DANIELI 12:1 - Bibilia Kui Mdedie fo Kimochi

¹ “Kiheri kyo Mikaeli nechihoṟoka, mnene o ngapano nahoṟoke ora lo wana wa wandu wako; kochiwa kiheri kya wukiwa wulalemewono wokia mbooko itane kiheri kyo, na kiheri kyo wandu wapfo wechikiṟo orio umu echiwono amṟehiye kiidi kya kitapu kilya.

DANIELI 12:1 Iomraidhean Croise

SHIIMBO SHA DAWIDI 56:8

Noleitala iṟaha-ṟaha lyako; Wika mchenyeṟe yako selelenyi yapfo. Angesa hai kitapunyi kyapfo?

SHIIMBO SHA DAWIDI 69:28

Uwaangatse ipfo kitapunyi kya moo, manya walasanzo na wenyi wucha.

YESAYA 4:3

Nakyo kechiwa ke ulya echitsuhaa kiidi kya Sioni na ulya aledeo kiidi kya Yerusalemu, nechilaho ai Mwele; ke orio umu amṟehiye kiidi kya iwo wai na moo kiidi kya Yerusalemu;

YESAYA 9:7

Kiheri kya wuitoṟi woke na ofoṟo, shechimanda manya le-pfo. Kiidi kya loṟika lo wuitoṟi wo Dawidi na wumangi woke. Iwuikara na iwuhoṟotsa Kui mwanduye na kui wulohi, Wokia wulalu itane mlungana. Wunyenyi wo Mndumii menyi Matorito wochiwuta wudo.

YEREMIA 30:10

“Inyi Mndumii-Ruwa ngahamba njidi: ‘Ma kulaowuo iyo Yakobo mṟundi oko; ma kulauko madima, iyo Israeli; kipfa njechikukiṟa ipfo kuleshe ui, na oshari lopfo luwuke osamiṟonyi. Nochiwuya na ikaa olelenyi, ma kuwode mokuowesha pfo.

YEREMIA 30:7

Lohi, mkonu fo nyi fung'anyi, kuwode fungi cha ifo pfo; nyi mkonu fo kiwi ko wandu wa Yakobo; ma kudo wechikiṟo pfo.

EZEKIELI 13:9

Ambuya owoko loko nyi lukeri huye ya waikimbi wo waonguo mbonyi tsa wongo na tsekelemba, wechikaa wawese wanene wa wandu wakopfo, manya wechiṟehiyo ipfo mṟehonyi ha mba ya Israeli pfo, manya wechikaa waide na orukenyi lo Israeli pfo, na ikyo kechimuloṟa ke inyi nyi Mndumii-Ruwa.

EZEKIELI 34:24

Inyi Mndumii-Ruwa nyi njechiwa Ruwa owo, na mṟundi oko Dawidi nechiwa mnene owo. Ambuya nyi wudo Inyi Mndumii-Ruwa ngahamba.

EZEKIELI 5:9

Ambuya, kipfa kya mawicho hose ulenjiwutia iyo Yerusalemu, njechikuwutia kindo kiwicho sa njilalemekuwutie manya njilechikaa njikuwutiese.

DANIELI 10:13

Kyaindi mnene o wumangi wo Uajemi nyi alehodana na inyi mkonu makumi hawi na fumu (21) ; kyaindi ambuya Mikaeli cho, umu o wanene wasonguo, kacha injitarama; na inyi ngamda pfo hamu na wamangi wa Uajemi.

DANIELI 10:21

Kyaindi njechikumanyisha shilya shishiṟehie kiidi kya Kitapu kya wulohi. Kuwode mndu echiidima injitarama iwinza wanduwa sile nyi Mikaeli, msu mringi onu-pfo.”

DANIELI 11:45

Nechihoṟotsa mahema hake ha wumangi kiidi kya ipalyipalyi na fumvu yele lya wucha; kyaindi nechishika mtsitsionyi foke, ma kulawode mo momtarama.”

DANIELI 7:10

Meda cha fo modo fukaida oshangunyi loke; shiku na shiku wukamṟundya, na shiku ikumi ka shiku ikumi wakahoṟoka oshangunyi loke, mwanduye fukawiko, shitapu shikatambaṟuyo.

DANIELI 9:12

Nao nainutsia madedo hake, halya awehambie kyadu, na walya waleluletsa wakaluendie mawicho hang'anyi; kipfa kunu shi ya ruwehu kuwode kindo kilemeutika cha iki kilewutika Yerusalemu pfo.

YOELI 2:2

Mkonu fo nyi fo mema na isumkia; nyi mkonu fo mapuchi na mtima. Mbahanyi ing'anyi ya nzihe ikeri kufui, ikeri cha isulia lya mema liliale mafumvunyi. Kindo cha iki kilemeutike male-pfo, ma kechikaa kiutike se marika hose haicha-pfo.

