DANIELI 10:13 - Bibilia Kui Mdedie fo Kimochi

¹³ Kyaindi mnene o wumangi wo Uajemi nyi alehodana na inyi mkonu makumi hawi na fumu (21) ; kyaindi ambuya Mikaeli cho, umu o wanene wasonguo, kacha injitarama; na inyi ngamda pfo hamu na wamangi wa Uajemi.

DANIELI 10:13 Iomraidhean Croise

EZRA 4:24

Koikyo iṟunda lyewika mba iya ya Ruwa liletirima handu ha maka iwi ya wumangi wo Dario, mangi o Uajemi.

DANIELI 12:1

“Kiheri kyo Mikaeli nechihoṟoka, mnene o ngapano nahoṟoke ora lo wana wa wandu wako; kochiwa kiheri kya wukiwa wulalemewono wokia mbooko itane kiheri kyo, na kiheri kyo wandu wapfo wechikiṟo orio umu echiwono amṟehiye kiidi kya kitapu kilya.

WAEFESO 6:12

Kipfa ngapano iya ikeri yadu ilai yekapana na wawode samu na nyama, indi nyi yekapana na waapfinya na weduo shida na waitoṟi weitoṟya wuyana wo meema ifu na mumuyo ya wumbafu ikeri shi ya ruwehu.

WAKOLOSE 2:10

Nanyo mui wafeṟe mfeṟa fo moo fumu nao ichu ai mdo fo orio wuitoṟi na wunene.

1WATESALONYIKYE 2:18

Nkyo kitewe luwekundi icha na konu, inyi Paulo limu na lyakawi, indi Satana kaluima.

1PETRO 3:22

Nyio akukerye ipfo owokonyi lo kulyo lo Ruwa ili amaa idoya ruwehu ipfondo amshika ilaṟyo wasu wa ruwehu na waitoṟi na waapfinya.

YUDA 1:9

Indi o Mikaeli msu chu ang'anyi ilindi aleloyana na Satana wechikapanya-ho mnying'a fo Mose ma alekarya imkumbya satana mdumbuye echimrumapfo kya indi alehamba. Mndumii nakudedye.

OTAMBAHALUO LO YOHANE 12:7

Kukaamka-ho shida ipfo ruwehu iwei ya Mikaeli na wasu wake waele yekapana na molyimo fu. Na molimo fukaamtsa shida furianyi na wasu wafo.