DANIELI 2:47 - Bibilia Kui Mdedie fo Kimochi

⁴⁷ Mangi kahaluo Danieli kambia, “Nyi kya lohi Ruwa chu onu nyi Ruwa kota maruwa hengi, nyi Mndumii-Ruwa o Wamangi aichi iloṟa shiṟike na ishihaluo pata - kipfa iyo noleidima iloṟa kiṟike ki.”

DANIELI 2:47 Iomraidhean Croise

MAWOOKIONYI 41:39

Farao kawia Yosefu, “Kyamba Ruwa amekumanyisha isho shose, kuwode msa awode wuṟango na osaaṟe cha iyopfo.

2WAMANGI 5:15

Kawuuya mndu ulya o Ruwa o na walya wawehendasanyi nao kacha, kahoṟoka oshangunyi loke kahamba, “Wulalu ambuya, ngamanya ke kuwode Ruwa wuyanenyi kose shile kiidi kya Israeli pfo. Wulalu ngakuterewa uambie shiinengo sha isinga lyapfo.”

YOBU 12:19

Nekeleka wakohanyi wachumie kitaṟe, kaolotsa wenyi pfinya.

SHIIMBO SHA DAWIDI 136:2

Anenyi Ruwa o maruwa; kyamba wuoloru woke nyi wo mlungana.

SHIIMBO SHA DAWIDI 136:3

Anenyi Mndumii o wandumii; kyamba wuoloru woke nyi wo mlungana

SHIIMBO SHA DAWIDI 72:11

Ee Wamangi wose wamwiindie, na mkambo ya wandu wose wamṟundie.

SHIIMBO SHA DAWIDI 82:1

Ruwa ahoṟoka kiidi kya kituṟu kya Ruwa; makidi hawi ha maruwa naianduya.

SHIIMBO SHA DAWIDI 96:4

Kyamba Mndumii nyi ang'anyi menyi kiṟumi mnu. Na nawaṟi iowuyo kota maruwa hose.

EZEKIELI 26:7

“Kyamba nyi wudi Mndumii-Ruwa ahamba, ‘Njechiende mangi Nebukadneza awuka ora lo huye Mangi o Babiloni, Mangi o wamangi, nache na frasi, magari ha shida, na walya wadoye frasi, ichekeṟo ling'anyi liche ikukapa.

DANIELI 11:36

“Na mangi nyi echiwuta chandu akundi. Nao nyi echikung'anyisha, na ikuṟumisha huye ya maruwa hose, nao nyi echideda madedo ha mbaṟi heisalucha Ruwa o maruwa. Nao nyi echiengeṟa ihuyo mṟasa nyashi ya Ruwa iawukie; kipfa shilya shishiteṟie shiwaṟi shiwutike.

DANIELI 2:19

Nalyo Danieli kaloṟo ndodo iya yose na mdambuye foyo. Danieli kaidapfuma Ruwa.

DANIELI 2:22

Nekedambuo shiṟike; kawemanya shii meemenyi, kipfa koke kuwode ngeela.

DANIELI 2:28

Kyaindi kuwode Ruwa o Ruwehu echiidima itambahaluo shindo sha shiṟika, nao nyi aloṟa Mangi Nebukadneza mbonyi tsechikaa tsihoye mkonu ya ifurumia. Ndodo yapfo na mahio ya mdo fopfo ulewona lilyandi uwelee nyi kikeri kiile;

DANIELI 2:29

Iyo mangi mahio hapfo haleida mrimenyi fopfo koloṟo mbonyi tsechikaa tsiwutike ilyi numa; na ichu ekeloṟa shiṟike nyi anjiwia na injiloṟa chando kii.

DANIELI 2:30

Kyaindi inyi njileloṟo kindo ki kui wuṟango wo mbaṟi yosepfo, ma njiwode wuṟango wueṟie wandu wengipfo; indi nyi kundu mangi naidime imanya na iloṟo shiṟike na njikuongoye mdambuye, naawo umanye kii mahiyonyi hapfo.

DANIELI 2:37

Iyo Mangi, nyi Mangi ya wamangi, na Mndumii-Ruwa o ruwehu nakuinengie wumangi, na pfinya na wuṟango na wuitoṟi!

DANIELI 3:15

Wulalu munjiwie kokoya mukusungusie wokia wulalu muteṟie ke mukaicho iranda na mtoṟiṟo na shinada na njonyi tsikapo mochiho wanda na kyaamu na iindia ruwa oko na sanamu yako ya sahabu ndeihoṟotsa. Kokoya mulateṟia ikyo na iwuta mudo, mukaengeṟa iumiṟa ngoo tsanu, nyi kya lohi mochikumbo kulya ṟungunyi lya modo foaka a nyi Ruwa uhya icho echimukiṟa na owoko loko na modo fo?”

