBO SHA DAWIDI 9:2

Njechichihiyo na ikesa kipfa kyapfo, Njechiimbiya Rina lyapfo, Iyo Ui huye.

SHIIMBO SHA DAWIDI 92:1

Nyi idedo lyicha iana Mndumii; na iimbia rina lyapfo, Hoi Ui huye.

YESAYA 13:11

Na inyi njechisesa wuyana kipfa kya wuwicho wowo, na wunyamaṟi kipfa kya wukika wowo, Njechiwika mtsitsioni fo sia na wusuṟi wo wenyi orikiki; njechiombotsa wanda wose wekushela na walang'a.

YESAYA 2:11

Meso ha mndu hakuirie hechisotsio wanda, na orikiki lo mndu lochilemetso, na Mndumii o amonyi neching'anyisho mkonu fo.

YESAYA 24:15

Kyasia ṟumishenyi Mndumii wuka ora lo ngamenyi, ṟumisha rina lya Mndumii-Ruwa o Israel, kiidi kya oruka lui kiidi kya ipalyipalyi.

YEREMIA 10:10

Kyaindi Mndumii nyi Ruwa o lohi, nyi Ruwa menyi moo o mlungana, nyashi yake yededemisha wuyana, wandu wa mkambo, wechiidima ikarishia nyashi yake pfo.”

SHILIO 3:38

Shicha na shiwicho nyi shekewutika kokoya o awawasa.

DANIELI 12:7

Inyi ngaicho mndu ulya amṟike nguo tsa katanyi, awei huya mṟinga fo meda, kairia owoko loke lo kulyo na owoko loke lo kumoso huye ruwehu; kalya nyamu ya ichu ai na moo mlungana na mlungana, ke kochiwa kiheri na shiheri shiwi, na kyenga kya kiheri; kake wakamemaa ifunja pfinya tsa wandu wo waele, nlyong'u mbonyi tso tsose tsechiinukia.

DANIELI 2:44

Maheri ho ha wamangi wo wose hakamsia Ruwa o ruwehu nechihoṟotsa wumangi wungi wulechimanda mlungana wochiwa isembelia pfo, na kuwode wandu wechiwudeeyo-pfo, kipfa wochifunja-funja mangi tsingi tsose nawo wuitoṟie mlungana.

DANIELI 4:2

Inyi njiwonyi ke kinjiwaṟi njihambe mbonyi tsa ṟiho tsilya Ruwa alenjiwutia.

DANIELI 4:26

Na kipfa alewawasa itsuwa lyo lideo; wumangi wopfo wochiwada pfinya, komekemanya ke ruwehu ntso tsekeitoṟia.

DANIELI 4:3

Shichano shake nyi shing'anyi na maṟiho hake nyi ha kilula, wumangi woke nyi wo mlungana; na wuitoṟi woke nyi wo marika hose.

DANIELI 4:32

Na iyo nyi ochifunyio kuleshe na wandu na iyo nochikaa hamu na mando ha ngeṟenyi, nochilya maṟa cha mbe; na shiheri mfungade shechiida huye yapfo mtano omanya ichu ai huye nyio aitoṟie wumangi wo wandu, nao nekeinenga ichu akukundia ose.”

DANIELI 4:36

Nalyo kudi makusaṟo hako hakawa mecha na kipfa kya wuitoṟi wo wumangi woko, kiṟumi kikawewuya, walya wawei wanda yako wakacha injishiha; na inyi ngawanzio kiidi kya wumangi woko ngaengeṟio wuitoṟi ngaeṟa.

DANIELI 5:18

Ko mbonyi tsapfo iyo mangi kikeri kiile:- Ruwa-chu akeri huya shose naleinenga Nebukadneza wumangi akeri ndeo, kamnenga wusuṟi wuitoṟi na wunene

DANIELI 5:21

Kafunio kuleshe na wandu, mahio na ngoo yake ikawa cha indo lya ngeṟenyi, kakaa kimu na nzoi tsa ngeṟenyi; kalya maṟa cha mbe, mbihu foke fukaambia ṟauṟa iwuka ruwehu; itane alemanya ke Ruwa-chu o huye nyio ai moitoṟia wamangi wose na wuyana na nyio ekewika mndu na imdosa chandu akunda.

DANIELI 6:26

Inyi ngawika iwawaso kiidi kya wumangi woko ke: Wandu wose waowuo Ruwa chu o Danieli: ‘Kipfa o nyi Ruwa menyi moo mokaa mlungana, wumangi woke wulamanda wuitoṟi woke wo mlungana.

