DANIELI 4:27 - Bibilia Kui Mdedie fo Kimochi

²⁷ Kipfa kya ikyo le Mangi, njikuwia kudi; da wunyamaṟi uwute sumuhana na wulohi, da mawicho hapfo uweambuya wakiwa kundu mkonu yapfo ifo-fo na iyo ukae na sia.”

DANIELI 4:27 Iomraidhean Croise

MAWOOKIONYI 11:4

Wakahamba, “Lukaekuwikia mṟi na mnaṟa na kikoyo kyafo kishike ruwehu lukuwonyie kiṟumi, kundu lulapaṟakanyie wuyanenyi kose.”

1WAMANGI 21:29

“Uwonyi chandu Ahabu akunyiiṟa oshangunyi loko? Kipfa akunyiiṟa adi, njechiende mawicho halya mbeteseheṟie kiheri kyake pfo, indi nyi kiidi kya mana oke njechiende mawicho halya hose kiidi kya mba yake.”

SHIIMBO SHA DAWIDI 119:46

Njechihamba wuṟingishi wopfo oshangunyi lo wamangi, manya njechiwona sonupfo.

MFANANO 11:2

Hacheye orikiki hondu sonu ikeri; Indi wuṟango wukukerye na wekunyiiṟa.

MFANANO 16:6

Kui osaṟio na lohi wuwicho wochisanjo; Kui iindia Mndumii wandu wechikuṟisa na wuwicho.

MFANANO 28:13

Moṟika wunyamaṟi woke echitaramo-pfo; Indi motsitocha na ida nechiwona osaṟio.

YESAYA 10:13

Kipfa nahambie, “Kui pfinya tsa mawoko hako njiwutie kindo ki, na kui wuṟango woko, kipfa inyi njii mṟango, na inyi njilewuta mṟasa ya wandu, ngawada shisa shawo, ngaolotsa wose wedamia huya shidi sha wuitoṟi chando mbahanyi ekewuta.

YESAYA 47:10

Kipfa nokusirie mawicho hapfo, nohambie, ‘Kuwode anjiwonyipfo;’ wulaanyi wopfo na wuṟango wopfo, wokudetsa na iyo kohamba mrimenyi fopfo, ‘Inyi nyio inyi kulawode ungi shile na inyi.’

YESAYA 47:8

“Kyasia, wulalu, adanyia ishi, iyo ukundi useṟeṟi, okekuwona ke nyi uwode mkuachie ui kipuo, iyo okededa mrimenyi fopfo ke; ‘Inyi nyio inyi, kulawode ungi shila na inyi njechidamia cha mkusu-pfo, manya njechiidima ipfiio nyi wanapfo.’

YEREMIA 29:7

Fulangienyi ofoṟo mṟi fulya njiletewa wadao wusingenyi mufuterewie ko Mndumii ko kipfa kya mṟi fo mochiwona ofoṟo.

YEREMIA 38:20

Yeremia kambia, “Ochidambiko kowopfo. Wulalu iyo india iki Mndumii-Ruwa ahamba, chandu njikuwia, na mbonyi tsapfo tsechichia na moo fopfo fochikia.

EZEKIELI 18:7

manya elekewonyia mndu ose, kawewa mndu mowihiṟa kilya aakuye, kawewa mndu elekeiwa, kaweinenga wakiwa shelya na iṟika nguwo walya wawuṟie,

EZEKIELI 29:3

Mbie kudi, Inyi Mndumii-Ruwa menyi matorito ngahamba njidi: “Inyi njelimbana na iyo mangi o Misri, Iyo nyi kinyau kilee medenyi Nili! Kyamba nuichi ke meda fo Nili nyi fopfo, Ke nyi iyo ufuwikie!

EZEKIELI 29:9

Kyamba nyi ulehamba meda fo Nili nyi fo pfo, ke nyi iyo ulefuwika, kyasiang'u oruka lopfo lo Misri lochiwa lo wulya na ihaluka nuka. Nyi lyondo wandu wechiwutaho imanya ke Inyi nyi Mndumii-Ruwa.

YOELI 2:14

Nyiu iaichi? Kofia Ruwa nechiidima imusaṟia; na imuinenga mboṟa tsa mademehu, mumnenge shidaso sha mbeu na shenyo.

