DANIELI 11:4 - Bibilia Kui Mdedie fo Kimochi

⁴ Ma kudo kiheri wumangi woke wochiṟuṟuma, wochifunjika, na ihawukana njora tsiina; kochiwono ma oshari lokepfo, ma ochiidima iidikia ke kulemewada mangi ipfo kisharinyi pfo; kipfa wochikuṟuyo na ihadimo kipfa kya wengi-se.

DANIELI 11:4 Iomraidhean Croise

SHIIMBO SHA DAWIDI 39:6

Mndu nyiekehenda ipfo na ipfo cha kiriinje; nyiekefohika tupu kipfa nyi mai na mai; nyiekewika kisa manya alaichi msa aikiduo.

KOHELETI 4:8

Kuwode mndu ai amonyi, awode o kawi pfo, awode mana ma manomae pfo; na wusuṟi woke wuwode mtsitsiopfo, meso hake haihuda wusuṟi-pfo. Naho kahamba nyi kipfa kya iki njiṟunda, na ikuima shicha? Isho nasho nyi maai na wukiwa wung'anyi.

YEREMIA 12:15

Kechiwa ngamewawutapfo njiwuye iwasaṟia, numa njiwaendese orio mndu naide na kyoṟenyi kyake na orio mndu naide na orukenyi loke.

YEREMIA 12:17

Kyaindi mkambo fose fo wandu fulakunda injiindia; njechiwakuṟuo na iwarumatsa kichi kichi. Nyi inyi Mndumii-Ruwa ngahamba.”

YEREMIA 18:7

Kiheri kyose njechionguo mbonyi ko mkambo na mbonyi tsa wumangi ikuṟuo na ifunja na irumatsa.

YEREMIA 31:40

Pichi lyose lileṟiko wapfu na ikumbo-pfo ifu, madema hose, mṟasa kimeda kya Kidroni, mṟasa ora lo kichumi kya frasi woambuya ora lo ngamenyi, lochiwa luele lo Mndumii-Ruwa. Kuwode kindo kechinyamaṟo pfo pfo ma iwunduyo se mlungana pfo.”

YEREMIA 45:4

Indi Mndumii-Ruwa nanjiwia njikuwie kudi: “Ambuya, shilya njilewika njishiwunduo, na shilya njiwaaya njishikuṟuo; njechiwuta kudo orukenyi lose.

YEREMIA 49:36

Njechiende otanu luwuka njora tsose tsa ruwehu; njechiwarahanyitsa orio handu ma kulechiwada mkambo fulawode wadichi wawukie Elamu.

EZEKIELI 37:9

Nyilyondo Mndumii-Ruwa alenjiwia, “Iyo mndu! Henda onguo handu hako ko otanu uluwie kudi, Mndumii-Ruwa nyi ahamba adi; Iyo otanu njo uwuke njora tsose tsina uifilie mbihu i iwepfie kundu iwade moo.”

DANIELI 7:2

Danieli kadeda kechihamba, “Njilewona njidi kiidi kya kio; njowira tsiina tsilewiwita tsa ruwehu; tsiapfinya mnu huya ipalyipalyi ling'anyi.

DANIELI 7:6

Numa ngaambuya ate kuwode se lingi lifananyi na rumu, liwode makungo hana o mhongo cha ndehe; nalyo liwewode mdo iina; likainengo wuitoṟi.

DANIELI 7:8

Ngatuluya meso membe tsilya, kukadosa ho membe kiidi kya itso indi iwei njitutu, kukaṟuka membe tsiṟaṟu tsisonguo na kiidi kya membe tso kuwewode meso cha meso ha mndu, na dumbu liweideda madedo ha kiṟiha.”

DANIELI 8:22

Kya ombe lulya lulefunjika, tsikadoso ho membe tsiina, mangi tsiina tsechihoṟoka kiidi kya mkambo fo wandu walya walya, indi pfinya yawo yechianguo.

DANIELI 8:8

Kyoṟo kilya kikakuichika mnu, kiheri kilewada pfinya, ombe lulya lumu lukafunjika lulya luweng'anyi, oweṟe kitutu kukado membe tsingi njiapfinya tsiina kui njohawi tsiina tsa ruwehu.

ZEKARIA 2:6

Na wulalu dichenyi oruka lo mtsudu, Mndumii ahamba kipfa inyi nyi ngawarahanyitsa onyo cha njotanu tsiina tsa ruwehu, Mndumii ahamba.

ZEKARIA 6:5

Malaika ulya kanjihaluo, Magari ha nyi njotanu tsiina tsiukie oshanguni lo Mndumii-Ruwa.

MATAYO 12:25

Kyasia Yesu amemanya mahio halya hawo kawawia, “Orio oruka lose ilu lulekanyi wenyi na wenyi nyi lochihaluka mrapu.

LUKA 12:20

Kyaindi Ruwa kambia, ‘Iyo nyi tondo, kio-ki nyi wechicha ishiha moo fopfo wafuduo, aka isho uteseheṟie nyi shechiwa sha-u?’

OTAMBAHALUO LO YOHANE 7:1

Shamesia isho ngawona wamalaika waele waana wahoṟoki ipfo njorenyi tsiina tsa wuyana wechiwada njotanu tsiina tsa iya wuyana, kundu manya otanu lulawiwite ipfo sangenyi ma nduwehu ma orio kose kuwode mashidi.