DANIELI 2:22 - Bibilia Kui Mdedie fo Kimochi

²² Nekedambuo shiṟike; kawemanya shii meemenyi, kipfa koke kuwode ngeela.

DANIELI 2:22 Iomraidhean Croise

MAWOOKIONYI 41:16

Yosefu kahaluo Farao, kambia, “Chi inyipfo; Ruwa nechiinenga Farao oloho lo ofoṟo.”

YOBU 12:22

Nekeshikuo njoṟoo tsa meema, kairia huye ko sa shilya shii meemenyi.

YOBU 26:6

Ṟungu lyi pang'a oshangunyi loko, inyamaṟika lyiwode soṟo-pfo.

SHIIMBO SHA DAWIDI 104:2

Nuleṟaa ngeela cha ṟao; kuleala ruwehu cha ihema;

SHIIMBO SHA DAWIDI 25:14

Kiṟike kya Mndumii kii ko walya wamwowoe, Nao nechiwamanyishia mkundana foke.

SHIIMBO SHA DAWIDI 36:9

Kipfa kopfo iyo kuipfo soka ya moo; kiidi kya sa yapfo lochiwona sa.

KOHELETI 8:1

Nyiu ai cha mndu mṟango; nyiu aichi itambahaluo idedo? Wuṟango wo mndu wochiwaṟa kyamu kyake, Na wuumu wo kyamu kyake wochiilachika.

YESAYA 41:22

Waonguo na ilumanyishia chando shechiwa; waluloṟe mbonyi tsa kacha, nyi mbonyi tsiha luidime itsiwika mrimenyi, lumanye na mtsitsioni fosho; ang'u waludambuye shilya shechikaa shiche.

YESAYA 41:26

Nyiu ichu aongoye mbonyi wokia mboko, kundu lumanye? Wokia kacha luhambe, O nyi asumhanyi? Ee, kuwode-ho ma umu alelumanyishia-pfo; kuwode ma umu aleluloṟapfo; kuwode ma umu aleicho madedo hanupfo.

YESAYA 42:9

Ambuya mbonyi tsa kuwoka tsametsitsa, inyi njikeri ionguo mbonyi njihya; tsilamecha njimuwia chando kechiwa.

YESAYA 45:7

Inyi njilewumba saa, na kio naawo; inyi njekesanza wandu, na iwutaho wuwicho; Inyi nyi Mndumii njekewuta isho shose.

YEREMIA 23:24

Ngesa kuwode mndu echiidima iowa handu ha kiṟika njilechimmbona? Mndumii ahamba. Ngesa muichi ke inyi Mndumii-Ruwa njii handu hose ruwehu na wuyanenyi?

YEREMIA 33:3

“Njilaha na inyi njechiidikia na ikuwia mbonyi tsing'anyi tsa kiṟikenyi ulalemetsiwone.

DANIELI 2:11

Nyi idedo lyiṟihishie mnu ili mangi akundi imanya. Kuwode mndu sa echiidima ikutambahaluya pfo sile na maruwa hamenyi halawode mbihu ya kiwandu.”

DANIELI 2:19

Nalyo Danieli kaloṟo ndodo iya yose na mdambuye foyo. Danieli kaidapfuma Ruwa.

DANIELI 2:47

Mangi kahaluo Danieli kambia, “Nyi kya lohi Ruwa chu onu nyi Ruwa kota maruwa hengi, nyi Mndumii-Ruwa o Wamangi aichi iloṟa shiṟike na ishihaluo pata - kipfa iyo noleidima iloṟa kiṟike ki.”

DANIELI 5:11

Kuwode mndu kiidi kya wumangi wopfo amiichuṟe mumuyo fo maruwa hose hai maele fui kiidi kyake; mandi halya ndeo awode wumangi; ngeela na wulaanyi na wuṟango shilewoneka koke; na Mangi Nebukadneza ndeo kamng'anyisha kambikaho mnene o wahanga, na walaanyi na Wakalidayo na Shisuku.

DANIELI 5:14

Njileicho mbonyi tsapfo ke mumuyo ya maruwa ii kiidi kyapfo, ngoseṟa ngeela na wuṟango shikawewono kopfo.

MATAYO 13:13

Nkyondo ngadedya nawo ku mbonyi tsa mfanano, kyamba nyi wechiambuya na meso walechiwona, nyi vechileshya-ho na madu walechiicho ma itawuka.

YOHANE 1:9

Nyi yo Sa ya lohi yo yelimika orio mndu ose ai kunu wuyana.

YOHANE 21:17

Kawuya kambia lingi lya kaṟaṟu, “Iyo Simon o Yohane, nonjikundi woe?” Petro kasokyo nyi fowa kipfa ili ambia lingi lya kaṟaṟu, “Nonjikundi?” Nao kambia, “Hoi Mndumii, nyi uichi shindo shose; kowemanya ke njikukundi.” Kambia, “Kelisa shichondi shako.

YOHANE 8:12

Nahong'u Yesu kawuya kadeda nawo lingi kahamba, “Inyi nyi sa ya wuyana. Mndu anjilatya nakihenda-se memenyipfo. Nechikaa ai na sa yende moo.”

1 WAKORINTO 4:5

Nkyo kimaduma mulahende idumbuo kiheri kilandewiṟa itane Mndumii ache ichu echiendie senyi shindo shii-shiṟikishe meemenyi na itambaṟuya necha patehu chila tsikuwode ngoonyi Mandi na halya orio mndu ose kiṟumi kilya kimsumhanye nyi echiwikyo nyi Ruwa.

WAEFESO 3:5

Kilya kilawemanyishyo wandu marika halya ha kacha indi wulalu Ruwa kamanyishia wasu wake waele na waikimbi kui Mumuyo.

NGUMBUO YA MAWAWASO 29:28

Nao Mndumii-Ruwa, kui nyashi yake kawakuṟuo kulya orukenyi lowo, kawakumba orukenyi lungi chandu kii inu.

1TIMOTEO 6:16

Nao amonyi akaa elechipfa aitsinda ipfo senyi ilechiwa ida. Kwipfo mndu o wandu alembonapfo ma kwipfo echiidima imbonapfo. Kiṟumi kicha na wuitoṟi wo mlungana shii shake. Amenyi.

WAEBRANIA 4:13

Ma kuipfo kindo kii kiwike kiwode kundo kulawono odatsinyi lokepfo; indi shii kitaṟe shii shialie na pata mesonyi hake shose. Nyio amonyi luimhamba.

YAKOBO 1:17

Orio kisumbo kyose kii kicha, orio kinego kyose kii kya sungusihu kichee huye, kisokie kyechiwuka ko Wande mowika sa tsose. Na ipfo koke kuwode ma mhaluye mliwe manya mṟishe mangu fo masehyanopfo.

1YOHANE 1:5

Na ndumi-ii lulemwicho ipfo ko Yesu luimwongoya nyo nyi ikeri ii-le, ke Ruwa ai sa. Ma meema fui nao manyalepfo.