DANIELI 4:2 - Bibilia Kui Mdedie fo Kimochi

² Inyi njiwonyi ke kinjiwaṟi njihambe mbonyi tsa ṟiho tsilya Ruwa alenjiwutia.

DANIELI 4:2 Iomraidhean Croise

YOBU 7:14

Ndodo tsechinjiowesha, na isho shewono shikanjiwuta madima.

SHIIMBO SHA DAWIDI 51:14

Hoi Ruwa, Ruwa o okiṟo loko, njikiṟa na samu tsa wandu, na olimi loko lochiimba kiilohi kyapfo.

SHIIMBO SHA DAWIDI 65:9

Nolechea oruka koluoṟisha, noleisuṟisha mnu; meda fo Ruwa fuichuo mṟinga; noinengye wandu kando, kipfa nyi iyo usungusiye teri.

SHIIMBO SHA DAWIDI 66:16

Nchonyi, adanyienyi, nyo muowoye Ruwa, inyi njechihamba kilya alewutya mrima foko.

SHIIMBO SHA DAWIDI 71:18

Manya ngakuo ngawada mhasa, hoi Ruwa, ulanjide. Mṟasa njiwie wandu wa rikalyi pfinya tsapfo, na orio mocha wuidimi wopfo.

DANIELI 2:1

Kikashika maka fo kawi fo mangi iya, Nebukadneza kalodia ndodo kio alee; kaeweṟo mnu nakamu, mado hakamdekia.

DANIELI 3:26

Kyasia Nebukadneza katikiria alya afui na nungu iya ya modo. Kalaha, “Lanye Shadraki, Meshaki na Abednego, waṟundi wa Ruwa o Huye; wukenyi ipfo mche na kunu.” Naalyo Shadraki Meshaki na Abednego wakawuka kulya modonyi.

DANIELI 4:17

Mwanduye fu focha kipfa kya waringi, na iwawaso lyi kui idedo lya waele; kundu iwa wai na moo wamanye ke ichu ai huye nyi aitoṟie wamangi wa wandu, nao nyi ekekuinengia ichu amkundi na ishimbuo ichu ai mfafa.”

DANIELI 4:24

Otambahaluo loke nyi luile: “Iyo Mangi na ilyi nyi iwawaso lya ichu o huye lilechea mndumii oko mangi;

DANIELI 4:25

ke nochifunyio kuleshe na wandu, na iyo nochikaa hamu na mando ha ngeṟenyi na iyo nochitikiriyo ilya maṟa cha mbe, nochiwikio mṟinga fo ṟauṟa ya ruwehu na maheri mfungade hechiida huye yapfo, itane omanya ke kuwode ai huye aitoṟie wumangi wo mndu o wandu, nao nechiidima iinenga ichu amkundi oose.

DANIELI 4:34

“Lyefurumia maheriho, inyi Nebukadneza, ngairia meso hako ngaambuya ruwehu, mahio hako hakawa kufui na inyi; ngaidapfuma Ruwa chu ai Huye. Ngamwaana ngamṟumisha Ichu ai na moo mlungana: ‘Kipfa wuitoṟi woke nyi wuitoṟi wo mlungana, na wumangi woke nyi wuitoṟi wo mlungana, na wumangi woke wulamanda kishari na kishari;

DANIELI 5:18

Ko mbonyi tsapfo iyo mangi kikeri kiile:- Ruwa-chu akeri huya shose naleinenga Nebukadneza wumangi akeri ndeo, kamnenga wusuṟi wuitoṟi na wunene

DANIELI 6:27

O nekekiṟa na ichiṟa nekewuta ngata tsing'anyi ruwehu na orukenyi, nyi alekiṟa Danieli na pfinya tsa miiso.’”

DANIELI 7:25

Nao nyi echideda madedo halasumhanyi ichu o huye, nao nyi echilisa wukiwa waele wa ichu o huye, nawekusaṟa na idumbuo iilacha wuwawaso na maheri; nawo wawiko mawokonyi hake ko kiheri, na shiheri shiwi na kiteeno kya kiheri.

YOHANE 4:48

Yesu kambia, “Mukamba mulawona shichano sha mawowo na maṟiho hemuṟihisha mochikuidikyapfo.”

YOSHUA 7:19

Nalyo Yoshua kawia Akani, “Mana oko ṟumisha Mndumii-Ruwa, Ruwa o Israeli, mṟumishe, numa unjiwie shilya uwutie manya kulanjiṟike.”