DANIELI 2:5 - Bibilia Kui Mdedie fo Kimochi

⁵ Mangi kawahaluo kawawia, “Nyo Wakalidayo, idedo lyo lyanjidekia manya ndodo iya naawo mulamenjiwia ndodo iya na mdambuye foyo nyi lohi njechimuwaha, mumanyomanyo shiteenoteno; nyi hamu na walya wa kanyi konu, mba tsanu tsiwe mbosha.

DANIELI 2:5 Iomraidhean Croise

2WAMANGI 10:27

Wakawunduo ngo tsose hamu na hekalu, wakahaluo hekalu lya wandu choṟo, nyi wudo lii mṟasa inu.

EZRA 6:11

Nyi ngawawasase ke orio mndu echiwumbuya iwawaso-li natochio omambo lu, luwute ipfo kiidi kya mriti fo mba yake nairio huye na mba yake iwe nyi handu hewihitsa mbosha.

SHIIMBO SHA DAWIDI 50:22

“Manyenyi isho, nyo mokehadima Ruwa, njilashike imuranduo, kulechiwoneka momuchiṟa.

SHIIMBO SHA DAWIDI 58:7

Wadeke-deke cha mṟinga fuidicha mnu; wakakuteseheṟa ilasa mfi yawo, ikoyo injitushi.

DANIELI 2:12

Kudi mangi ulya kaichuo nyashi ing'anyi kawuta iwawaso ke waṟango wose wa Babeli warumatso.

DANIELI 3:29

Wulalu ngawika wuwawaso ke mndu oose o wumangi woko icho echideda idedo lilawaṟi lya Ruwa o Shadraki, Meshaki na Abednego, wechimanyo manyo o na mba yake iwe handu hekumba mambosha; kipfa kulawode Ruwa ungi echiidima ikiṟa adi.”

DANIELI 4:9

“Iyo Belteshaza mnene o wahanga, kipfa njiichi ipfo kiidi kyapfo mumuyo o Ruwa mwele nai na iyo le wai, ma kuwode idedo lya kiṟika lyechidekeka ang'u iliṟikapfo njiwia ndodo iya na unjidambuye ke lyahamba ki.

NGUMBUO YA MAWAWASO 13:16

Mochisanyia nzohoṟa tsa mṟifo tsose osehu mengenyi ya mṟi mutsikoṟe na modo tsose cha kidaso kekoṟa kya Mndumii-Ruwa onu; mṟifo fochiwa cha fumsame mlungana, fochikaa fuwikosepfo.

YOSHUA 6:26

Kyasia Yoshua kada oseso oshangunyi lo Waisraeli kechihamba, “Mndu cho echikaa nawike mṟi fu fo Yeriko, Nyi echikaa ai msese nyi Mndumii-Ruwa, Mndu cho echikaa nawike se njomombo tsa mṟi fu, Mana oke mbee napfe. Na ichu ose echiwika mongo fo mṟi fu, Ambuya mana oke mtutu nechipfa.”

1SAMWELI 15:33

Samweli kahamba, “Kipfa kyapfo luletewa waka wafoi walawade wana, nyi wudo na mayo echikaa alawode mana kiidi kya waka.” Kamanyamanya Agagi shiteno shiteno oshangunyi lo Mndumii-Ruwa ipfo Gilgali.