DANIELI 3:7 - Bibilia Kui Mdedie fo Kimochi

⁷ Wokia mkonufo, wandu wakameicho iranda na mtoṟiṟo na shinanda na njonyi tsikapo wandu wose wakaho wanda na kyamu wechiindia na iterewa sanamu iya ya Mangi Nebukadneza aleihoṟotsa.

DANIELI 3:7 Iomraidhean Croise

YEREMIA 51:7

Babeli nawei kirahu kya sahabu owokonyi lo Mndumii-Ruwa, kikananza wuyana wose. Mkambo walewado nyi nyashi itane wasuko.

DANIELI 2:46

Kyasia Nebukadneza ulya mangi, kaho wanda na kyaamu kapfiria Danieli ndi, kawawasa ke nainengo shiano na uvumba.

DANIELI 3:10

Iyo Mangi nolewuta iwawaso ke orio mndu oose echiicho iranda na mtoṟiṟo na shinanda na njonyi tsikapo kiwawaṟi ioloka wanda na kyaamu na iindia sanamu iya uleihoṟotsa ya sahabu;

DANIELI 3:4

Mokapa iranda kakoṟoṟoma kechihamba, “Nyo wandu na mbaṟi tsose na shishomo mowawaso wai,

DANIELI 3:5

mkaicho iranda, na mtoṟiṟo, na shinanda na njonyi tsikapo orio mndu naho wanda na kyamu naindiye na iterewa sanamu i Mangi Nebukadneza aihoṟotsa.

DANIELI 3:6

Kokoya kuwode ma mndu umu tupu echitehya wuwawaso wu kyake nyi ikumbo kulya ṟungunyi lya modo.”

DANIELI 3:8

Kikashika Wakalidayo maata wakahenda ko Mangi ikumba Wayuda.

MAWUTO HA WASU 14:16

Nao nyio marika halya hammaa isehyana nyi alelekya mkambo ya wandu ihendekye njia tsayo imenyi.

1YOHANE 5:19

Luichi ke so lupaṟikye ko Ruwa na wuyana wose wuu-wulaṟe nyi mbicho.

OTAMBAHALUO LO YOHANE 12:9

Na molyimo fu fung'anyi fukakumbo wanda, nyiyo njoka iya njiku ekelaho nyi Mkumbi na Satana. Nyio mtandawushi motandawusha wuyana wu wose. Kashika ikumbo wuyana. Na wasu wake wakawekumbyo-ho handu hamu nao.

OTAMBAHALUO LO YOHANE 13:14

Na maṟiho aleenengo ihawuta oshangunyi lo indo lilya nyiho lyatandawusha naho walya wai iya wuyana lyechiwawia ke watane mfano fo indo lilya liwode kifaṟe kya oshu likawada-ho ikaa na moo.

OTAMBAHALUO LO YOHANE 13:3

Nafo fumu fo mdo iya yalyo fuweimanye kufui ipfa liende opfu, na kifaṟe kilya kyake kya opfu kiwemchia. Wuyana wose wukaṟihio kya indo-lyi wukaambuya indo li faa.

OTAMBAHALUO LO YOHANE 13:8

Na walya wai iya wuyana wechihenda iliolokia wose iwo walai-waṟehie marina hawo kitapunyi kya moo wokia matika halya ha kidihina kilya kishinje.

OTAMBAHALUO LO YOHANE 17:8

Indo li omeliwona liwei-pfo ili kacha, indi wulalu liipfo-pfo. Nalyo lyechido liwuka ko wapfu; indi lyechirumatso. Wai wuyana wechiṟihio. Na wandu walee masangenyi walai-waṟehye marina hawo ipfo kitapunyi kya moo wokia wuyana wulembiko, wo wechiwuko m madima ilindi wewona indo lyi ke liwei-pfo kacha, lilai-pfo wulalu nalyo lyammboneka-se.

OTAMBAHALUO LO YOHANE 19:20

Na indo lilya likawado lyikapfungo, hamu na mwikimbi mowongo handu hamu nao ichu alewuta maṟiho halya oshangunyi lolyo (Kawa motandawusha wandu na mweke foho walya weambya mhuri ya indo lilya wakaweindia mfano yalyo.) Wakahenda yombotso wai na moo wa wawi ipfo iruwenyi lya modo fodosa mumuyo fo wuṟoi wofumba oṟoo.