MALAKI 3:16

Nahong'u walya waindie Mndumii wakawiana wo wenyi na wenyi. Na Mndumii kaadanyia, kaicho; na kitapu kya ngumbuo kikaendo na iṟehio kipfa kya walya waindie Mndumii na ikusaṟa kya rina lyake.

MATAYO 24:21

Cha kipfa kukamshika mandi nalyo kuche shiwira sa shiingi sa shilalemewoneke kiwokia lilya mawokioonyi ha wuyana itane mandi ha ha wulalu. Ma ili numa shechiwonekase shidopfo.

MARIKO 13:19

Nyi kipfa mfiri yo kochikaapfo wukiwa wung'anyi sa wulalemewoneke kiwokia mawokenyi ha shindo sho shi shiwumbe nyi Ruwa shika mandi ha wulalu. Ma ili numa wochikiwoneka-se wudopfo.

LUKA 10:20

Kya kake mulawone mochichihio ili mumuyo mbicho imbike shi yanu ikamuicho; indi chihionyi kya ili marina hanu hamaṟehie kulya ruwehu.”

WAROMA 11:15

Kyamba kokoya ipfo kundu wamhenda ileho-wo kukuwukye-ho kisanza wuyana na Ruwa, nyi-ki kyechiwuka ipfo kundo wehenda yambyo nyi Ruwa? Wapfu wechiṟuka!

WAROMA 11:26

Kikamewa kido na Israeli yose yechihenda ikiṟo, chando kuu-kuṟehye, “Nyi kulya Sioni kochiwuka-ho mkiṟa. Nyio sa echiletsa Yakobo wulemeshi wulya.

WAEFESO 1:21

Kidembo kyake kisongoe orio wuwee na wusuṟi na wuidimi na wuchili wose na orio wunene wo orio rina lyechiwa isendo maheri ha kiiwulalu ang'uhalya hechiitumana naho.

WAFILIPI 4:3

Na iyo-se Sinzigo oko msalari, ngakuterewa na iyo uwaikanye nyiwo wawerianyi na inyi ikapanya ndumi ya sia ya okiio handu hamu na Klemensi na wakyando wako walya wengi wai-waṟehye marina hawo ipfo kitapunyi kya moo.

YUDA 1:9

Indi o Mikaeli msu chu ang'anyi ilindi aleloyana na Satana wechikapanya-ho mnying'a fo Mose ma alekarya imkumbya satana mdumbuye echimrumapfo kya indi alehamba. Mndumii nakudedye.

OTAMBAHALUO LO YOHANE 1:5

Shiwukye ko Yesu Kristo ai mṟingishi ulya mhendeli o kuwoka iwada moo aṟukie wapfunyi, ai mnene o mangi tsa wanda ii. Nyio alukundi kaluletsa manyamaṟo hadu kui samu yake.

OTAMBAHALUO LO YOHANE 12:7

Kukaamka-ho shida ipfo ruwehu iwei ya Mikaeli na wasu wake waele yekapana na molyimo fu. Na molimo fukaamtsa shida furianyi na wasu wafo.

OTAMBAHALUO LO YOHANE 13:8

Na walya wai iya wuyana wechihenda iliolokia wose iwo walai-waṟehie marina hawo kitapunyi kya moo wokia matika halya ha kidihina kilya kishinje.

OTAMBAHALUO LO YOHANE 17:14

Wo nyiwo wechira shida yewahana na Kidahina kilya. Na kidahina kyeshiwawinza, kipfa nyi Mndumii o wandumii na Mangi ya wamangi na walya wai nao wo waiwalahe wai-wasambuṟe wai wahendeli.”

OTAMBAHALUO LO YOHANE 20:12

Na ngamwambuo ngawewona wandu walya wang'anyi na walya watutu wahoṟoki oshangunyi lo loṟika lulya lo wuitoṟi. Na shitapu shikatambaṟuo. Kukawetambaṟuo na kitapu kingi, nkyo kitapu kya moo. Na wapfu walya wakaanduyo kyawo kisumhanye mawuto hawo haimaṟehye ipfo shitapunyi.

OTAMBAHALUO LO YOHANE 20:15

Na mndu alawekoyo aimṟehye ipfo kitapunyi kya moo o kahenda yombotso ipfo nduwenyi ya modo.

OTAMBAHALUO LO YOHANE 3:5

Wawinzi nyi wudo wechiṟiko nguwo njiili. Na marina hawo njechihaangatsa kitapunyi kya moopfo. Na inyi njechiwaṟingishia ke nyi wako oshangunyi lo Wande oko na oshangunyi lo wamalaika wake.’

OTAMBAHALUO LO YOHANE 7:14

Na inyi ngambia, “Iyo, Mndumii oko, ukiichi.” Nao kanjiwia, “Iwa nyi wachee waalenyi wulya wung'anyi wakawesanja maṟao hawo ipfo samunyi ya kidahina ki wakahailisha-ho hakaila pang'a.