DANIELI 3:28

Nebukadneza kahamba, “Naṟumisho Ruwa o Shadraki, Meshaki na Abednego; ichu aleduma Malaika oke kakiṟa waṟundi wake wakumsirie, iwo waleilacha idedo lya mangi, wakawuta mbihu yawo ilasingie maruwa hengi shile Ruwa owo wawenyi.

DANIELI 3:29

Wulalu ngawika wuwawaso ke mndu oose o wumangi woko icho echideda idedo lilawaṟi lya Ruwa o Shadraki, Meshaki na Abednego, wechimanyo manyo o na mba yake iwe handu hekumba mambosha; kipfa kulawode Ruwa ungi echiidima ikiṟa adi.”

DANIELI 4:17

Mwanduye fu focha kipfa kya waringi, na iwawaso lyi kui idedo lya waele; kundu iwa wai na moo wamanye ke ichu ai huye nyi aitoṟie wamangi wa wandu, nao nyi ekekuinengia ichu amkundi na ishimbuo ichu ai mfafa.”

DANIELI 4:25

ke nochifunyio kuleshe na wandu, na iyo nochikaa hamu na mando ha ngeṟenyi na iyo nochitikiriyo ilya maṟa cha mbe, nochiwikio mṟinga fo ṟauṟa ya ruwehu na maheri mfungade hechiida huye yapfo, itane omanya ke kuwode ai huye aitoṟie wumangi wo mndu o wandu, nao nechiidima iinenga ichu amkundi oose.

DANIELI 4:32

Na iyo nyi ochifunyio kuleshe na wandu na iyo nochikaa hamu na mando ha ngeṟenyi, nochilya maṟa cha mbe; na shiheri mfungade shechiida huye yapfo mtano omanya ichu ai huye nyio aitoṟie wumangi wo wandu, nao nekeinenga ichu akukundia ose.”

DANIELI 5:11

Kuwode mndu kiidi kya wumangi wopfo amiichuṟe mumuyo fo maruwa hose hai maele fui kiidi kyake; mandi halya ndeo awode wumangi; ngeela na wulaanyi na wuṟango shilewoneka koke; na Mangi Nebukadneza ndeo kamng'anyisha kambikaho mnene o wahanga, na walaanyi na Wakalidayo na Shisuku.

AMOSI 3:7

Nyi kya lohi kya ndiyo Mndumii-Ruwa echiwuta kindo kyose alaloṟa waṟundi wake waikimbi kiṟikyekyo kya kyaanyapfo.

1 WAKORINTO 14:25

na ihenda iwonyo owingo na pata, na wudo echiho wanda kewikya Ruwa wuindi na ihamba na pata ke Ruwa asanganyi na nyo.

NGUMBUO YA MAWAWASO 10:17

Kyamba Mndumii-Ruwa, Ruwa onu, nyio Ruwa o maruwa na Mndumii o wandumii. O nyi Ruwa mnene na menyipfinya, naoweshie; ekekundiapfo, manya ekeambia kitsutsumopfo.

1TIMOTEO 6:15

Kiwonesyo iki ichu ai Mwitoṟi amonyi menyi osu echikiloṟa maheri halya aichi, ichu ai mangi ya wamangi na mndumii o wandumii.

YOSHUA 22:22

“Ruwa onu, o maruwa, nyio Mndumii-Ruwa! Ruwa chu o maruwa nyio Mndumii-Ruwa! Oo nyi aichi kitewe lukawuta ludo, nyi wudo na Waisraeli wose wamanye. Kokoya iki nyi alekana na Mndumii-Ruwa ang'u iwuṟa wuidiki koke, kyasia, Mndumii-Ruwa alalukiṟe inu.

OTAMBAHALUO LO YOHANE 1:5

Shiwukye ko Yesu Kristo ai mṟingishi ulya mhendeli o kuwoka iwada moo aṟukie wapfunyi, ai mnene o mangi tsa wanda ii. Nyio alukundi kaluletsa manyamaṟo hadu kui samu yake.

OTAMBAHALUO LO YOHANE 17:14

Wo nyiwo wechira shida yewahana na Kidahina kilya. Na kidahina kyeshiwawinza, kipfa nyi Mndumii o wandumii na Mangi ya wamangi na walya wai nao wo waiwalahe wai-wasambuṟe wai wahendeli.”

OTAMBAHALUO LO YOHANE 19:16

Arie rina lii-iṟehye nguwo-hu ipfo owaenyi loke ke nyi, “Mangi ya wamangi na Mndumii o wandumii.”