AMOSI 6:13

Nyo mokechihiṟo nyi mbonyi tsa maai, mokehamba, Ngesa chi lulekuwonyia membe kui pfinya tsadu so luwenyi?

YONA 3:9

Nacho aichi ke Ruwa echiluhooṟia madeko hadu nawelusaṟia alechilurumatsa kui nyashi yake?

HABAKUKI 1:11

Indi ambuya nechideka cha otanu ichu ahaluye pfinya tsake nyi ruwa oke.”

SEFANIA 2:15

Ifu nyi mṟi fulya fo sia, Fulawode makusaṟo, Fulehamba, “Inyi njiipfo, Kulawode ungi shila nyi inyi.” Chando fulewa mrapu, Hando helaa mando ha nja! Orio moida nechikapa mang'ang'o, Na ikumbalia owoko.

MATAYO 3:8

Kekusumuhantsyenyi-ng'u mbuka njicha tsedumbuya!

LUKA 11:41

Kyasia, shilya shii ipfo kya-mba, saṟienyi nasho wandu, na shose nyi shechimbiia sha osu.

MAWUTO HA WASU 24:25

Kyasia ili ashika yongwo mbonyi tsa wuhoṟotsu na tsa wukeha na tsa kiheo kya mondu fochikaa fuche naho Felisi kawuko m madima kahamba, “Kekuhendyeng'u wulalu, ngawona mkonu njechikudumya-se.”

MAWUTO HA WASU 26:20

Indi ndehenda yongoya wandu ke wadumbuye na ihalukya Ruwa wawe wewuta mawuto hasumhanye mdumbye fowo; ndewoka iwaongoya njido ipfo Damasiko na ipfo Yerusalemu itane sanga lya Yudaya lyose na mkambo ya wandu ingi.

MAWUTO HA WASU 8:22

Kyasia wikang'u matumatu kya owicho lu lopfo noterewe Mndumii-Ruwa, kundu kokoya kechiwa noloheṟo kya makusaṟo ha ha ngoo yapfo.

2 WAKORINTO 5:11

Kyasia ili luichi wowu wo yowuo Mndumii nyi lokeisima wandu indi Ruwa nyio luimtambahalukya na kamu; indi njikusihye ke nyi lutambahalukye na konu mrimenyi ipfo kundo ngo tsa mrimenyi tsi njiilikishe.

WAGALATIA 5:13

Nyo mui walahe kundu mochikuachia muwenyi, wanawawama. Ikuachia lyo manya lilawe lyewikya mbaṟi ya kii nyama pfinya, kya indi muhoneryane muwenyi na wenyi mochikundana.

WAGALATIA 5:22

Indi iki Mumuyo awikye nyi kikeri kiile, nyi mkundie, msiha, ofoṟo, wuhoo wung'anyi, wulalutsu wo kyamu, wucha wo mrima, wusalari, woloru, ikusanza lya mrima.

WAGALATIA 5:6

Cha kipfa ipfo Kristo-hu mbikye fochiapfinya-ho chi ifu fo mndu kokoya ai mdine ang'u alai mdinepfo, indi nyi ifu fo wuidiki wokusirya na Kristo wochikuhamba kui makundano.

WAEFESO 4:28

Muiwi nalakiiwe-se, indi naṟunde necha nawe motambahanya kilya kii kicha ekisungusia na mawoko hake hamenyi kundu nakuwonye-ho kyenenga na ulya akiwuṟye.

NGUMBUO YA MAWAWASO 24:13

Orio mkonu kyukanyi mmbihiṟie kundu kio nawone kindo kekushikia na ikulangia mbora. Iwuta kudo nyi kindo kicha oshangunyi lo Mndumii-Ruwa, Ruwa onu.

NGUMBUO YA MAWAWASO 32:27

Kyaindi njilelekia wakituwa wawo wakushelepfo wahambe ke nyiwo walewinga wandu wakopfo ate nyi inyi njilewarumatsa.’”

NGUMBUO YA MAWAWASO 8:17

Koikyo kuṟisenyi mlashike ihamba mrimenyi yanu. “Lulewada wusuṟi kui wuidimi na pfinya tsadu luwenyi.

1PETRO 4:8

Ngoseṟa ya shingi shose kundanenyi nyo muwenyi na wenyi kui mrima fose. Mukuwade tsee kipfa ikunda li lishikye na mfeṟa fo manyamaṟo.