DANIELI 4:18 - Bibilia Kui Mdedie fo Kimochi

¹⁸ “Inyi Nebukadneza njilelodia ndodo ii na iyo Belteshaza njiwia mdambuye foyo, kipfa wose wenyi wuṟango wai kiidi kya oruka loko wechiidima injiwia lyahambaki pfo indi iyo nochiidima, kipfa mumuyo fo Ruwa mwele fui kiidi kyapfo.”

DANIELI 4:18 Iomraidhean Croise

MAWOOKIONYI 40:12

Yosefu kambia, “Otambahaluo loyo nyi ilu. Maṟamba haṟaṟu nyi mkonu iṟaṟu.

MAWOOKIONYI 41:15

Farao kawia Yosefu, “Njilelodia ndodo, ma kuipfo aidima injitambahaluyapfo; na inyi ngaicho mbonyi tsapfo, ke komeicho ndodo, nokeidima iitambahaluo.”

MAWOOKIONYI 41:8

Tane ngamenyi ngoo yake ikaeṟewe; kaduma wandu walahe wahanga wose wa Misri, na wandu wose wawode osaṟe wakeripfo. Farao kawaongoya ndodo yake, ma kulawoneke sa aleidima itambahaluya Farao mbonyitso.

YESAYA 19:3

Na mumuyo fo Misri fochidekadeka kiidi kyake, na Inyi njechifurunja chila tsake, nawo wechiosha sanamu tsawo, na wahanga, na walasha na wasawi na weruwia wuṟoi.

DANIELI 1:20

Orio kindo kya wulaanyi na wuṟango mangi alekiwesa wakawoneka ke wo nyi waichi ngoseṟa ka ikumi kota wahanga na walaanyi wa mangi.

DANIELI 2:38

Na orio handu kui wandu, na mando hewikia na ha ngeṟa, malehe ha kundu ko pichinyi na malehe herunduka nginehu, kodambikio, kakudeeya isho shose shikae shia wuitoṟi wopfo. Iyo nyi mdo fulya fo sahabu.

DANIELI 2:7

Wakamhaluo se lya kawi, “Mangi o nakuluwie ndodo naso lumdambuye.”

DANIELI 5:15

Kyasiang'u ambuya wandu wose waṟango na wahanga na walashi wameendo na koko kundu wasome mṟeho fu na injineenga mdambuye, indi walaidime isoma ma injidambuya.

DANIELI 5:8

Kyasia wakaanga kulya mmbenyi ya mangi wose waweichi ke wawode wuṟango; indi alewonekaho manya umu awode wuṟango aleidima isoma maṟeho halya ma imbonyia mdambuye-pfo.

AMOSI 3:7

Nyi kya lohi kya ndiyo Mndumii-Ruwa echiwuta kindo kyose alaloṟa waṟundi wake waikimbi kiṟikyekyo kya kyaanyapfo.