DANIELI 11:15 - Bibilia Kui Mdedie fo Kimochi

¹⁵ Kyasia, mangi ya mtsudu nechicha, nawike sohu, nakape mṟi fuwode omombo; shisha sha nuka shilechiidima imkapa, ma wandu wake wasambuṟe, ma kulechiwada pfinya yemkapa.

DANIELI 11:15 Iomraidhean Croise

YEREMIA 33:4

Kipfa, inyi Mndumii-Ruwa, Ruwa o Israeli ngahamba ke mba tsa mṟi fo Yerusalemu na mba tsa wamangi wa Yuda tsilewunduyo kipfa kya itengetio na isaṟikio.

YEREMIA 5:10

“Doyenyi omombohu loke muwunduo na inyamaṟa, kyaindi mulanyamaṟe mumarise pahuonyi maṟamba halyo, kipfa hai ha Mndumii-pfo.

YEREMIA 52:4

Kikawa kiidi kya mfiri fo ikumi fo meri fo ikumi maka fo kenda fo wuitoṟi wo Sedekia, Nebukadneza mangi o Babeli, naleshika na ichekeṟo lyake lyose kundu nache isaṟikia Yerusalemu, wakatengetia mṟi fo na ifuringichia riti.

YEREMIA 6:6

Kipfa Mndumii menyi matorito nahamba adi, “Manyenyi Mashidi muwike omombo. Lutengete Yerusalemu. Mṟi fu nyi mṟi fukeri inyamaṟo. Nyi mbaka tupu tsiichio pfo.

EZEKIELI 17:17

Kyamba mbahanyi yo ya Farao ma chandu ing'anyi yechiidima imtarama shidenyi pfo, ili mandi wechiṟingichio na mfoo watengetienyi, ipfo kundo wechioloka na irumatso,

EZEKIELI 4:2

Loṟa chando mṟi fu fufutengetie, ochiloṟa njomombo na shiṟaṟo shifusembelie, keweloṟa shiṟaṟo sha waskari shifuṟingichie na maṟipo hang'anyi hewunduo mṟi fu hafuṟingichie njora tsose.

DANIELI 11:14

“Mandi ho wandu wafoi wechihoṟoka wakapane na mangi ya nuka; kake, wawode orikiki kiidi kya wandu wapfo wechikuiria waṟingishie mawonesio; kyaindi wechioloka.

DANIELI 11:6

Kukameidaho maka njiliwe wechiwuya se itarama, kipfa mana o waka o mangi ya nuka nechicha isahiya mangi ya mtsudu, kundu waidime iidikiana; indi echiwada pfinya ipfo mawokonyi hake mfiri yosepfo, ma mangi iya yechihoṟokapfo, ma owoko loke; indi mana ulya o waka nechiwuto, na walya walemwende, na ulya momfee, na ulya alemneenga pfinya ilyi mbooko.

DANIELI 8:7

Ngawona kechihenda na nyashi kikasahia isuwa lilya kikalikapa kikafunja membe tsilya tsa isuwa lilya, likalehela likahowanda, kyoṟo kilya kikalifunja funja na kikachuma chuma; kulawoneke mowuta isuwa lilya mawokonyi hakyo.

YOSHUA 1:5

Ambuya Yoshua, kuwode mndu ose echiidima iwinzana na iyo kiheri kyose ui na moopfo nyi njechikaa na iyo chando njiwei na mṟundi oko Mose, nyi njechikaa handu hamu na iyo manya njechikulekiapfo.