DANIELI 4:3 - Bibilia Kui Mdedie fo Kimochi

³ Shichano shake nyi shing'anyi na maṟiho hake nyi ha kilula, wumangi woke nyi wo mlungana; na wuitoṟi woke nyi wo marika hose.

DANIELI 4:3 Iomraidhean Croise

YOBU 25:2

“Wuitoṟi na wuowu shi hamu na icho; nekewika ofoṟo kiidi kya handu hake hakuirie.

SHIIMBO SHA DAWIDI 104:24

Hoi Mndumii, chando mawuto hapfo hafoi! Kui osaaṟe nolewika shose da; wuyana wuichuo masaa hapfo.

SHIIMBO SHA DAWIDI 105:27

Kawika mbonyi tsa shichano shake kiidi kyawo, na shiṟiha orukenyi lo Hamu.

SHIIMBO SHA DAWIDI 145:13

Wumangi wopfo nyi wumangi wo kacha mṟamna, Mndumii-Ruwa nai mhendeli kiidi kya shasa shake shose, na mcha kiidi kya mawuto hake hose. Na wuikolonyi wopfo nyi wo marika hose.

SHIIMBO SHA DAWIDI 66:7

Naikolonyie kose kui pfinya tsake; meso hake haambuya wandu wose wewuta mawicho walakuirinyishe mrimenyi yawo.

SHIIMBO SHA DAWIDI 72:18

Kuichiko Mndumii, Ruwa, Ruwa o Israeli, akewuta maṟiho o amonyi.

SHIIMBO SHA DAWIDI 77:19

Njia yapfo iwei ipalyipalyinyi, na mtandara fopfo fuwei huya mṟinga fung'anyi, ndifo tsapfo tsilemanyikyapfo.

SHIIMBO SHA DAWIDI 86:10

Kyamba nyi iyo ui mnene, iyo nyio mowuta maṟihisho iyi iyo Ruwa kumonyi.

SHIIMBO SHA DAWIDI 92:5

Hoi Mndumii, chando mawuto hapfo hai manene! Makusaṟo hapfo nyi semeṟi tsing'anyi.

YESAYA 25:1

Hoi Mndumii, iyo nyi ui Ruwa oko; Njechikung'anyisha na iichika rina lyapfo; Kipfa nyi uwutie ṟiho tsing'anyi, Chila tsa mbooko, na wuhendeli wo lohi.

YESAYA 28:29

Isho shose shiwukie ko Mndumii menyi Matoṟito, awode chile tsa kiṟiha, aidie wose kui wulaanyi.

YESAYA 9:7

Kiheri kya wuitoṟi woke na ofoṟo, shechimanda manya le-pfo. Kiidi kya loṟika lo wuitoṟi wo Dawidi na wumangi woke. Iwuikara na iwuhoṟotsa Kui mwanduye na kui wulohi, Wokia wulalu itane mlungana. Wunyenyi wo Mndumii menyi Matorito wochiwuta wudo.

YEREMIA 10:10

Kyaindi Mndumii nyi Ruwa o lohi, nyi Ruwa menyi moo o mlungana, nyashi yake yededemisha wuyana, wandu wa mkambo, wechiidima ikarishia nyashi yake pfo.”

DANIELI 2:2

Nalyo mangi kaduma kulaho wandu waṟango kiidi kya Wakalidayo wai wahanga, walashi, wenyi wulaanyi wodambuya wandu ndodo na wengi wafoi kundu wadambuye mangi ndodo iya. Wakaanga mba ya mangi wakahoṟoka sumuhana nao.

DANIELI 2:44

Maheri ho ha wamangi wo wose hakamsia Ruwa o ruwehu nechihoṟotsa wumangi wungi wulechimanda mlungana wochiwa isembelia pfo, na kuwode wandu wechiwudeeyo-pfo, kipfa wochifunja-funja mangi tsingi tsose nawo wuitoṟie mlungana.

DANIELI 4:17

Mwanduye fu focha kipfa kya waringi, na iwawaso lyi kui idedo lya waele; kundu iwa wai na moo wamanye ke ichu ai huye nyi aitoṟie wamangi wa wandu, nao nyi ekekuinengia ichu amkundi na ishimbuo ichu ai mfafa.”

DANIELI 7:14

Nao kainengo wuitoṟi na kiṟumi na wumangi, kundu wandu wa mbaṟi tsose, na mkambo yose, na shishomo shose wamṟundie, wuitoṟi woke nyi wuitoṟi wo mlungana; wulechikaa wuide, na wumangi woke nyi wumangi wulechiwa irumatso.”

DANIELI 7:27

Na wumangi na wuitoṟi na wunene wo wumangi iya wuyana wechiinengo wandu waele wa ichu o huye, wumangi woke nyi wumangi wo mlungana na wose wengi waitoṟi wechimṟundia na imiindia.’

WAROMA 11:33

Apa wuleshe wo wusuṟi wo Ruwa na wo wuṟango woke na wulaanyi. Mdumbuye yake yedumbwo mondu chando shilechiwa isonjokoṟa chando tsilechiwa ihesho chandu kuikuṟehie.

NGUMBUO YA MAWAWASO 4:34

Kuwode Ruwa ungi oose aleheṟia manya indi ihenda ionduo mkambo foke kuwuka mkambonyi fungi, chando Mndumii-Ruwa, Ruwa onu, alewika, kulya Misri. Mesonyi hanu muwenyi, naleloṟa pfinya tsake tsing'anyi na wuidimi woke shihesho sha kiṟiha, na shida, kaende shindo shioweshie mesonyi hanu kulya Misri?

1TIMOTEO 1:17

Indi mangi ii ya maheri halunganyi ichu alasia alawono, o Ruwa amonyi nakae echiindyo na iichiko maheri hose na hose halunganyi. Amenyi.

WAEBRANIA 1:8

Indi kya Mana nyi kii-le, “Loṟika lopfo, hoi Ruwa, luikaa maheri halunganyi, na msenge fo wuhoṟotsu mfo msenge fo wumangi wopfo.

WAEBRANIA 2:4

Luwerianyi na kiṟingishyo kii kiwike nyi Ruwa kui shichano na maṟiho na pfinya tsa mbaṟi tsifoi na mahawio ha Mumuyo Mwele shisumhanye mkundie foke.

1PETRO 4:11

Kuwode modeda lyo liwe lya mbiia tsa Ruwa, kuwode mopfuṟukanya lyo liwe lyechiwutika kui pfinya ii injiende nyi Ruwa, kundu Ruwa nakuwutie-ho iṟumisho na ishi shose kui Yesu Kristo. O ai menyi wuitoṟi na wukolonyi wochikaa mlungana! Amenyi.

OTAMBAHALUO LO YOHANE 11:15

Na msu ulya mwele o mfungade kakapa ombe. Kukaamka maṟu hededa hang'anyi ipfo ruwehu hakahamba, Wumangi wo wuyana wu womba wo Mndumii odu na wo Kristo oke. Nao echiwa mowuikolonya maheri hose ha mlungana.