DANIELI 4:17 - Bibilia Kui Mdedie fo Kimochi

¹⁷ Mwanduye fu focha kipfa kya waringi, na iwawaso lyi kui idedo lya waele; kundu iwa wai na moo wamanye ke ichu ai huye nyi aitoṟie wamangi wa wandu, nao nyi ekekuinengia ichu amkundi na ishimbuo ichu ai mfafa.”

DANIELI 4:17 Iomraidhean Croise

1WAMANGI 21:25

Kyaindi kuwode mndu cha Ahabu, alekukumba nawute mawicho oshangunyi lo Mndumii aitiko nyi mka oke Yezebeli pfo.

2MBONYI TSA MAHERI 28:22

Kiheri mbonyi tsileengeṟa iwa njiumu mnu koke, mangi chu Ahazi, naleengeṟa wutahachi woke ko Mndumii-Ruwa.

SHIIMBO SHA DAWIDI 103:19

Mndumii nawikie loṟika loke lo wuitoṟi ruwehu, na wumangi woke wuchilie shindo shose.

SHIIMBO SHA DAWIDI 12:8

Walai wecha wekehenda njoora tsose, Mbonyi tsa ngafu tsikaṟuṟuma kiidi kya wandu.

SHIIMBO SHA DAWIDI 9:16

Mndumii nyi akuloṟa kainutsya mwanduye; Nyi adeha mtahachi kui maṟunda ha mawoko hake.

IWUKA 9:16

kyaindi, njilekuhoṟotsa iyo kipfa kya iki, kundu njikuloṟe wuidimi woko, na kingise ke rina lyako, lihambo wuyanenyi kose.

YESAYA 6:3

Wakalahana, orio umu na odoye wechihamba, “Mwele, Mwele, Mwele, nyio Ruwa Mndumii-Ruwa Sabaoti, masanga haichuo kiṟumi kyake.”

YESAYA 6:8

Kyasia ngaicho ṟu lya Mndumii lyechiwesa, “Njidume u na nyiu echihenda handu hadu?” Inyi ngahaluo ngahamba, “Nyi iya nji njiduma inyi.”

EZEKIELI 25:17

Kipfa njihenda iwataa kiṟache king'anyi kui nyashi yako, nawo wechiwutaho imanya ke inyi nyi Mndumii-Ruwa, ili wechiwona kiṟache kyako huye yawo.”

EZEKIELI 7:24

ambuya njechiende wandu wahenu wai wawicho, nawo nyi wechioṟa mba tso tsanu, na alya handu haele moketerewia nyi wechifanyitsa ho. Ikudosa dosa konu njechifuṟunja na alya handu haele nyi wechifanyitsaho.

DANIELI 11:21

Handu hake kochihoṟoka mndu, awaṟi imino, walalemnengie wumangi ma kiṟumi; o nechicha kiheri kuwode ofoṟo, nao nechiwona wumangi kui ikulopa.

DANIELI 2:21

O nyi ekeilacha maheri na chila yake; nekewuta wamangi, kawewika-ho, Wamangi na iwainenga wuṟango na wulaanyi, kainenga waṟango wusalari.

DANIELI 4:2

Inyi njiwonyi ke kinjiwaṟi njihambe mbonyi tsa ṟiho tsilya Ruwa alenjiwutia.

DANIELI 4:25

ke nochifunyio kuleshe na wandu, na iyo nochikaa hamu na mando ha ngeṟenyi na iyo nochitikiriyo ilya maṟa cha mbe, nochiwikio mṟinga fo ṟauṟa ya ruwehu na maheri mfungade hechiida huye yapfo, itane omanya ke kuwode ai huye aitoṟie wumangi wo mndu o wandu, nao nechiidima iinenga ichu amkundi oose.

DANIELI 7:25

Nao nyi echideda madedo halasumhanyi ichu o huye, nao nyi echilisa wukiwa waele wa ichu o huye, nawekusaṟa na idumbuo iilacha wuwawaso na maheri; nawo wawiko mawokonyi hake ko kiheri, na shiheri shiwi na kiteeno kya kiheri.

WAROMA 13:1

Orio mndu nawe moanguya wanene wo waitoṟie oruka madu, kyamba kulaiho wuitoṟi shile na iwo wuwukie ko Ruwa; waitoṟi-wo wakeri-ho m wawawikye-ho nyi Ruwa.

1 WAKORINTO 1:28

Na shilya shilawei na kiṟumi kunu wuyana na shilya siwei shipiṟe nyisho Ruwa kashisanga shilawei kindo kundu nahaluo shilya shii kindo maai.

1TIMOTEO 5:21

Ngakututuma na kamu njii oshangunyi lo Ruwa na lo Kristo Yesu na lo wasu waele wasambuṟe ke uringe ishi kulawone kosuya mndu ma kulawute kindo ochikundia mndu.

OTAMBAHALUO LO YOHANE 4:8

Na maṟimu halya haana orio lyimu liwode makungo haṟandaṟu. Naho hawewode meso mbihu rambatanyi na ora lo kya nja na mba. Naho haideda mfiri na kio halaitsa-ho meke foonyonya hechihamba, “Mwele, mwele, mwele nyio Mndumii-Ruwa menyi pfinya tsose. Nyio aweipfo, ai-pfo mokaa echikaa-pfo ai echicha.”

1SAMWELI 2:8

Nekeiria wakiwa kuwuka kilulyinyi, nekeiria wawuṟie kuwuka mafunyi, kawadamiṟa handu hamu na wanene, na iwainenga kioṟa shidinyi sha kiṟumi. Kyamba ngo tsawuyana nyi Mndumii-Ruwa; o naleilika wuyana huya ngo tsake.