DANIELI 11:35 - Bibilia Kui Mdedie fo Kimochi

³⁵ Na kiidi kya walya walaanyi wechioloka, kundu wakuilishe, wailisho na isanjo na iila peṟu, mṟasa ifurumia; kipfa nyi kikiteṟie nakyo kyameshikepfo.

DANIELI 11:35 Iomraidhean Croise

2MBONYI TSA MAHERI 32:31

kiheri wadume wang'anyi wa Babuloni waledumo koke iwesa kya kindo keṟihisha sa kilewutika kulya orukenyi, Ruwa, nalemda nakuanduye o amonyi, kundu namheshe na imanya kindo kikeri ipfo mrimenyi foke.

MFANANO 17:3

Modo ko fesa na okaa ko sahapu; Indi Mndumii nekehesha ngoo tsa wandu.

YESAYA 27:9

Kyasia wuwicho wo Yakobo wochiilisho wudo, na itso nyitso ndunda tsose tsembuta wunyamaṟi woke; ilyi echihaluo maho hose ha rasioni hawe cha maho maili hamapaṟe-paṟe, mṟasa mbuo na sanamu tsa mnengeṟi tsechihoṟoka-sepfo.

DANIELI 11:27

Na kui mbonyi tsa wamangi wo wa wawi, mrima yawo wechikusaṟa itana mawicho, wechideda wongo ilyi wadamie shelyenyi; indi ikyo kechitarama pfo; kipfa ifurumia na lihoye kiheri kii kiteṟie.

DANIELI 11:29

“Kui kiheri kii kiteṟie nechiwuya, na ihenda kya nuka, kyaindi kiheri kyo shindo shechiwa chandu shiwei ili mbooko pfo.

DANIELI 11:33

Na iwo wai walaanyi kiidi kya wandu wechilosha wafoi, ma kudo wechioloka kui oshu, na kui modo, na kui ipfungo na kui idao wapfungo mfiri ifoi.

DANIELI 11:40

“Na kiheri kya ifurumia mangi ya nuka nyi echihodana nao; na mangi ya mtsudu nyi yechimkapa na otanu lo kiwiriwiri, hamu na magari ha shida, na wandu wa frasi, na merikebu tsifoi; nao nyi echiida kiidi kya njorukatso kui pfinya na iida kiidi.

DANIELI 12:3

Walya walaanyi wo wechiwaa cha sa ya nginehu, na iwo wesongoya wengi iwuta mecha wechiwaa cha nyenyeri mlungana na mlungana.

DANIELI 12:4

Kyaindi iyo Danieli, pfunga madedoha, nohawike kiṟingishiyo kitapunyi; nopfunge kitapu kyo mṟasa kiheri kya ifurumia; wafoi wechihenda ipfo na ipfo na wuṟango wochiengeṟeka.”

DANIELI 8:10

Lukaang'ana handu loshikia matorito ha ruwehu, ikaolotsa wanda kyenga kyaho na kya nyenyeri lukatsichumachuma.

DANIELI 8:17

Kyasia kasembelia alyando mbehoṟoki; na inyi ngaowuo lilya alecha na afui ngaho wanda na kyamu, kyaindi o kanjiwia, “Manya iyo mndu o wandu mawonesio ha nyi ha kiheri kya ifurumia.”

DANIELI 8:19

Kanjiwia, “Ambuya, njikumanyishia mbonyi tsechikaa tsiwutike alya masiionyi ha maheri ho hai mateṟie; kipfa nyi wudo kechiwa kui nyashi ya Mndumii.

DANIELI 9:27

Nao nyi echiwikaho mkundana mhoṟotsu na wandu wafoi kiheri kya mfungade fumu; na kyenga kya mfungadefo nyi echiima shiano shedasa; na o kiidi kochihoṟokaho kiwi kya orumatso; nahong'u mtsitsionyi, na nyashi iya iwenjiteseheṟe ihende hoya ichu monyamaṟa.”

HABAKUKI 2:3

Ndodo ii nyi ya kiheri kiteseheṟe, ikambiṟa mtsitsionyi foyo manya yechihamba wongopfo; ma ikakeleo, iwede, kipfa na kikaki na iche ilechikeleo.

ZEKARIA 13:9

Ikyo kimu kechideo njechikihesha na ikitana kyele cha mndu mosanja fesa; cha mohesha sahapu. Kyasia, wo wechinjiterewa na inyi njiwahaluo, njechihamba iwa nyi wandu wako, nawo wechihamba Mndumii-Ruwa nyio Ruwa odu.”

MATAYO 16:17

Kyasia Yesu kahaluo kambia, “Ungusu iyo Simon Petro, kipfa manya chi nyama ma samu shakudambuya ishipfo chila na Wande o ipfo ruwehu.”

MATAYO 26:56

Nakyo kyose kimaduma kikahenda kido nyi shilya shii shiṟehye nyi waikimbi kundu shechiinukya.” Nalyo walya wa kiloshyonyi wakamda wakadicha wose.

YOHANE 15:2

Orio iṟamba lipaṟikye koko likada lilawika ndunda lyo alirawuyaho. Na ili lii-pfo lyose liwika ndunda lyo alitasana liengeṟe iwika ndunda.

YOHANE 20:25

Naho wa kiloshyonyi walya wengi wakambia, “So lombona Mndumii.” Nao Toma kawawia, “Ngamda njilambona ngoru tsa msomari ipfo mahinyi hake, njilambika ma kimnyo kyako ipfo ngoru-hu tsa msomari ma owoko loko ipfo owarinyi loke njechikuidikya ma ngashika indipfo.”

MAWUTO HA WASU 13:13

Kikasia Paulo na wodoe wakaira kyaṟo kya ngalawenyi wawuka kulya Pafo wakashika kulya Perga orukenyi lo Pamfilia. Yohane kalekana nawo kawuya na Yerusalemu.

NGUMBUO YA MAWAWASO 8:16

Kingise nyio alewainenga mkate kulya nuka, kelya sa waku wanu walawemekimanye. Nalewuta isho shose kundu namuheshe na imutiichia lyefurumia naidime imuinenga mecha hake.

YAKOBO 1:2

Wanawawama wako, kokoya moshika ihoyo shihesho shiwe na shiwe, iki mukitane sia ii njenyi.

OTAMBAHALUO LO YOHANE 14:15

Na msu mwele ungi kawuka ipfo hekalunyi kaira ṟu kechilaha ichu adamye ipuchihu lilya kehamba, Dika mndo fu fopfo, henda isambuo. Kipfa kiheri kyesambuo kyamshika. Kilimu kya iya wuyana kyamewiṟa.

OTAMBAHALUO LO YOHANE 17:17

Kyamba Ruwa alehomoya ngoonyi tsawo iwuta kilya aikihia wawe wechikiwuta na mhie fumu na yenenga indo lyo wumangi wowo itane madedo ha Ruwa haawukya.

OTAMBAHALUO LO YOHANE 2:10

Ma kulaowuo manyale ishi shekuendie iwawyo. Ambuya! Mbicho ulya nakundi ikumba wanu-ho maata kipfungonyi kundu muhende ihesho. Nanyo mochihenda iliso wukiwa mfiri ikumi. Wenyi wahendeli mtaane mopfa na inyi njechimuinenga aambo lya moo.

OTAMBAHALUO LO YOHANE 7:14

Na inyi ngambia, “Iyo, Mndumii oko, ukiichi.” Nao kanjiwia, “Iwa nyi wachee waalenyi wulya wung'anyi wakawesanja maṟao hawo ipfo samunyi ya kidahina ki wakahailisha-ho hakaila pang'a.