DANIELI 10:21 - Bibilia Kui Mdedie fo Kimochi

²¹ Kyaindi njechikumanyisha shilya shishiṟehie kiidi kya Kitapu kya wulohi. Kuwode mndu echiidima injitarama iwinza wanduwa sile nyi Mikaeli, msu mringi onu-pfo.”

DANIELI 10:21 Iomraidhean Croise

DANIELI 10:13

Kyaindi mnene o wumangi wo Uajemi nyi alehodana na inyi mkonu makumi hawi na fumu (21) ; kyaindi ambuya Mikaeli cho, umu o wanene wasonguo, kacha injitarama; na inyi ngamda pfo hamu na wamangi wa Uajemi.

DANIELI 12:1

“Kiheri kyo Mikaeli nechihoṟoka, mnene o ngapano nahoṟoke ora lo wana wa wandu wako; kochiwa kiheri kya wukiwa wulalemewono wokia mbooko itane kiheri kyo, na kiheri kyo wandu wapfo wechikiṟo orio umu echiwono amṟehiye kiidi kya kitapu kilya.

DANIELI 12:4

Kyaindi iyo Danieli, pfunga madedoha, nohawike kiṟingishiyo kitapunyi; nopfunge kitapu kyo mṟasa kiheri kya ifurumia; wafoi wechihenda ipfo na ipfo na wuṟango wochiengeṟeka.”

DANIELI 8:26

Na mawonesio ho ha kiheri kedasa kya kyiukanyi na ngamenyi shahambo nyi lohi; indi iyo shikia shiwonesio shi kipfa kya maka iicha mkonu sa ifoi ikeri icha.”

DANIELI 9:22

Kanjiwawasa, kadeda na inyi kahamba, “lyo Danieli, ngakuchea wulalu njikunenge wuṟango uidime imanya.

DANIELI 9:25

Kyasia wulalu umanye, wokia wuwawaso wo isungusia na iṟeheṟa wuhya Yerusalemu mtano kiheri kya icha lya ichu amshie mafuda ang'anyi; kochiwa mfungade mfungade. Ko mfungade makumi haṟandaṟu na iwi (62), mṟi fo Yerusalemu fochiwiko se ko wuhya na fochiwada mtandaṟa mnene na mṟeshi kyaindi kiheri kyo kochiwada wukiwa.

AMOSI 3:7

Nyi kya lohi kya ndiyo Mndumii-Ruwa echiwuta kindo kyose alaloṟa waṟundi wake waikimbi kiṟikyekyo kya kyaanyapfo.

MAWUTO HA WASU 15:15

Na madedo ha waikimbi na haidikyanyi na iho chando kii kiṟehye.

MAWUTO HA WASU 15:18

Nakyo kimanyikye ke kii kido matsi mawokyonyi ha wuyana.”

YUDA 1:9

Indi o Mikaeli msu chu ang'anyi ilindi aleloyana na Satana wechikapanya-ho mnying'a fo Mose ma alekarya imkumbya satana mdumbuye echimrumapfo kya indi alehamba. Mndumii nakudedye.

OTAMBAHALUO LO YOHANE 12:7

Kukaamka-ho shida ipfo ruwehu iwei ya Mikaeli na wasu wake waele yekapana na molyimo fu. Na molimo fukaamtsa shida furianyi na wasu wafo.