DANIELI 4:32 - Bibilia Kui Mdedie fo Kimochi

³² Na iyo nyi ochifunyio kuleshe na wandu na iyo nochikaa hamu na mando ha ngeṟenyi, nochilya maṟa cha mbe; na shiheri mfungade shechiida huye yapfo mtano omanya ichu ai huye nyio aitoṟie wumangi wo wandu, nao nekeinenga ichu akukundia ose.”

DANIELI 4:32 Iomraidhean Croise

2MBONYI TSA MAHERI 33:13

Nalemterewa mnu, na Ruwa kaicho na iambilia kiterewo kyake, kambihiṟa Yerusalemu wumanginyi woke. Nyilyondi Manase alemanya ke Mndumii-Ruwa, nyio Ruwa o lohi.

YOBU 42:2

"Njiichi ke nochiidima orio kindo kyose uṟeheṟie kuwode mokuimapfo.

YOBU 9:12

Keambuya! Nekeduo kindo akundi, nyiu echiidima imiima? Ang'u nyiu echiidima imbesa: ‘Kiki uiwuta!’

SHIIMBO SHA DAWIDI 115:3

Kya indi Ruwa odu nai ruwehu, ikyo kyose akundi nalekiwika.

SHIIMBO SHA DAWIDI 135:6

Mndumii nalewika orio kindo kilemchihiṟa. Ruwehu na orukenyi. Ipalyipalyinyi na shi ya ipalyipalyi shose.

IWUKA 8:10

Farao kambia, “Ngama.” Kahamba, “Kikekuwia kido chandu ohamba; kundu nokuwutieho imanya ke kuipfo ang'anyi cha Mndumii-Ruwa, Ruwa odupfo.”

IWUKA 9:14

Kyamba kiheri ki njiende ngapo tsako tsose huya mrima fopfo, na huya waṟundi wapfo, na huya wandu wapfo; kundu nowuteho imanya ke kuwode ungi cha inyi kunu wuyanenyi kosepfo.

IWUKA 9:29

Mose kambia, “Ngamekure kunu mṟinyi njechiiria Mndumii-Ruwa mawoko hako, na makuṟuṟuma ho hechitsitsa, manya kochikaapfo mvuo ya manzahopfo; kundu nowuteho imanya ke wuyanawu nyi wo Mndumii-Ruwa.

YESAYA 37:20

Kyasia wulalu Mndumii, Ruwa odu ulukiṟe na owoko loke, wamangi wose wa wuyana waidime imanya ke iyo nyi iyo Mndumii, iyo kumonyi tupu.”

YESAYA 40:15

Ambuya, wandu wa mkambo nyi kimu na itacha lyikeri ipipenyi, weketalo ke kiluli kii kihienyi kehesha; apaa, nekeira nduwa tsesumo tsa mṟinga cha kindo kitutu mnu nakamu.

YESAYA 40:17

Wandu wa mkambo wakawa cha walai kindo oshangunyi loke; wai waitale cha kindo kya maai na wulya kilawode kiira.

YESAYA 45:3

njechikuinenga shisa sha memenyi na masaa hamaṟike handu ha kisekenyi, kundu nomanye ke inyi nyi Mndumii, njekekulaha kui rina lyapfo, Ee, Ruwa o Israeli.

YEREMIA 27:5

“O inyi njilewika wuyana wu wandu na mando ha nja iwo wai kunu osehu lo oruka ko pfinya yako ing'anyi na ko owoko loko luluhoṟotse na inyi njekeinenga wandu chando ngakunda.

DANIELI 2:21

O nyi ekeilacha maheri na chila yake; nekewuta wamangi, kawewika-ho, Wamangi na iwainenga wuṟango na wulaanyi, kainenga waṟango wusalari.

DANIELI 4:31

Kudi kechideda ṟu likamchea liwuka ruwehu lyechihamba, “Iyo Mangi Nebukadneza madedoha nyi iyo ukeri iwio; wumangi wu wowuto kopfo.

DANIELI 5:21

Kafunio kuleshe na wandu, mahio na ngoo yake ikawa cha indo lya ngeṟenyi, kakaa kimu na nzoi tsa ngeṟenyi; kalya maṟa cha mbe, mbihu foke fukaambia ṟauṟa iwuka ruwehu; itane alemanya ke Ruwa-chu o huye nyio ai moitoṟia wamangi wose na wuyana na nyio ekewika mndu na imdosa chandu akunda.

YOSHUA 4:24

nyi kilewutika kido kundu wandu wose wa wuyana wawone ke owoko lo Mndumii-Ruwa nyi luwode pfinya, nanyo muwuteho iindiya Mndumii-Ruwa onu mlungana.”