DANIELI 7:14

Nao kainengo wuitoṟi na kiṟumi na wumangi, kundu wandu wa mbaṟi tsose, na mkambo yose, na shishomo shose wamṟundie, wuitoṟi woke nyi wuitoṟi wo mlungana; wulechikaa wuide, na wumangi woke nyi wumangi wulechiwa irumatso.”

DANIELI 7:27

Na wumangi na wuitoṟi na wunene wo wumangi iya wuyana wechiinengo wandu waele wa ichu o huye, wumangi woke nyi wumangi wo mlungana na wose wengi waitoṟi wechimṟundia na imiindia.’

DANIELI 9:14

Kyasia Mndumii-Ruwa, Ruwa kaludikia ngapo i; kipfa Mndumii-Ruwa, Ruwa odu nyi ai mhoṟotsu kiidi kya maṟunda hake hose; naso lulaindie ṟu lyake.

YONA 1:14

Wakaterewa Mndumii wakahamba, “Lokuterewa iyo Mndumii, lokuterewa, lulaarisike kipfa kya moo fo mndu-chu umu, manya ulawuwuye samu yake ilawode mti, kipfa iyo Mndumii nyowuta chando uwekundi.”

MIKA 4:7

Iwo watiliwanyi shiwungo nyi wo wedeyo moo; iwo waledao osamiṟonyi wechiwa mkambo fuwode pfinya. Na inyi Mndumii-Ruwa njechiwaitoṟia fumvuhu lya Sioni, wokia kiheri-kyo itane mlungana.

LUKA 1:33

Nao nyi echikaa ai mangi ya oshari lo Yakobo mlungana, ma wumangi woke woikaa wudumbukepfo!”

LUKA 18:13

Kyaindi msanyi ulya o okamba kahoṟoka haleshe, nalakarie ma iiria meso huye ruwehu, indi kakukapa kipeeta kahamba, ‘Hoi Ruwa, kenjisaṟia-wo inyi mokudekio!’

YOHANE 5:26

Kyamba chando Wande awode moo fuwukye ipfo kiidi kyake kwenyi nyi wudo da aleinenga Mana ikaa na moo fuwukye ipfo kiidi kyake kwenyi.

NGUMBUO YA MAWAWASO 32:4

Mndumii-Ruwa nyio Iṟaṟa lya okio; maṟunda hake nyi haawukie, njia tsake tsose nyi tsa wusumhanyi. Onyi Ruwa mhendeli alawode ideko, o nekewuta mbonyi tsa wuhendeli na wusumhanyi.

1TIMOTEO 1:17

Indi mangi ii ya maheri halunganyi ichu alasia alawono, o Ruwa amonyi nakae echiindyo na iichiko maheri hose na hose halunganyi. Amenyi.

1TIMOTEO 6:16

Nao amonyi akaa elechipfa aitsinda ipfo senyi ilechiwa ida. Kwipfo mndu o wandu alembonapfo ma kwipfo echiidima imbonapfo. Kiṟumi kicha na wuitoṟi wo mlungana shii shake. Amenyi.

OTAMBAHALUO LO YOHANE 10:6

Kalya nyamu; So Ruwa ichu ai menyi-moo maheri hose na hose Ruwa aletana ruwehu na shose shii nalyo; katana na orukalu na shose shii nalo na ipalyipalyi na shose shii-pfo. “Kiheri kyewedia kiipfo-sepfo.”

OTAMBAHALUO LO YOHANE 11:15

Na msu ulya mwele o mfungade kakapa ombe. Kukaamka maṟu hededa hang'anyi ipfo ruwehu hakahamba, Wumangi wo wuyana wu womba wo Mndumii odu na wo Kristo oke. Nao echiwa mowuikolonya maheri hose ha mlungana.

OTAMBAHALUO LO YOHANE 4:10

Mandi na halya wameku walya makumi hawi na waana waolokya wanda ichu adamye loṟike-hu lulya lo wuitoṟi wakahonerya ichu ai menyi moo fo mlungana wechileṟya oṟo tsawo wanda oshangunyi lo loṟika lulya, lo wuitoṟi na ihamba:

OTAMBAHALUO LO YOHANE 4:9

Na iliindi maṟimu halya haiwikya ichu awedamie loṟike-hu ichu menyi-moo fo mlungana wuitoṟi na wuindi wuanyi.