DANIELI 2:21 - Bibilia Kui Mdedie fo Kimochi

²¹ O nyi ekeilacha maheri na chila yake; nekewuta wamangi, kawewika-ho, Wamangi na iwainenga wuṟango na wulaanyi, kainenga waṟango wusalari.

DANIELI 2:21 Iomraidhean Croise

1WAMANGI 10:24

Wandu wa njoruka tsose wakawado nyi msiha fo ihendia Solomoni kundu waadanyie wulaanyi woke iwo Ruwa awemsumbie.

1WAMANGI 3:28

Waisraeli wose wekiicho mbonyi i na chandu aledumbuo mondufu, wakaowuo Mangi; kipfa walewona ke wuṟango wo Ruwa wuwei kiidi kyake kundu naanduye wandu.

1WAMANGI 4:29

Ruwa kainenga Solomoni wulaanyi na wuṟango wukaingiki; wuṟango woke wukaingika cha msanga fo wambaṟa ya ipalyipalyi fulawode kiheo.

1MBONYI TSA MAHERI 22:12

Nakuinenge wulaanyi na wuṟango kundu noidime ichilia Israeli yose kui mawawaso hake.

1MBONYI TSA MAHERI 29:30

Waleṟehia kya pfinya ya wumangi woke, na shindo shilewutikia Waisraeli na masanga hengi.

ESTA 1:13

Kiwei kido kya mangi iambia oloho lo wandu walaanyi na wedumbuo mondu wandu wa menge wambie kindo kewuta.

YOBU 12:18

Nekesoka wamangi kofia tsawo; kapfunga shitsi shawo na shiwoho sha wapfungo;

IWUKA 31:3

na inyi ngamwichuṟa mumuyo fo Ruwa, kiidi kya osaṟe, na wuṟango, na wumanyi, na wuaria wo orio mbaṟi ya iṟunda,

IWUKA 31:6

Ambuyase, ngamsambuṟa, Oholiabu nakae na iyo, mana o Ahsamaki, o mbaṟinyi ya Dani; na inyi ngawika osaṟe mrimenyi ya wose wawode mrima fo wuṟango, kundu waidime iṟunda isho shose njilekuwawasa;

DANIELI 1:17

Kyasia kui mbonyi tsa wanake wo waana Ruwa kawainenga wuṟango, wulaanyi; Danieli kawa menyi wuṟango wuidie womanya mawonesio na itambahaluo ndodo.

DANIELI 10:1

Kiidi kya maka fo kaṟaṟu fo Koreshi, mangi o Uajemi, Danieli chu awe mdumbuye rina Belteshaza, kaloṟo idedo; na idedolyo liwei lohi; kipfa nyi lya shida ing'anyi; nao kamanya idedo lilya, kamanya na mawonesio ho.

DANIELI 11:6

Kukameidaho maka njiliwe wechiwuya se itarama, kipfa mana o waka o mangi ya nuka nechicha isahiya mangi ya mtsudu, kundu waidime iidikiana; indi echiwada pfinya ipfo mawokonyi hake mfiri yosepfo, ma mangi iya yechihoṟokapfo, ma owoko loke; indi mana ulya o waka nechiwuto, na walya walemwende, na ulya momfee, na ulya alemneenga pfinya ilyi mbooko.

DANIELI 2:20

Danieli kaidapfuma Ruwa kahamba: “Rina lya Ruwa liadapfumo Ruwehu mlungana kipfa wuṟango na wuidimi nyi woke.

DANIELI 2:23

Ngakuana na ikuadapfuma, Iyo o waku wadu, ulenjiinenga wuidimi na wuṟango, konjiloṟa shilya luwekundi kopfo, kipfa kyakuchihiya injiloṟa idedo lilya lya mangi.”

DANIELI 2:9

Indi mulamenjiwia, kindo kimuwaṟi nyi kimu tupu; nyi opfu kipfa muichiwie injiwia mbonyi tsa wongo na madedo ha wulembi njiwienyi ndodo numa mdambuye na inyi njiwuteho imanyake mui waṟango.”

DANIELI 4:14

Kadeda na ṟu ling'anyi kechihamba. “Manyenyi ikidi lyi, aṟawuonyi maṟamba halyo foleni maṟa halyo na iola-ola ndunda tsalyo. Mandoho hai na moo halee oo wanda hakureho na malehe ho halee ipfo maṟambehu hauke ho.

DANIELI 4:17

Mwanduye fu focha kipfa kya waringi, na iwawaso lyi kui idedo lya waele; kundu iwa wai na moo wamanye ke ichu ai huye nyi aitoṟie wamangi wa wandu, nao nyi ekekuinengia ichu amkundi na ishimbuo ichu ai mfafa.”

DANIELI 4:22

nyi iyo mangi kuleng'ana kowada pfinya; kipfa wunene wopfo wuleng'ana wukatana woshika ruwehu, na wuitoṟi wopfo wushikie matsitsionyi ha oruka.

DANIELI 4:32

Na iyo nyi ochifunyio kuleshe na wandu na iyo nochikaa hamu na mando ha ngeṟenyi, nochilya maṟa cha mbe; na shiheri mfungade shechiida huye yapfo mtano omanya ichu ai huye nyio aitoṟie wumangi wo wandu, nao nekeinenga ichu akukundia ose.”

DANIELI 7:25

Nao nyi echideda madedo halasumhanyi ichu o huye, nao nyi echilisa wukiwa waele wa ichu o huye, nawekusaṟa na idumbuo iilacha wuwawaso na maheri; nawo wawiko mawokonyi hake ko kiheri, na shiheri shiwi na kiteeno kya kiheri.

LUKA 21:15

Kipfa ipfo madumbunyi hanu nyi inyi njechimbikia-pfo madedo ha wuṟango, na iwo wemkaṟuo wose, wechidima ihakaṟuo ma ihakanapfo.

WAROMA 13:1

Orio mndu nawe moanguya wanene wo waitoṟie oruka madu, kyamba kulaiho wuitoṟi shile na iwo wuwukie ko Ruwa; waitoṟi-wo wakeri-ho m wawawikye-ho nyi Ruwa.

1 WAKORINTO 1:30

Na ipfo koke kwenyi kimaenyi kyanu kikeri ili mui Kristo-hu Yesu, nyio amelutaanyo nyi Ruwa wuṟango na wuhoṟotsu na wuiilisho na oletso.

YAKOBO 1:17

Orio kisumbo kyose kii kicha, orio kinego kyose kii kya sungusihu kichee huye, kisokie kyechiwuka ko Wande mowika sa tsose. Na ipfo koke kuwode ma mhaluye mliwe manya mṟishe mangu fo masehyanopfo.

YAKOBO 1:5

Indi kokoya ipfo konu kwipfo atoṟowae wuṟango, o naterewe Ruwa chu ekenengya wose alasambuṟa alechideda mndu na echienengo.

OTAMBAHALUO LO YOHANE 19:16

Arie rina lii-iṟehye nguwo-hu ipfo owaenyi loke ke nyi, “Mangi ya wamangi na Mndumii o wandumii.”