DANIELI 10:6 - Bibilia Kui Mdedie fo Kimochi

⁶ Mbihu foke fuwei cha zabarajadi njicha, kyamu kyake kiwei cha mbawa, na meso hake cha taa tsa modo, mawoko hake na madende hake mfananyie foho nyi menya ya aṟeṟa iya njiili injisanje mnu, ṟu lya madedo hake lifananyi na maṟu ha kituṟu kya wandu.

DANIELI 10:6 Iomraidhean Croise

IWUKA 28:20

na otasa lo kaana lochiwa nyi zabajaradi, na shohamu, na yaspi; shindo sha wuhurushi shechiwanzio kiidi kya sahabu shiichuṟo handu hasho.

SHIIMBO SHA SOLOMONI 5:14

Mawoko hake nyi cha shiwale sha sahabu, shishisaye kui zabarajadi, mbihu foke fui cha iṟunda licha, lya ndumba, injishie nyi ṟangi iya ikengemae,

EZEKIELI 1:14

Shiumbe shilya shikakuidia ipfo na ipfo cha owaṟuko.

EZEKIELI 1:16

Madenga halya nyi hawefananyi, naho hawekeriaka aka cha iho lya wuhuru wung'anyi. Msungusie fo madenga ha fukawa cha idenga limu kiidi kya idenga lingi.

EZEKIELI 1:24

Ili mandi shiwehenda, ngaicho ṟu lya makungo hasho, ṟu lyo likawa cha ṟu lya mṟinga fufoi likawefanana na ikuṟuṟuma lya Mndumii aitoṟie shose, ṟu saling'anyi lioweshie cha lya mbahanyi; ili mandi wahoṟoka, wakalema makungo hawo.

EZEKIELI 1:7

Madende hawo hawemahoṟotsu, na njowayo tsawo tsikafanana na mbahachu tsa mbe; natso tsikaakaaka cha aṟeṟa iweisanje.

EZEKIELI 10:9

Ambuya njilewona shidenga shiina shifananyi. Kidenga kimu mbai ya orio kiwumbe. Shidenga shilya shiwekeri iaka aka cha iho lya zarabajadi.

EZEKIELI 40:3

Kyasia amemaa injiduo pfo ngawona mndu awehoṟokiho akeri iakaaka cha aṟeṟa. Ipfo owokonyi lo mndu cho nyi awewodepfo orusu lo katanyi yepima na kidi kepima, nao nyi awehoṟoki kufui na mongo.

EZEKIELI 8:2

Nalyo ngawona kindo kiwei cha ofano lo mndu kunu wanda kukawa cha modo fuiaka na huye kukaakaaka cha menya ya aṟeṟa injisanje.

MATAYO 17:2

Nalyo kailachika kawada fana ya sa wawonyi. Kyamu kyake kikawa ngeela cha mnengeṟi na nguwo tsake tsikaila weṟu cha sa.

MATAYO 28:3

Na fana yake kafana cha mbawa, na nguwo tsake tsikaila weṟu cha makuṟeṟa.

LUKA 9:29

Kechiterewa, kyamu kyake kikailacha fana, na nguwo tsake tsikaila weṟu tsikakengemaa.

OTAMBAHALUO LO YOHANE 10:1

Kiidima ngawona msu mwele ungi sa mwaapfinya asoka ruwehu. Aweṟee ipuchi, na menge ya mkoṟi iwekeri mdo-hu foke. Na oshangu loke luwei cha menengeṟi, na madede hake hawewa cha mtsinde ikeri modo.

OTAMBAHALUO LO YOHANE 19:12

Meso hake hai cha olewo lo modo na ipfo mdohu foke aṟee oṟo nchope tsa wuitoṟi tsifoi na rina lii-iṟehye-pfo lyilamanyikye nyi mndu shila nao amonyi.

OTAMBAHALUO LO YOHANE 2:18

Na msu ulya o siṟi ya Tiatira ochimṟehya, Aii ndumi ya Mana o Ruwa awode meso haiakaaka cha olewo lo modo, na madende hake haiwaa hafananyi na menya ya aṟeṟa.

OTAMBAHALUO LO YOHANE 21:20

Lya katanu lyo Saridonyiki, lya kaṟandaṟu lyo Saridonyi, lya ka mfungade lyo Krisolidosi, lya ka nyanya lyo Berilo, lya ka kenda lyo Topasio, lya ka ikumi lyo Krisopiraso, lya ka ikumi na limu lyo Hiakinyito, lya ka ikumi na kawi lyo Ametisito.