DANIELI 12:10 - Bibilia Kui Mdedie fo Kimochi

¹⁰ Wafoi wechikuilisha, na ikulaluo wailyi, na ikusanja; indi wawicho wechiwuta mawicho; kuwode mbicho ma umu echimanyapfo; indi iwo walaanyi nyiwo wechimanya.

DANIELI 12:10 Iomraidhean Croise

SHIIMBO SHA DAWIDI 107:43

Msa awode osaaṟe naambuye isho; wakeweṟuwetsa osaṟio lo Mndumii.

SHIIMBO SHA DAWIDI 51:7

Unjisanje na maṟa hesamba na inyi njechiila, unjisanje na inyi njechiila, kota makuṟeṟa ha mtsudu.

MFANANO 1:5

menyi wuṟango naadanyie na iengeṟyo kisomyo, na ulya aichi nashikie mbonyi njicha tsirie njia.

YESAYA 1:18

“Kyasia nchonyi lukape sumu, Mndumii ahamba. Wunyamaṟi wonu wukafana kimande, wochiila cha makuṟeṟa ha mtsudu; wukawa kimande cha bendeṟa wochiila cha sufi.

EZEKIELI 36:25

Ambuyenyi njikeri ihenda iwaletsia mṟinga sa mharami, fuhende imusanja oko lonu lose hamu na sanamu tsanu tsose.

EZEKIELI 47:11

Kyaindi, maṟumbuchu hakeri ipfo mbarinyi ya ipalyipalyi hechiwada mṟinga mchapfo, kyamba mṟingafo nyi fochihenda iwada monyo.

DANIELI 11:33

Na iwo wai walaanyi kiidi kya wandu wechilosha wafoi, ma kudo wechioloka kui oshu, na kui modo, na kui ipfungo na kui idao wapfungo mfiri ifoi.

DANIELI 11:35

Na kiidi kya walya walaanyi wechioloka, kundu wakuilishe, wailisho na isanjo na iila peṟu, mṟasa ifurumia; kipfa nyi kikiteṟie nakyo kyameshikepfo.

DANIELI 12:3

Walya walaanyi wo wechiwaa cha sa ya nginehu, na iwo wesongoya wengi iwuta mecha wechiwaa cha nyenyeri mlungana na mlungana.

HOSEA 14:9

Lanye wandu wa Efraimu, Nyi kyaiki mukuwadase na sanamu? Inyi nyi njechiadanyia shiterewo shanu, inyi njikeri momuembeṟa, inyi nyi njemuwikia mṟinga cha mberoshi. Kunu koko nyipfo kundu mochiwona ndunda tsanu.

ZEKARIA 13:9

Ikyo kimu kechideo njechikihesha na ikitana kyele cha mndu mosanja fesa; cha mohesha sahapu. Kyasia, wo wechinjiterewa na inyi njiwahaluo, njechihamba iwa nyi wandu wako, nawo wechihamba Mndumii-Ruwa nyio Ruwa odu.”

MALAKI 3:3

nao nechidamia cha mosanja fesa, nechihaluo wana wa Lewi waele, nechiwasanja cha sahabu na fesa, wechidasia Mndumii kui wulohi na wusumhanyi.

MARIKO 4:11

Nao kawawia, “Nyo mu wainenge imanya mbonyi tsa Wumangi wo Ruwa tsi njiṟike, kyaindi walya wa nja wawio shose ku mfanano.

LUKA 24:25

Nao kawawia, “Nyo mulaichi mbonyi mui mudo na ngoo njilemeri iidikia shilya waikimbi wa Ruwa wahambie.

YOHANE 18:37

Naho Pilato kambia, “Nawo owei ng'u Mangi?” Yesu kahalwo, “Iyo omhamba nawo nji Mangi. Kyannenga ngafeo mndu nyi ikyo, kyawennenga ngacha na kunu wuyana nyi kundu njiṟingishie wukilohi. Orio mndu ose ichu apaṟikye wukilohi echicho ru lyako.”

