DANIELI 10:16 - Bibilia Kui Mdedie fo Kimochi

¹⁶ Oweṟe kudi, umu afananyi na wandu kapaya dumbu lyako; naalyo ngawoka ideda, ngawia ulya awehoṟoki afui na inyi, “Hoi Mndumii-Ruwa oko, kipfa kya mawonesio ha ngawuya ihoyose nyi fowa; ngalehela piu.

DANIELI 10:16 Iomraidhean Croise

IWUKA 4:10

Mose kawia Mndumii-Ruwa, “Hoi Mndumii, wokia kacha inyi chi mndu mokidedapfo, manya wokia mandi ulewooka ideda na mṟundiopfo, kyamba inyi njimwangu idedapfo, na olimi loko luulemeri”

IWUKA 4:13

Mose kahamba, “Ee-wo Mndumii, ngakuterewa, duma mndu ungi.”

KOHELETI 1:18

Kyamba, kiidi kya mfoeṟa fo wuṟango kuwode fowa, na ichu moengeṟa wuṟango naengeṟa mkuinadiye.

YESAYA 6:7

kapaya momu yako na okaa lo kanjiwia, “Ambuya okaa lu lopaya momu yapfo, na wukika wopfo womewutoho na wunyamaṟi wopfo womesanjoho.”

YEREMIA 1:9

Nalyo kudi Mndumii kahoṟuo owoko loke kapaya dumbu lyako; Mndumii kanjiwia, “Ambuya, ngawika madedo hako dumbunyi lyapfo;

EZEKIELI 1:26

Huye ya mwalonyi fulya huye ya mdo yawo kuwekeriho loṟika lulusungusie ko fana ncha. Huye ya loṟika lulya kuwedamieho umu awefananyi na mndu o wandu.

EZEKIELI 3:27

Kyaindi njechicha idedase naiyo, njitambaṟuo dumbu lyapfo nuwawie, nyi wudi Mndumii-Ruwa ahamba. Ulya akunda iicho naicho, na ulya alakunda ikuadanyia nyi kyake. Kyamba wandu wa nyi wai waminyi.”

EZEKIELI 33:22

Kiheri kya kyukanyi iamkia mkonu fu, mndu chu awedichie alecha, pfinya ya Mndumii-Ruwa ilenjisokia, koikyo icha lya mndu chu likanjitaṟawuo, dumbu lyako likaidimase ideda.

DANIELI 12:8

Inyi ngaicho indi njilamanye, nlyong'u ngahamba, “Ee Mndumii-Ruwa oko, ifurumia lya mbonyi tsi lyechiwa lida?”

DANIELI 4:19

Naalyo Danieli, amlahe rina lyake Belteshaza, kaṟihiyo handu ha oweṟe makusaṟo hake halakae sumuhana. Mangi kawia Belteshaza, “Ambuya ndodo i ilakuṟihishe ma mdambuye foyo.” Kyasia Belteshaza kambia ndodo i ikoye iwo wose wakusuo na mdambuye foyo fukoye wakituwa wapfo.

DANIELI 7:15

“Kyasiang'u inyi Danieli, mrima foko fukasokio mnu nyi fowa na mdo foko fukaichuo mahio malemeri.

DANIELI 7:28

“Ifu nyi mtsitsionyi fo mbonyi iya. Na inyi Danieli mhio foko fukaeṟewe na oshangu loko lukailachika; indi ngawika kindo ki mrimenyi foko.”

DANIELI 8:15

Kikashika o inyi Danieli, kiheri njilewona shiwonesio shi, njeshiha ishimanya, oweṟe ngawona msa ahoṟoki ofano lo mndu oshangunyi loko.

DANIELI 8:17

Kyasia kasembelia alyando mbehoṟoki; na inyi ngaowuo lilya alecha na afui ngaho wanda na kyamu, kyaindi o kanjiwia, “Manya iyo mndu o wandu mawonesio ha nyi ha kiheri kya ifurumia.”

DANIELI 8:18

Kiheri kilya awededa na inyi ngawado mado malemeri na kyamu kyako kikaambuya wanda, kyaindi kanjipaaya kanjihoṟotsa chimu.

DANIELI 8:27

Na inyi Danieli ngauma, ngaluo mfiri maata; kiidima ngakure, ngaṟunda maṟunda hako ha mangi; ngaṟihisho nyi mawonesio halya kyaindi kuwode msa alemanya pfo.

DANIELI 9:21

Kiheri mbededa na iterewa, mndu ulya Gabrieli ulya njilemmbona ndodonyi ilyi mawookionyi, kechirundutso owinyi, kanjipaya kiheri kedasa ilyi kyukanyi.

LUKA 1:64

Naalyo tichi dumbu lyake likawuya tambalahaluka na olimi loke naawo, kadeda kechikuidapfumya Ruwa.

LUKA 21:15

Kipfa ipfo madumbunyi hanu nyi inyi njechimbikia-pfo madedo ha wuṟango, na iwo wemkaṟuo wose, wechidima ihakaṟuo ma ihakanapfo.

YOHANE 20:28

Toma kahalwo kambia, “Hoi Mndumii oko. Hoi Ruwa oko!”

YOSHUA 5:14

Nao kamhaluo kambia, “Njikeri onu manya o wakituwa wanupfo. Kyaindi inyi njikeri mnene o mbahanyi ya Mndumii-Ruwa na wulalu nyi ngacha.” Nalyo Yoshua kaarama wanda kamwindia, kambesa, “Hoi Mndumii oko inyi mṟundi opfo nyi ukunndi njiwuteki?”

OTAMBAHALUO LO YOHANE 1:13

Na ipfo makiidi hawi ha mapapang'ae halya ngawonapfo kindo kifanyi cha mndu o wandu aa-mshikye na mṟaye fushikye ndifo akupfungye na okowa lo sahabu mṟasa kipete-hu.

WACHILI 13:8

Nahong'u Manoa katerewa Mndumii-Ruwa, kechihamba, “Ngakuterewa hoi Mndumii-Ruwa, udume-se mndu ulya opfo ulemduma kundu nache ilulosha mbonyi tsiwaṟi iwutia mana cho ilyi mandi echifeo.”

WACHILI 6:13

Gideoni kambia, “Hoi Mndumii oko, kokoya Mndumii-Ruwa nai naso-le, kitewe mbonyi-tsi tsilukooye nki? Heku mawuto hake ha ṟiho iho waku wadu waleluongoya, wechihamba, ‘Mndumii-Ruwa nyio aleluwuta orukenyi lo Misri. Indi wulalu Mndumii-Ruwa nalelukumba na iluwika mawokonyi ha Wamidiani!’”

WACHILI 6:15

Gideoni kahaluo, “Hoi Mndumii, inyi nyi mndu njechiidima ikiṟa Israeli? Kishari kyako kikifafa kota wandu wa mkambo fo Manase na inyi njimonyi nji mtutu mnu kiidi kya wandu wa mba yadu!”