YOHANE 7:17

Mndu akundi iṟunda shilya Ruwa akundi nyio echimanya kya mloshye yo yako kokoya nyi ipfo ko Ruwa iwukye ang'u kokoya nyi ngadeda kiwukye koko inyi njimonyi.

YOHANE 8:47

Ichu apaṟikye ko Ruwa o nekeadanya madedo ha Ruwa. Nanyo muinjiadanyiapfo kipfa nyo chi wana wa Ruwapfo.”

1 WAKORINTO 6:11

Na wa mbaṟi itsi muwekeri maata wanu. Kya indi momesanjo. Kya indi momeilisho. Kya indi momesumhantso kui rina lya Mndumii Yesu Kristo na kui Mumuyo o Ruwa odu.

2 WAKORINTO 7:1

Kyasia-ng'u ili lui wateṟye shasa shidi, lanye wakunde, lukuheṟemtse so luwenyi kya ngafu yose iya yefanyitsa mbihu na iya yefanyitsa mumuyo lichiawutsya wuele lui na wuowu wo yowuo Ruwa.

TITO 2:14

Nyio alekudambika amonyi hando hadu, kundu naluletse na msefu fo mrima fose nakuhaṟamishie mkambo fui foke amonyi fuiaaka iwuta mawuto mecha.

WAEBRANIA 12:10

Kyamba wo walelutsana kiheri kyangu wutsanyi wurianyi na mhie yawo, indi o ailutsana awode kitewe kilya kicha kyeluwonya kita nao kya wuele woke.

1PETRO 1:22

Mukamaa isanjika mrimenyi yanu kui wuhoyi wo ihoya kilya kii lohi kyemwinenga ikundana na wanawawama lilakulembetseṟye muwe mochikundana mnu necha nyo muwenyi na wenyi kui mrima fose.

1PETRO 1:7

Kitewe nyi kundu kihesha mwidikye fonu kiende kiṟumi kicha kota kilya kyehesha sahabu iya yechisia nayo yekyemanyisho modonyi, kishikye iwono kyechiende kiichiko na wuitoṟi na kiṟumi mandi halya Yesu Kristo echiwonekya.

1YOHANE 5:20

Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.

OTAMBAHALUO LO YOHANE 16:11

Wakaruma Ruwa chu o ipfo ruwehu kipfa kya mawawio hawo na kipfa kya matinga hawo. Indi waladumbuye na ida mawuto hawo mawicho.

OTAMBAHALUO LO YOHANE 19:14

Na matorito ha ipfo ruwehu hakamwosha hariyo nyi frasi njiili pang'a haṟee mṟaye mwiili iharami.

OTAMBAHALUO LO YOHANE 19:8

Kainengo pfinya nakuṟaaye maṟao maili pang'a maharami.” (Mmaṟao ho nyi mawuto mecha ha wandu wa Ruwa.)

OTAMBAHALUO LO YOHANE 22:11

Mokoṟa wumbafu nakwengeṟye ikoṟa wumbafu, menyi-ngafu nawekuengeṟya ikuterefutsa. Menyi-wusumhanyi nakuitike iwuta kya wusumhanyi na menyi kikale nawekuitika ikuwada na kikale kilya.

OTAMBAHALUO LO YOHANE 3:18

Ngakuikimba, kunda ihuṟa koko sahabu inlangishe-langishe modonyi kundu uwe msuṟi lohi. Nohuṟe, na mṟae iya mwiili, ukushikye nayo, kundu kulawono wusutsu wo kiṟanguo kyapfo. Huṟa-da na mafuda mecha heshiia meso hapfo kundu uhende yambuo.

1SAMWELI 24:13

Kumbuo kilya kikidede kacha, ‘Ko mndu mbicho kokewukapfo wuwicho,’ kyaindi inyi njechihoṟuo owoko loko ikuwutia kiwichopfo.